हे़क्क्याङ् खुने़ॽ पाःत्तु, “यहवे दाङ्बा खिनिॽ आबाङे निङ्वाॽफुमाङ्ङिल्ले़ कुबाःन्निन् ये़क्ये़क्काङ् के़घे़प्सुम्, खुने़ॽ कुनिमो आत्तिन् पाःन्निन् कुदोःप्मा चोक् खे़न् के़जोगुम्, हे़क्क्याङ् खुने़ॽ कुइङ्जाङ्हाॽ निङ्वाॽ के़बिरुम्, खे़ब्याङ् खुने़ॽ कुधिम्हाॽ इःप्मा नाःप्मा के़दे़न्दिने़भग्र, आङ्गाॽ मिस्रिहाॽरे़ खुनिॽ सम्धाङ् तारुङ्बा तुक्मा लाःक्माहाॽ खिनिॽ सम्धाङ् लत्छाआङ् मे़दाःत्तान्, थेआङ्भे़ल्ले़ खिनिॽ के़वेःम्बा आङ्गाॽ यहवे दाङ्बाआरो॥”
यर्मिया 7:23 - लिम्बु23 कर आङ्गाॽ खिनिॽ अक्खे मे़त्निङ्ङाङ् वयाङ्, आङ्गाॽ आबाःन्निन् इःप्मा नाःप्मा ते़न्दे़म्मे़ॽ हे़क्क्याङ् आङ्गाॽ आइङ्जाङ् कुइसिक् खिनिॽ हिङ्मन् कत्ते़म्मे़ॽ॥ हे़क्केने़भग्र खिनिॽ नुॽमादामा पोङ्ॽ, आङ्गाॽ खिनिॽ निङ्वाॽफुमाङ् पोङ्ङा हे़क्क्याङ् खिनिॽ आमना के़बोःक्खिॽ॥ Gade chapit la |
यर्मिया 7:23
38 Referans Kwoze
आनिगे सिराॽ थाङ्साङ् इग्र सिराॽ मे़धाङ्ने़न्छाङ्, आनिगे पेलि फाक्ते़ आबिरे़ॽ फाॽआङ् पाङ्ङासिगे़बा यहवे दाङ्बा आनिगे निङ्वाॽफुमाङ्ङिल्ले़ कुइङ्जाङ्ङिन् इःत्तुम्बे़ नाःत्तुम्बे़॥ थेआङ्भे़ल्ले़ खुने़ॽ कुङ्जाःङ्ङिन् इःत्तुम्बे़ नाःत्तुम्बे़ने़भग्र के़रे़क् पाःन्हाॽ आनिगे लागि नुबा पोङ्ॽ॥”
इस्राइलिसे खे़प्से़म्मे़ॽ, कन्हाॽ के़रे़क् इःप्मा नाःप्मारे़ लागि सिङ्सिङ् ये़क्ये़क् लॽरे़म्मे़ॽ, खे़ब्याङ् खिनिॽ के़नुरि के़दासिर, हे़क्क्याङ् यहवे दाङ्बा खिनिॽ पाधे़बाहाॽरे़ खुनिॽ निङ्वाॽफुमाङ्ङिल्ले़ खिनिॽनु माङ्हुप् चोगुबा कुइसिक् पित्नु नु सक्वाघु के़गुङ्बा लाजेॽओ खिनिॽ यरिक् के़बोःन्दि के़धे़ॽरिॽआङ्लो॥
हे़क्क्याङ् यहवे दाङ्बा खिनिॽ निङ्वाॽफुमाङ्ङिन् मिःम्जि मे़त्ते़म्मे़ॽर, खुने़ॽ कुइङ्जाङ्हाॽ इःत्ते़म् नाःत्ते़म्मे़ॽ खे़ब्याङ् खुने़ॽओ खिम्मासिम्मिन्ने़ॽआङ् हिङे़म्मे़ॽआङ् वये़म्मे़ॽ॥ थेआङ्भे़ल्ले़ यहवे दाङ्बे़न्ने खिनिॽ हिङ्मारो, हे़क्क्याङ् खिनिॽ थाःक्थे़बा अब्राहाम, इसहाक खम्भ्याङ् याकुबे़न्नु खुने़ॽ पिनिङ् मे़त्तुसिआङ् माङ्हे़क्सिङ्बा लाजेॽओ खुने़ॽ खिनिॽ थाःक् के़जाॽबा के़जोगिरो॥
