यर्मिया 7:26 - लिम्बु26 कर आत्तिन्हाॽरे़आङ् आबाःन्निन् खे़म्मा मे़न्दे़न्दे़न्, खे़प्मो निङ्वाॽए मे़म्बिरुन्॥ खे़ल्ले़ कुले़क्वाओ खिनिॽ थाःक्थे़बाहाॽनुःल्ले़आङ् पाःन्मे़ङ्घे़म्मनाबा नु कुॽइगे़भे़म्बा के़बोःक्खि॥’ Gade chapit la |
यर्मिया 7:26
44 Referans Kwoze
खिनिॽ पाधे़बाहाॽ हे़क्के खिनिॽआङ् पान् मे़ङ्घे़म्मनाबा मे़बोःक्खे़म्मिन्ने़ॽ॥ यहवे दाङ्बाओ खिनिॽ आप्फेक् तोःन्नासिम्मे़ॽआङ् खुने़ॽ आभे़ल्ले़साङ् सदादिङ्ले़ लागि सेसे चोगुबा खुने़ॽ कुसेसेदे़न्नो लासाम्मे़ॽ॥ यहवे दाङ्बा खिनिॽ निङ्वाॽफुमाङ्ङिन् माङ्से़वा मे़त्ते़म्मे़ॽ, हे़क्क्याङ् खुने़ॽ किप्मा पघुगे़घुबा कुसाक्के़न्निन् खिनिॽलाम् थिक्नाहाङ् हिसिङ् पेःक्ल॥
“मुक्साम्दाङ्बा यहवे दाङ्बा इस्राइलबा निङ्वाॽफुमाङ्ङिल्ले़ अक्खे पाःत्तुॽ, ‘आङ्गाॽ कन् ये़क्यक्किन् नु कुबेसाङ्बा के़रे़क् चुजुक्सा ये़क्यक्हाॽओ आबाङे पाःत्तुङ्बा के़रे़क् खुम्दिङ्हाॽ तारुङ्ॽ थेआङ्भे़ल्ले़ खिनिॽ हादिङ् के़धक्पा के़जोगि हे़क्क्याङ् आबाःन्जाःक्किन् के़ङ्घे़प्सुम्मिन्लो॥’”
कर खे़ङ्हाॽ आङ्गाॽ आबाःन्निन् खे़म्मा मे़न्दे़न्दे़न्, खे़प्मो थे़माआङ् निङ्वाॽ मे़म्बिरुन्॥ खे़ल्ले़ कुले़क्वा खे़ङ्हाॽ इङ्जाङ् इःप्मा नाःप्मा मे़न्दे़म्मनाबा नु ताप्फे़ःम्बा सिक्लुङ्माल्ले़ निङ्वाॽ इःत्तुबा कुइसिक् याःम्बक् मे़जोगुर मे़वये़॥ हे़क्केलॽरिक् खे़ङ्हाॽ आरसाङ् कुॽइगे़भे़म्बा मे़बोःक्खे़र मे़बे॥
‘खे़ङ्हाॽरे़ खे़निॽ हुक्को मे़सङ्घुसिबा खे़निॽ हिब्रु फुॽनुसाॽहाॽ तङ्बे नुसि के़प्पा ये़म्मो चोःक्युम्भो पिमासि पोङ्ॽ॥ तङ्बे तुक्सि थारिक् खिनिॽ याःम्बक् मे़जोगु मे़सुरु के़म्बिरिआङ् खे़ङ्हाॽ ले़प्मासिए पोङ्ॽ॥’ कर खिनिॽ पाधे़बाहाॽरे़ आङ्गाॽ आबाःन्निन् निङ्वाॽ मे़म्बिरुन् हे़क्क्याङ् आङ्गाॽ पाःत्तुङ्बा हे़क्के मे़न्जोगुन्॥
