यर्मिया 7:24 - लिम्बु24 कर खे़ङ्हाॽ आङ्गाॽ आबाःन्निन् खे़म्मा मे़न्दे़न्दे़न्, खे़प्मो थे़माआङ् निङ्वाॽ मे़म्बिरुन्॥ खे़ल्ले़ कुले़क्वा खे़ङ्हाॽ इङ्जाङ् इःप्मा नाःप्मा मे़न्दे़म्मनाबा नु ताप्फे़ःम्बा सिक्लुङ्माल्ले़ निङ्वाॽ इःत्तुबा कुइसिक् याःम्बक् मे़जोगुर मे़वये़॥ हे़क्केलॽरिक् खे़ङ्हाॽ आरसाङ् कुॽइगे़भे़म्बा मे़बोःक्खे़र मे़बे॥ Gade chapit la |
यर्मिया 7:24
37 Referans Kwoze
आल्ल हे़क्तङ्बा मनाःल्ले़ कन् माङ्हे़क्कोबा पाःन्जाःक्हाॽ खे़प्सुल्ले़ खे़न् आप्फेक् मुॽइसाम् पिसिङ् हे़क्क्याङ् अक्खेलॽरिक् निङ्वाॽ इःत्छिङ्ॽ, “आङ्गाॽ आप्फेक् आलाम्मो लाङ्घेःक्काआङ् पत्तासाङ् आङ्गाॽ ताप्थेक् याम्धेक् वाॽआ॥” कन् मनाःल्ले़ च्वाःत्तिल्ले़ वारक्खुबा लाजेॽ सम्धाङ्नु सोसोरिक् कुसे़ङ्ग्रा लाजेॽओआङ् तुक्खे लाक्खे तारुॽ॥
“कर इस्राइलबा मनाहाॽरे़ आङ्गाॽ आदक्ले़ङ्वाओ पिफ्युङ् मे़जोगु, हे़क्क्याङ् मुरे़क् खारे़क् थेआङ् के़होप्पा एःक्सादे़न्नो आङ्गाॽ आधिम्हाॽ खुन्छिॽ इःप्मा नाःप्मा मे़न्दे़न्दे़न्॥ इङ्जाङ् के़घे़म्बा पोङ्मालाम् खे़ङ्हाॽरे़ हिङ्मन् मे़घोसुसाङ् आङ्गाॽ आधिम्हाॽ खे़ङ्हाॽरे़ मे़न्इःत्तुन् मे़न्नाःत्तुन्॥ आङ्गाॽ आसाबाथ नाःम्सिङ्मा ये़न्हाॽआङ् खे़ङ्हाॽरे़ मे़भेःन्दु॥ खे़ल्ले़चोगुल्ले़ आङ्गाॽ आसाक्के़न्निन् खे़ङ्हाॽरे़ खुन्छिॽ सम्धाङ् थामारे़ लागि यङ्मा से़रुङ्सिङ्, खम्भ्याङ् मुरे़क् खारे़क् थेआङ् के़होप्पा एःक्सादे़न्नो खे़ङ्हाॽ वरे़ङ्ले़ङ् खक्पे़त् मे़ङ्मासि निङ्सेक् चोगुङ्ङाङ् वये़॥
“कर खे़ङ्हाॽरे़ खुन्छिॽ साहाॽरे़आङ् आङ्गाॽ आदक्ले़ङ्वाओ पिफ्युङ् मे़जोगु॥ इङ्जाङ् के़घे़म्बा पोङ्मालाम् खे़ङ्हाॽरे़ हिङ्मन् मे़घोसुबा वये़साङ्, आङ्गाॽ आइङ्जाङ्हाॽ इःप्मा नाःप्मा नु आङ्गाॽ आधिम्हाॽ तिम्मा नाःप्मा खे़ङ्हाॽ मे़न्दे़न्दे़न्॥ खम्भ्याङ् आङ्गाॽ आसाबाथ ये़न्हाॽआङ् खे़ङ्हाॽरे़ मे़भेःन्दु॥ खे़ल्ले़चोगुल्ले़ मुरे़क् खारे़क् थेआङ् के़होप्पा एःक्सादे़न्नो आङ्गाॽ साॽरिक् आसिक् पोःक्मान् खे़ङ्हाॽरे़ खुन्छिॽ सम्धाङ् थासुङ् फाॽआङ् आङ्गाॽ याम्मो खे़ङ्हाॽ यङ्मा से़रुङ्सिङ्॥
