“मुक्साम्दाङ्बा यहवे दाङ्बा इस्राइलबा निङ्वाॽफुमाङ्ङिल्ले़ अक्खे पाःत्तुॽ, ‘आक्खेलॽरिक् आङ्गाॽ आसिक् पोःक्मे़न् नु साॽरिक् आयाःक्ले़ॽमान् यरुसले़ःम्बा मनाहाॽरे़ खुन्छिॽ सम्धाङ् थ्ये़आङ् वये़, हे़क्केलॽरिक्के खिनिॽ मिस्र लाजेॽओ के़लासिल्ले़ खे़न् आङ्गाॽ साॽरिक् आसिक् पोःक्मे़न् नु आयाःक्ले़ॽमान् खिनिॽ सम्धाङ् थारो॥ मे़क्मासिमा, किप्मागे़घुबा, माङ्दे साङ्ग्रा नु चे़क्या इङ्दो पाःन्निल्ले़ आप्तिक् चाहाक् के़बोःक्खिॽ॥ हे़क्क्याङ् खिनिॽ आबाङे लाजेन् खिनिॽ याम्मो आभे़ल्ले़आङ् के़न्निसुम्मिन्ॽ॥’
यर्मिया 7:20 - लिम्बु20 “खे़ल्ले़चोगुल्ले़ आङ्गाॽ मुक्साम्दाङ्बा यहवे दाङ्बे़ल्ले़ आसिक्के़न् कन् माङ्हिम्मो थासुङ्ॽ, मना, थक्सा, सिङ्बुङ्हाॽ नु इक्ताप्पोबा पोगुगे़न् कुजा सम्धाङ् थासुङ्ॽ॥ आङ्गाॽ आसिक्के़न् के़दिःप्पा मि हे़क्के तिःत्ल वाॽ, खे़न् हाःत्ले़आङ् वरङ्मा से़प्मा मे़सुक्तुन्॥ Gade chapit la |
यर्मिया 7:20
35 Referans Kwoze
“कर खे़ङ्हाॽ आङ्गाॽ आइङ्जाङ्ङिन् इःप्मा नाःप्मा मे़न्दे़न्ने़न् हे़क्क्याङ् खे़न् ये़न्नो खे़ङ्हाॽ कुभा के़लिःप्पा कक् मे़गुःत्छिङ्ङाङ् यरुसले़ःम्मोबा मा लाम्धेःप्पाहाॽओलाम् सिगाङ् नु लाःक्कात् मे़लॽ हे़क्क्याङ् खे़ङ्हाॽरे़ नाःम्सिङ्मा ये़न्निन् सेसे ये़न् फाॽआङ् मे़न्ने़त्तुन्ने़भग्र आङ्गाॽ यरुसले़ःम्मोबा मालाम्धेःत्हाॽओ मि केःत्तुङ्ॽ॥ यरुसले़ःम्मोबा हाङ्यक्हाॽ मिःल्ले़ खाप्पुथ्यःङ् पोङ्ॽ हे़क्क्याङ् मिन् आत्तिल्ले़आङ् से़प्मा मे़सुक्तुन्लो॥”
खे़ल्ले़चोगुल्ले़, खे़ङ्हाॽरे़ खुन्छिॽ सम्धाङ् मि हे़क्तङ्बा खुने़ॽ कुसिक्के़न् थासुरो हे़क्क्याङ् ते़न्धङ्ङो खे़ङ्हाॽ मे़क्खुसिरो॥ खे़ल्ले़चोगुल्ले़ खे़ङ्हाॽरे़ खुन्छिॽ के़रे़क् पिसाङ् मि तिरे़रो, हम्भसाङ् खे़ङ्हाॽरे़ कुसिङ् मे़न्निःत्तुल्लो॥ खे़न् मिःल्ले़ खे़ङ्हाॽ मे़क्खुसिरो, हे़क्केसाङ् खे़न् पाःन्निन् खे़ङ्हाॽरे़ खुन्छिॽ निङ्वाॽओ मे़न्युक्खुल्लो॥”
“खे़ङ्हाॽ मे़लःन्नाङ् मे़बेःक्किल्ले़ आङ्गाॽ आदक्ले़ङ्वाओ पिफ्युङ् के़जोःक्पाहाॽरे़ खुन्छिॽ के़सिबा थक्हाॽ खे़ङ्हाॽरे़ मे़निसुरो॥ खे़न् के़सिबा थक्हाॽ के़जाबा फेॽबाःत्हाॽ आभे़ल्ले़आङ् मे़न्छिने़न्लो हे़क्क्याङ् खे़न् चेधक्हाॽ के़ओॽबा मिन् आभे़ल्ले़आङ् मे़सिने़न्लो, खे़न् निगे़दे़प्पे़न् के़रे़क् मे़न्छाम् सुवाङ्हाॽरे़ खुन्छिॽ लागि साॽरिक् सिक्के़ले़ःङ्बा पोङ्लो॥”