थेआङ्भे़ल्ले़ खे़ङ्हाॽरे़ पाःत्तुङ्बा पाःन्नो निङ्वाॽ मे़म्बिरुन् लॽरिक् आङ्गाॽ यहवे दाङ्बे़ल्ले़ पाःत्तुङ्ॽ॥ खे़न् आबाःन्निन् आङ्गाॽ आसे़वारोबा माङ्निङ्वाॽपान् के़बाःप्पाहाॽलाम् ये़त्ले़ङ् ये़त्ले़ङ् खे़ङ्हाॽ हाक्तुङ्सिङ्ङाङ् वये़॥ हे़क्क्याङ् खिनिॽ के़म्दे़म्सि के़म्देॽरिबाहाॽरे़आङ् आङ्गाॽ आइङ्घङ्ङिन् के़ङ्घे़प्सुम्मिन्॥
“आमोनरे़ कुस्सा यहुदाबा हाङ् योसियाहःल्ले़ हाङ्युक् चोगुबा थिबोङ्ङाङ् सुम्सिगेक्पा तङ्बेआङ्धो आइन् थारिक् कन् निबोङ्ङाङ् सुम्सि तङ्बे खाराक् यहवे दाङ्बे़ल्ले़ आङ्गाॽ इङ्घङ् पिआर वाॽ॥ हे़क्क्याङ् आङ्गाॽ खुने़ॽ खे़न् कुबाःन्जाक्किन् खिनिॽ ए़त्ले़ङ् मे़त्निङ्ल वाॽआ॥ कर खिनिॽ थेआङ् निङ्वाॽए मे़म्बिए के़वयि॥”
कर खे़ङ्हाॽरे़ आङ्गाॽ आइङ्जाङ्ङिन् मे़न्इःत्तुन् मे़न्नाःत्तुन् हे़क्क्याङ् खे़म्घे़म्माङ् मे़ल्लाप्तुन्॥ परुमाल्ले़ खे़ङ्हाॽ आभे़ल्ले़साङ् हादिङ् के़धक्पा नु ताक्के़भे़ॽबारक् मे़बोःक्खे़॥ खे़न् माङ्हुप्पिन् के़प्मारे़ लागि आङ्गाॽ खे़ङ्हाॽ इङ्जाङ् पिरुङ्सिङ्ङाङ् वयाङ् कर खे़ङ्हाॽ हे़क्के चोःक्मा मे़न्दे़न्दे़न्॥ खे़ल्ले़चोगुल्ले़ खे़न् माङ्हुप्पो पोधक् के़बोङ्बा के़रे़क् खुम्दिङ्हाॽ आङ्गाॽ खे़न्हाॽरे़ खुन्छिॽ सम्धाङ् थासुङ्॥”
खे़ने़ॽ के़निसाम्मिन् इःत्ते़म्मे़ॽ नाःत्ते़म्मे़ॽ फाॽआङ् खे़ङ्हाॽ साम्दिङ् के़बिरुसिरो, कर आङ्दिङ् मे़लॽरे़आङ् खे़ङ्हाॽरे़ के़साम्योथिम् इङ्जाङ्हाॽ लाप्मे़भुसुरो॥ खे़ने़ॽ के़घासे़न्हाॽ इःप्मा नाःप्मान्ने हिङ्मन्ले़ लाम् खोमारो॥ कर खे़ङ्हाॽ आधिङ्गानि नु पान् मे़ङ्घे़म्मनाबा मे़बोःक्खे़आङ् खे़न् इःप्मा नाःप्मा मे़न्दे़न्दे़ल्लो॥
आङ्गाॽ नुगप् पिरुङ्, “आङ्गाॽ आबाःन्निन् हाःत्ले़ खे़प्सुबे? आत्तिन्हाॽ मे़त्तुङ्सिङ्ङाङ् साम्दिङ् पिरुङ्सिङ्बाबे? खे़ङ्हाॽ हादिङ् के़धक्पा मे़बोङ्लो खे़ब्याङ् आबाङे खुनिॽ ने़क्खोॽइन् मे़हुॽरुआङ् मे़वाॽरो॥ यहवे दाङ्बे़ल्ले़ के़इङ्घङ्ङिन् खे़ङ्हाॽरे़ खुन्छिॽ लागि के़घबा पान् पोङ्लो हे़क्क्याङ् खे़प्मो खे़ङ्हाॽरे़ निङ्वाॽ तामा पान् थेआङ् मे़ङ्घोसुन्लो॥