“कर खे़ङ्हाॽरे़ आङ्गाॽ आदक्ले़ङ्वाओ पिफ्युङ् मे़जोगु हे़क्क्याङ् आङ्गाॽ आबाःन्निन् मे़ङ्घे़प्सुन्॥ खुन्छिॽ निङ्वाॽओ के़युङ्बा चिःन्जिःन्गे़घुबा चइःत्हाॽलाम् खे़ङ्हाॽ लाःत्लाःत् मे़म्बोःक्खे़न्, इग्र मिस्रबा नावाइत्लाहाॽ लाप्मे़म्भुसुसिन्॥ खे़ब्याङ् खे़ङ्हाॽ मिस्र मे़वये़ल्ले़ए आङ्गाॽ आसाक्के़न्निन् चिःङ्मारे़ लागि आङ्गाॽ साॽरिक् आयाःक्ले़ॽमे़न् खिनिॽओ थासुङ्ॽ फाॽआङ् खे़ङ्हाॽ यङ्मा से़रुङ्सिङ्ङाङ् वये़॥
खे़न् ये़म्मिन् ताआङ् यरुसले़ःम्मिन् ‘यहवे दाङ्बे़ल्ले़ कुहाङ्युक्ना’ मे़मे़त्तुॽ हे़क्क्याङ् खे़प्मो के़रे़क् मे़न्छाम् सुवाङ्हाॽ यहवे दाङ्बे़ल्ले़ कुमिङ्ङिन् मिङ्सो इङ्धाङ् पिसे़ मे़जुम्॥ खे़ङ्हाॽ खुन्छिॽ हादिङ्धक्मा नु सिक्लुङ्मोबा ताप्फे़ःम्बा पाःन्हाॽओ याम्मो आफाल्ले़आङ् मे़म्बत्ने़न्॥
सिङ्ङिन् ‘आम्बौ’ नु लुङ्ङिन् ‘आम्मौ’ के़मे़त्तुम्लो आबाङे खिनिॽ नारान् आङ्गाॽ ले़प्माङ् के़न्हिसुम्मिन्लो, कर खिनिॽ एःक्थाःक्मान् के़हिसुम्माङ् के़वयिरो खे़ल्ले़चोगुल्ले़ खिनिॽ ये़त्तुक्खेओ के़ध्ये़ॽइरो, खे़ब्याङ् अक्खेलॽरिक् याप्मि पेलि के़भाक्तिरो, ‘ये़ॽआङ् आनिगे याप्मि ताङ्आसे़ःप्ते़ॽओ॥’
खे़ने़ॽ के़निसाम्मिन् इःत्ते़म्मे़ॽ नाःत्ते़म्मे़ॽ फाॽआङ् खे़ङ्हाॽ साम्दिङ् के़बिरुसिरो, कर आङ्दिङ् मे़लॽरे़आङ् खे़ङ्हाॽरे़ के़साम्योथिम् इङ्जाङ्हाॽ लाप्मे़भुसुरो॥ खे़ने़ॽ के़घासे़न्हाॽ इःप्मा नाःप्मान्ने हिङ्मन्ले़ लाम् खोमारो॥ कर खे़ङ्हाॽ आधिङ्गानि नु पान् मे़ङ्घे़म्मनाबा मे़बोःक्खे़आङ् खे़न् इःप्मा नाःप्मा मे़न्दे़न्दे़ल्लो॥