खे़ङ्हाॽरे़ ये़त्तुक्खे मे़दुमुबा फे़न्जेॽ योःम्मादे़न् हे़क्तङ्बा मिस्र लाजेॽलाम्बा आङ्गाॽ खे़ङ्हाॽ लःत्तुङ् थाक्तुङ्सिङ्ङिल्ले़ कन् माङ्हुप्पिन् आङ्गाॽ खे़ङ्हाॽरे़ खुन्छिॽ पाधे़बाहाॽनु खे़न् ये़म्मो चोगुङ्ङाङ् वयाङ्॥ आङ्गाॽ आइङ्जाङ्ङिन् खे़ङ्हाॽ इःत्ते़म्मे़ नाःत्ते़म्मे़ॽ हे़क्क्याङ् खे़न् हे़क्के के़रे़क् याःम्बक्हाॽ चोगे़म्मे़ॽ मे़त्तुङ्सिङ्ङाङ् वयाङ्॥’ आङ्गाॽ खिनिॽ मे़त्निङ्, ‘आङ्गाॽ आइङ्जाङ्ङिन् के़इःत्तुम् के़नाःत्तुम्ने़भग्र खिनिॽ आमना के़बोःक्खिॽ खे़ब्याङ् आङ्गाॽ खिनिॽ निङ्वाॽफुमाङ् पोङ्ङा॥
आनिॽ कन् फे़जुम् फे़याहाॽलाम् मनाहाॽरे़ खुनिॽ इङ्ले़क्के पाःन्धङ्हाॽ हे़क्क्याङ् मनाहाॽरे़ निङ्वाॽफुमाङ्ङिन् कुसिङ् मे़न्निःत्तुन्ल फाॽआङ् के़बोःक्पा आघघबा पाःन्हाॽ आनाःन्दुम्लो॥ हे़क्क्याङ् के़रे़क् मे़इःत्तुबा फे़न् निङ्वाॽहाॽ पुङ्लाधाबान् ते़म्ना ताःप्मनाबा कुइसिक् ख्रिस्तरे़ कुइङ्जाङ् के़इःप्पा के़नाःप्पा मे़बोङ्ल फाॽआङ् युक्को आदारुम्लो॥
आत्तिन् ये़म्मो आङ्गाॽ खे़ङ्हाॽरे़ खुन्छिॽ पाधे़बाहाॽ मिस्रलाम् थे़ॽरुङ्सिङ्ङाङ् थाक्तुङ्सिङ्, खे़न् ये़म्मो खे़ङ्हाॽ आङ्गाॽ आइङ्जाङ्ङिन् इःत्ते़म् नाःत्ते़म्मे़ॽ फाॽआङ् ये़त्ले़ङ् साम्दिङ् पिरुङ्सिङ्ङाङ् पत्छाङ् हे़क्केलॽरिक्के आइन् थारिक् कन् मनाहाॽ साम्दिङ् पिरुङ्सिङ्ल वाॽआ॥
आल्लो कन् सुनाइङ्ङिन् माङ्निङ्वाॽपान् के़बाःप्पाहाॽरे़ मे़साप्तुबा पाःन्लाम् ओसेःन्दाङ् पोःक्खे़आङ् वाॽरो॥ हे़क्क्याङ् मे़न्नुप्मनाबा निङ्वाॽफुमाङ्ङिल्ले़ कुइङ्जाङ्लाम् के़रे़क्ले़ ख्रिस्ते़न् नसान् मे़जोगुआङ् निङ्वाॽफुमाङ्ङिन् के़इःप्पा के़नाःप्पा मे़बोङ्ल फाॽआङ् काक् मे़न्छाम् सुवाङ्हाॽओ कन् सुनाइङ्ङिन् इङ्भोर वाॽरो॥