ये़त्ले़ङ् ये़त्ले़ङ् आङ्गाॽ खिनिॽओ पाङ्घुङ्सिङ्बा आसे़वारोबा माङ्निङ्वाॽपान् के़बाःप्पाहाॽरे़ अक्खे के़म्मे़त्ति, ‘खिनिॽ फे़न्याःम्बक् चोःक्मालाम् नुःक्खे़म्मे़ॽ, हे़क्क्याङ् कुदोःप्मा याःम्बक् चोःक्मा हेःक्ते़म्मे़ॽ॥ वेॽ साम्माङ्हाॽ माङ्घमासि ले़रे़म्मे़ॽ हे़क्क्याङ् आङ्गाॽ खिनिॽ नु खे़निॽ पाधे़बाहाॽ पिरुङ्सिङ्बा लाजेॽओ खिनिॽ हाङ्हाङ्ङाङ् वाॽमा के़घोसुम्॥’ कर आङ्गाॽ मे़त्निङ्बान् नु आङ्गाॽ आबाःन्निन् के़ङ्घे़प्सुम्मिन्॥
“खे़ल्ले़चोगुल्ले़ आङ्गाॽ मुक्साम्दाङ्बा यहवे दाङ्बा इस्राइलबा निङ्वाॽफुमाङ्ङिल्ले़ अक्खे पाःत्तुङ्ॽ, ‘थेआङ्भे़ल्ले़ आङ्गाॽ खिनिॽ पाःन्छाःत्निङ्ङिल्ले़ खिनिॽ खे़म्मा के़न्दे़न्दिन् हे़क्क्याङ् खिनिॽ उःत्निङ्ङिल्ले़ नुगप् पिमा के़न्दे़न्दिन्, आङ्गाॽ पाःत्तुङ्बा मे़क्मासिमा के़रे़क् साम्दिङ्हाॽ यहुदा नु यरुसले़ःम्मोबा मनाहाॽ सम्धाङ् तारुङ्ॽ॥’”
“खे़ल्ले़चोगुल्ले़ खे़ने़ॽ इस्राइलबा मनाहाॽ मे़त्ते़ॽसे़ॽ—‘मुक्साम्दाङ्बा यहवे दाङ्बे़ल्ले़ अक्खे पाःत्तुॽ—खिनिॽ थाःक्थे़बाहाॽरे़ मे़जोगुबा कुइसिक् खिनिॽ आप्फेक् आसुत्थो चोःक्सिङ्मा निङ्सेक् के़जोगुम्बि? चिःन्जिःन्गे़घुबा चइःत्हाॽ से़वा के़मे़त्तुम्सिम्माङ् खिनिॽ आप्फेक् चक्मे़ल्लॽए के़त्निमा याःम्बक् चोःक्मा निङ्वाॽ के़जोगुम्बि?
खे़निॽ पाधे़बाहाॽरे़ खुन्छिॽ ये़म्माङ्धोए खे़निॽ आङ्गाॽ चोगुङ्बा उवाहाॽ खे़म्मा के़न्दे़न्दिन्नाङ् के़नुःक्खि के़बेगिआङ् के़वयि हे़क्क्याङ् खे़न् साम्योथिम्हाॽ मे़न्इःत्ते मे़न्नाःत्ते के़वयि॥ खे़निॽ आङ्गाॽ ले़प्माङ् नुःक्खे़म्मे़ॽ हे़क्क्याङ् आङ्गाॽ खे़निॽ ले़प्माङ् नुःङ्ङाॽ॥ “कर खे़निॽ याप्मि पान् से़ःन्गे़लाप्तिॽ, ‘आनिगे आक्खेलॽरिक् नुःक्खिगे़बे?’