आबान् खे़म्मा मे़न्दे़म्मनाबाहाॽ खे़ङ्हाॽरे़ चक्मे़ल्लॽए अक्खे मे़मे़त्तुसिरो, ‘यहवे दाङ्बे़ल्ले़ पाःत्तुॽ—खिनिॽ लागि नुॽमादामा सनारुङ् पोङ्लो!’ पान् मे़ङ्घे़म्मनाबा आधिङ्गानि हादिङ् के़धक्पाहाॽ खे़ङ्हाॽरे़ अक्खे मे़मे़त्तुसिरो, ‘खिनिॽ सम्धाङ् थे़मा तुक्खे लाक्खेआङ् मे़दाने़न्लो॥’
आक्खेलॽरिक् कन् फॽइःन् साप्पोःक्को लुम्बे़त् युम्मनाआङ् पत्, हे़क्केलॽरिक्के इस्राइल नु यहुदाबा के़रे़क् मे़न्छाम् याप्मिहाॽ आङ्गाॽनु मे़दङ्सिङ्ङाङ् मे़घिम्सिङ्ल फाॽआङ् आङ्गाॽ चोगुङ्सिङ्॥ खे़ङ्हाॽ आङ्गाॽ आप्फेक् आमना मे़बोङ्ल, खे़ङ्हाॽलाम्बा आङ्गाॽ आमिङ् पोङ्ल, आनारा फोमा पोङ्ल हे़क्क्याङ् मिङ्सो इङ्धाङ् मे़बिआर के़लॽबा आङ्गाॽ आनिङ्वाॽ वये़ कर खे़ङ्हाॽरे़ आइङ्जाङ्ङिन् मे़न्इःत्तुन् मे़न्नाःत्तुन्लो॥’”
ये़त्ले़ङ् ये़त्ले़ङ् आङ्गाॽ खिनिॽओ पाङ्घुङ्सिङ्बा आसे़वारोबा माङ्निङ्वाॽपान् के़बाःप्पाहाॽरे़ अक्खे के़म्मे़त्ति, ‘खिनिॽ फे़न्याःम्बक् चोःक्मालाम् नुःक्खे़म्मे़ॽ, हे़क्क्याङ् कुदोःप्मा याःम्बक् चोःक्मा हेःक्ते़म्मे़ॽ॥ वेॽ साम्माङ्हाॽ माङ्घमासि ले़रे़म्मे़ॽ हे़क्क्याङ् आङ्गाॽ खिनिॽ नु खे़निॽ पाधे़बाहाॽ पिरुङ्सिङ्बा लाजेॽओ खिनिॽ हाङ्हाङ्ङाङ् वाॽमा के़घोसुम्॥’ कर आङ्गाॽ मे़त्निङ्बान् नु आङ्गाॽ आबाःन्निन् के़ङ्घे़प्सुम्मिन्॥
खे़ने़ॽ ओम्रिरे़ कुधिम्हाॽ नु आहाबरे़ के़रे़क् कुयाःम्बक्हाॽ खे़ने़ॽ के़इःत्तु के़नाःत्तुआङ् के़वाॽरो, हे़क्क्याङ् खे़ङ्हाॽरे़ खुन्छिॽ साक्थिम्हाॽ खे़ने़ॽ के़दिम्दु के़नाःत्तुआङ् के़वाॽरो॥ कल्ले़चोगुल्ले़ आङ्गाॽ खे़ने़ॽ मे़ङ्ने़रो, हे़क्क्याङ् आङ्गाॽ खे़ने़ॽ के़मनाहाॽ कुनामे़न्छाॽ मे़प्मा चाहाक् चोगुङ्सिङ्लो, आङ्गाॽ आमनाहाॽरे़ कुनामे़न्छाॽ के़म्मे़प्पान् खे़ने़ॽ नासिथःप्मा के़बोङ्बा पोङ्लो॥”