होरेब कोःक्माओ खिनिॽ यहवे दाङ्बा निङ्वाॽफुमाङ्ङिल्ले़ कुदगि के़ये़बिबा ये़न्निन् निङ्वाॽ इःत्ते़म्मे़ॽ, आल्ल खुने़ॽ आङ्गाॽ अक्खे मे़त्ताङ्, “आङ्गाॽ आबाःन्जाक् खे़म्मारे़ लागि मनाहाॽ आङ्गाॽ आदगि सुप्से़से़ॽ, हे़क्क्याङ् खे़न् लाजेॽओ खुन्छिॽ हिङ्हिङ् आङ्गाॽनु किमा मे़हुॽसिङ्ल खम्भ्याङ् खे़न् पाःन्जाःक्हाॽ खुन्छिॽ साहाॽआङ् मे़हुॽरुसिर॥”
“इस्राइलबा आमनाहाॽनु चोःक्मा इःत्तुङ्बा कुसङ् माङ्हुप्पिन् अक्तङ्बा पोङ्लो” यहवे दाङ्बे़ल्ले़ पाःत्तुरो “खे़ङ्हाॽरे़ खुन्छिॽ निङ्वाॽओ आसाम्योथिम् इङ्जाङ्ङिन् युक्खुङ् पिरुङ्सिङ्लो हे़क्क्याङ् खुन्छिॽ सिक्लुङ्मो साप्तुङ् पिरुङ्सिङ्लो॥ खे़ङ्हाॽरे़ खुन्छिॽ निङ्वाॽफुमाङ् पोङ्ङारो खे़ब्याङ् खे़ङ्हाॽ आमना मे़बोङ्लो॥
मोसाःल्ले़ पाःत्तु, “यहवे दाङ्बाल्ले़ अक्तङ्बा इङ्जाङ् चोगुआङ् वाॽ—‘मिस्रलाम् आङ्गाॽ खिनिॽ लःत्निङ् फे़त्निङ्ङिल्ले़ मुरे़क् खारे़क् थेआङ् के़होप्पादे़न्नो आक्तङ्बा कुजा चाःत्निङ्ङाङ् वये़, खे़न् कुजान् ताःन्दि के़दाबा मुॽइदाङ्साहाॽरे़ मे़निसुर फाॽआङ् खे़न् मन्नःन् ओमेर थिक् थाःक्थाःक्को थारिक् कत्ते़म्मे़ॽ॥’”
आक्खेलॽरिक् कन् फॽइःन् साप्पोःक्को लुम्बे़त् युम्मनाआङ् पत्, हे़क्केलॽरिक्के इस्राइल नु यहुदाबा के़रे़क् मे़न्छाम् याप्मिहाॽ आङ्गाॽनु मे़दङ्सिङ्ङाङ् मे़घिम्सिङ्ल फाॽआङ् आङ्गाॽ चोगुङ्सिङ्॥ खे़ङ्हाॽ आङ्गाॽ आप्फेक् आमना मे़बोङ्ल, खे़ङ्हाॽलाम्बा आङ्गाॽ आमिङ् पोङ्ल, आनारा फोमा पोङ्ल हे़क्क्याङ् मिङ्सो इङ्धाङ् मे़बिआर के़लॽबा आङ्गाॽ आनिङ्वाॽ वये़ कर खे़ङ्हाॽरे़ आइङ्जाङ्ङिन् मे़न्इःत्तुन् मे़न्नाःत्तुन्लो॥’”
यहवे दाङ्बे़ल्ले़ अक्खे पाःत्तुॽ—आङ्गाॽ यहवे दाङ्बे़ल्ले़ खिनिॽ कुदोःप्मा खासे़न् लोःम्मा नु के़लाॽबा याःम्बक् चोःक्मा इङ्जाङ् पिनिङ्ल पत्ता॥ मे़नाप्तुसिबाहाॽ के़घुम्बाहाॽरे़ खुन्छिॽ हुक्कोलाम्बा से़ःप्ते़म्सिम्मे़ॽ॥ वेॽ लाजेॽबा मे़न्छाम् सुवाङ्, ये़त्छाबासाहाॽ हे़क्क्याङ् मेमेदुमाहाॽ ताप्फे़ःल्लिक् नु मे़न्वाॽमना मे़मे़त्ते़म्सिम्मिन्ने़ॽ॥ कन् सेसेबादे़न्नो फोत्या मे़ःन्नेबाहाॽ मे़से़रे़म्सिम्मिन्ने़ॽ॥