खे़ङ्हाॽरे़ खुने़ॽ कुइङ्भःन्हाॽ नु खुने़ॽ खे़ङ्हाॽरे़ खुन्छिॽ पाधे़बाहाॽनु चोगुबा माङ्हुप्पिन् हे़क्क्याङ् खुने़ॽ खे़ङ्हाॽ पिरुसिबा साम्दिङ्ङिन् खे़म्मा मे़न्दे़न्दे़न्, खे़ङ्हाॽ हने़ थेनाधेबा नावाइत्लाहाॽ मे़दिम्दुसि, खे़ब्याङ् खे़ङ्हाॽ आप्फेक्काङ् कुसुम् मे़न्दम्मनाबा मे़बोःक्खे़॥ “खे़ङ्हाॽरे़ मे़जोगुबा कुइसिक् खिनिॽ मे़जोगे़म्मिन्ने़ॽ” फाॽआङ् यहवे दाङ्बे़ल्ले़ मे़त्तुसिआङ् वये़साङ् खे़ङ्हाॽरे़ खुन्छिॽ कब्रिङ् ले़प्माङ् के़युङ्बा मे़न्छाम् याप्मिहाॽरे़ मे़जोगुबा पाःन्हाॽ मे़हुॽसिङ्॥ हे़क्क्याङ् यहवे दाङ्बे़ल्ले़ खे़ङ्हाॽ चोःक्मा मे़भाःक्तुसिम्बा पाःन्हाॽ खे़ङ्हाॽरे़ मे़जोगु॥
खे़ने़ॽ आङ्गाॽ, यहवे दाङ्बा निङ्वाॽफुमाङ्ङिल्ले़ आदक्ले़ङ्वाओ के़बोगे़रो हे़क्क्याङ् आङ्गाॽ आइङ्जाङ्ङिन् इःप्मा नाःप्मा के़न्दे़न्दे़न्लो के़रे़क् सरेःक्याःप्पा सिङ्बुङ्मा सिगाङ् वेॽ माङ् साम्माङ्हाॽनु याम्बोःप्मा याःम्बक् के़जोगुरो खे़न् पाःन्नो आप्तिक्साबा पोङ्मा ते़न्दे़ॽओ॥” आङ्गाॽ, यहवे दाङ्बे़ल्ले़ कन् पाःत्तुङ्ङाङ् वाॽरो॥
खे़ने़ॽ के़नुरे़आङ् के़वये़बा ये़न्नो खे़ने़ॽ फे़ःक्ने़रो कर खे़ने़ॽ आबाःन्निन् के़ङ्घे़प्सुन्लो॥ खे़ने़ॽ के़बाःत्तु, ‘के़बाःन्निन् मे़घे़म्मान्लो॥’ खे़ने़ॽ के़जुक्ते़आङ्धोए आबाःन्निन् मे़ङ्घे़म्मे के़वाॽरो॥ यहवे दाङ्बे़ल्ले़ कुइङ्जाङ्ङिन् खिनिॽ आप्फाल्ले़आङ् खे़म्मा के़न्दे़न्दिन्लो॥
खे़ङ्हाॽ कन् लाजेॽओ मे़द्ये़आङ् खे़ङ्हाॽरे़ कन् लाजेन् खुन्छिॽ युक्को मे़जोगु, कर खे़ने़ॽ के़इङ्जाङ्ङिन् खे़ङ्हाॽ इःप्मा नाःप्मा मे़न्दे़न्दे़न् खे़ब्याङ् याम्मो खे़ने़ॽ के़निसाम्मिन् हे़क्के खे़ङ्हाॽरे़ खुन्छिॽ थाःक् मे़न्धासुन्॥ खे़ने़ॽ इङ्जाङ् के़बिरुसिबा लत्छा पाःन्धिक्काङ् खे़ङ्हाॽरे़ मे़न्जोगुन्॥ खे़ल्ले़चोगुल्ले़ कन् के़रे़क् मे़क्मासिमे़न् खे़ने़ॽ खे़ङ्हाॽरे़ खुन्छिॽ सम्धाङ् के़दारु॥
“खे़ल्ले़चोगुल्ले़ आल्ल, नासिगे़न् थक्ला के़गप्पा मनाए, मे़दे़म्सु मे़देॽरुसिआङ् के़वाॽबा मना ले़ङ्सिङ्ङे़ॽ॥ मे़दे़म्सु मे़देॽरुबा मनाःल्ले़ कुमा सुक्तुबा यारिक् कुभा चिगक्वाहाॽ कक् चोगे़ॽ, हे़क्क्याङ् कुभा वेॽदे़न्नो पेःक्मारे़ लागि के़हिम्मिन् ले़रे़ॽ॥ मनाहाॽरे़ खुन्छिॽ तगिए खे़ने़ॽ कन् चोगे़ॽ हे़क्केलॽरिक् खे़ङ्हाॽरे़ खे़ने़ॽ निमा के़म्सुक्ल॥ थेआङ्भे़ल्ले़ खे़ङ्हाॽ अक्तङ्बा पिफ्युङ्बासिसाङ्, हाग खे़ङ्हाॽरे़ कन् पाःन्निन् निङ्वाॽ मे़बिरुबि॥
Piblisite