खे़ने़ॽ आङ्गाॽ, यहवे दाङ्बा निङ्वाॽफुमाङ्ङिल्ले़ आदक्ले़ङ्वाओ के़बोगे़रो हे़क्क्याङ् आङ्गाॽ आइङ्जाङ्ङिन् इःप्मा नाःप्मा के़न्दे़न्दे़न्लो के़रे़क् सरेःक्याःप्पा सिङ्बुङ्मा सिगाङ् वेॽ माङ् साम्माङ्हाॽनु याम्बोःप्मा याःम्बक् के़जोगुरो खे़न् पाःन्नो आप्तिक्साबा पोङ्मा ते़न्दे़ॽओ॥” आङ्गाॽ, यहवे दाङ्बे़ल्ले़ कन् पाःत्तुङ्ङाङ् वाॽरो॥
यहवे दाङ्बे़ल्ले़ कुमनाहाॽ अक्खे मे़त्तुसिरो, “लिसि लाम् के़दुम्बा लाम्दोओ ये़बे़म्मे़ॽआङ् ओमये़म्मे़ॽओ॥ तगिबा लाम्हाॽ नु के़रे़क्नुःल्ले़ नुबा लाम्मिन् कोःत्ते़म्मे़ॽओ हे़क्क्याङ् खे़न् लाम्मो लाङ्घेगे़म्मे़ॽओ खे़म्ब्याङ् खिनिॽ हिङ्मन्निन् याम्नाःम् पोङ्लो॥” कर खे़ङ्हाॽरे़ मे़मे़त्तु, “आहाॽ, आनिगे हे़क्के मे़जोगुम्बे़न्लो॥”
कन् ताक्के़भे़ॽबा मनाहाॽरे़ आङ्गाॽ आइङ्जाङ्ङिन् इःप्मा नाःप्मा मे़नाॽरुआङ् मे़वाॽ॥ खे़ङ्हाॽ आभे़ल्ले़साङ् कुॽइगे़भे़म्बा मे़बोःक्खे़आङ् मे़वाॽ हे़क्क्याङ् कुसिङ्मे़न्निःत्ते़बा साम्माङ्हाॽ माङ्से़वा मे़मे़त्तुसि खे़ब्याङ् माङ्मे़घयुसिॽ॥ खे़ल्ले़चोगुल्ले़ आल्ल खे़ङ्हाॽ कन् फॽइःन् हे़क्के कुसुम्मे़न्दम्मना हने़बा मे़बोङ्॥
खे़ने़ॽ के़नुरे़आङ् के़वये़बा ये़न्नो खे़ने़ॽ फे़ःक्ने़रो कर खे़ने़ॽ आबाःन्निन् के़ङ्घे़प्सुन्लो॥ खे़ने़ॽ के़बाःत्तु, ‘के़बाःन्निन् मे़घे़म्मान्लो॥’ खे़ने़ॽ के़जुक्ते़आङ्धोए आबाःन्निन् मे़ङ्घे़म्मे के़वाॽरो॥ यहवे दाङ्बे़ल्ले़ कुइङ्जाङ्ङिन् खिनिॽ आप्फाल्ले़आङ् खे़म्मा के़न्दे़न्दिन्लो॥
खे़ङ्हाॽ कन् लाजेॽओ मे़द्ये़आङ् खे़ङ्हाॽरे़ कन् लाजेन् खुन्छिॽ युक्को मे़जोगु, कर खे़ने़ॽ के़इङ्जाङ्ङिन् खे़ङ्हाॽ इःप्मा नाःप्मा मे़न्दे़न्दे़न् खे़ब्याङ् याम्मो खे़ने़ॽ के़निसाम्मिन् हे़क्के खे़ङ्हाॽरे़ खुन्छिॽ थाःक् मे़न्धासुन्॥ खे़ने़ॽ इङ्जाङ् के़बिरुसिबा लत्छा पाःन्धिक्काङ् खे़ङ्हाॽरे़ मे़न्जोगुन्॥ खे़ल्ले़चोगुल्ले़ कन् के़रे़क् मे़क्मासिमे़न् खे़ने़ॽ खे़ङ्हाॽरे़ खुन्छिॽ सम्धाङ् के़दारु॥
Piblisite