खे़न् माःङ्घा माःङ्घा के़युङ्बाहाॽ मे़दाआङ् यहवे दाङ्बे़ल्ले़ कुहिम्मिन् चोःक्मा मे़भाॽरुसिॽ, हे़क्क्याङ् मुक्साम्दाङ्बा यहवे दाङ्बे़ल्ले़ आङ्गाॽ खिनिॽओ पाङ्घाङ्बा फाॽआङ् कुसिङ् के़निःत्तुम्ॽ॥ खिनिॽ निङ्वाॽ के़बिरुम्माङ् यहवे दाङ्बा खिनिॽ निङ्वाॽफुमाङ्ङिल्ले़ कुइङ्जाङ्हाॽ के़इःत्तुम् के़नाःत्तुम्ने़भग्र कन् पाःन्हाॽ पोङ्लो॥
यरुसले़म नु खे़न् के़रे़क् पिसाङ्बा पाङ्जुम्हाॽओ चिजि ये़म्ये़म् नु नुॽमादामा पोःक्खे़आङ् वये़ हे़क्क्याङ् नेगेव नु नाम्धा पिसाङ् थे़गुगुबादे़न्हाॽओ चिजि ये़म्ये़म् पोःक्खे़आङ् वये़बा तगिबा माङ्निङ्वाॽपान् के़बाःप्पाहाॽलाम् इङ्भन् पोःक्खे़बा यहवे दाङ्बे़ल्ले़ कुइङ्घङ्ङिन् हाबा कन् वये़रो॥’”
कर कन् माङ्निङ्वाॽपान् के़बाःप्पा इग्र ताॽदि से़प्माङ् के़माक्पे़न् से़प्माए पोङ्ॽ, थेआङ्भे़ल्ले़ योक् के़म्जोगिबा मिस्र लाजेॽलाम् खिनिॽ चोःक्युम्भो के़बिबाआङ् के़लःप्पा के़भे़प्पा यहवे दाङ्बा खिनिॽ निङ्वाॽफुमाङ्ङिल्ले़ इङ्जाङ् के़बिरिबा लाम्मोलाम् खिनिॽ हुमा पङ्मारे़ लागि खे़ल्ले़ खुने़ॽ कुबिफ्युङ् चोःक्मा के़हुसि॥ कम्भलॽरिक् खिनिॽ लुम्मोलाम् ताप्फे़ःम्बा पाःन्निन् खे़त्ताम्मे़ॽ॥
खे़ने़ॽ के़नुरे़आङ् के़वये़बा ये़न्नो खे़ने़ॽ फे़ःक्ने़रो कर खे़ने़ॽ आबाःन्निन् के़ङ्घे़प्सुन्लो॥ खे़ने़ॽ के़बाःत्तु, ‘के़बाःन्निन् मे़घे़म्मान्लो॥’ खे़ने़ॽ के़जुक्ते़आङ्धोए आबाःन्निन् मे़ङ्घे़म्मे के़वाॽरो॥ यहवे दाङ्बे़ल्ले़ कुइङ्जाङ्ङिन् खिनिॽ आप्फाल्ले़आङ् खे़म्मा के़न्दे़न्दिन्लो॥
खे़ङ्हाॽ कन् लाजेॽओ मे़द्ये़आङ् खे़ङ्हाॽरे़ कन् लाजेन् खुन्छिॽ युक्को मे़जोगु, कर खे़ने़ॽ के़इङ्जाङ्ङिन् खे़ङ्हाॽ इःप्मा नाःप्मा मे़न्दे़न्दे़न् खे़ब्याङ् याम्मो खे़ने़ॽ के़निसाम्मिन् हे़क्के खे़ङ्हाॽरे़ खुन्छिॽ थाःक् मे़न्धासुन्॥ खे़ने़ॽ इङ्जाङ् के़बिरुसिबा लत्छा पाःन्धिक्काङ् खे़ङ्हाॽरे़ मे़न्जोगुन्॥ खे़ल्ले़चोगुल्ले़ कन् के़रे़क् मे़क्मासिमे़न् खे़ने़ॽ खे़ङ्हाॽरे़ खुन्छिॽ सम्धाङ् के़दारु॥
Piblisite