खे़ङ्हाॽरे़ आङ्गाॽ मे़नाॽराङ्ङाङ् वाॽ, हे़क्क्याङ् वेॽ माङ्हाॽओ सुक्पा मे़हाःन्दुआङ् वाॽ, खे़ब्याङ् आप्फेक् हुक्किल्ले़ मे़जोगुसिबा के़रे़क् नावाइत्लाहाॽरे़ आङ्गाॽ आसिक् मे़भोक्खुआङ् वाॽ॥ कल्ले़चोगुल्ले़ कन् ते़न्निल्ले़ कुदक्ले़ङ्वाओ आङ्गाॽ आयाक् ले़ॽरे़आङ् वाॽ, हे़क्क्याङ् आसिक् पोःक्मे़न् मे़जिःक्तुन्ॽ॥’
मुक्साम्दाङ्बा यहवे दाङ्बे़ल्ले़ पाःत्तु, “ओमे़त्ते़म्मे़ॽ, खे़न् खासे़न् लोःम्मा ये़न्निन् मिधुङ् मिराःक् कुइसिक् तार पत्॥ यम्बा के़ले़ङ्सिङ्बा मनाहाॽ नु ताप्फे़ःम्बा याःम्बक् के़जोःक्पाहाॽ याॽलाङ् कुइसिक् मे़जोक्लो॥ हे़क्क्याङ् खे़न् ये़न्नो खे़ङ्हाॽ मिःल्ले़ खाप्पुथ्यःङ् चोगुसिॽ॥ मिःल्ले़ सिङ्बोराःक्के़न् नु कुसाःप्पे़न् खाप्पुथ्यःङ् चोगुबा कुइसिक् खे़ल्ले़ खे़ङ्हाॽरे़ खुन्छिॽ मुॽइदाङ्साहाॽ खाप्पुथ्यःङ् चोगुसिॽ॥
खे़ने़ॽ के़इङ्जाङ्ङिन् इःप्मा नाःप्मा मे़न्दे़न्ने़न्नाङ् के़रे़क् इस्राइलिहाॽरे़ खे़ने़ॽ के़साम्योथिम् इङ्जाङ्हाॽ मे़भेःन्दुआङ् वाॽ हे़क्क्याङ् खे़ने़ॽलाम् माःङ्घा मे़बोःक्खे़आङ् मे़वाॽ॥ “खे़ल्ले़चोगुल्ले़ निङ्वाॽफुमाङ्ङिल्ले़ के़से़वारोबा मोसाःल्ले़ कुसाम्योथिम्मो साप्ते़आङ् के़बप्पा साक्मुरा माङ्देहाॽ नु माङ्हे़क् निःन्धो के़बोङ्बा पाःन्हाॽ आनिगे सम्धाङ् थ्ये़आङ् वाॽ, थेआङ्भे़ल्ले़ आनिगे खे़ने़ॽ के़दक्ले़ङ्वाओ लायो चोगुम्बे़आङ् वाॽ॥
हे़क्क्याङ् खे़ङ्हाॽरे़ माङ्निङ्वाॽपान् मे़मे़त्तुसिबा मनाहाॽरे़ खुन्छिॽ चेहाॽ साक् नु ताभेःल्ले़ चोगुल्ले़ यरुसले़ःम्बा लाम्हाॽओ ने़गन् हे़क्क्याङ् खे़न् के़लुप्पा मना थिक्काङ् मे़वाॽने़न्॥ खे़ङ्हाॽ के़रे़क्ले़ खुन्छिॽ मेःत्हाॽ नु साहाॽरे़आङ् हाबा हे़क्तङ्बाए मे़दुमुॽ॥ आबाङे खुन्छिॽ ताप्फे़ःम्बा याःम्बक्किल्ले़ तुम्घोःन् खे़ङ्हाॽ आबाङे खोमा पाङ्घुङ्सिङ्ॽ॥”
आप्फाल्ले़ थारिक् आनिगे लाजेन् हेआङ् ने़बाबे? हे़क्क्याङ् इक्ताप्हाॽओ चाभे़त्लाःन् आभे़ल्ले़ थे़म्बा इरे़म्माङ् युङ्बाबे? कन् लाजेॽओबा यक्युङ्बाहाॽ कुॽइमे़भे़म्बाल्ले़ चोगुल्ले़ थक्सापुसाहाॽ मे़सिर मे़बत्लो, हे़क्केसाङ् कन् मनाहाॽरे़ अक्खे मे़बाःत्तुरो, “निङ्वाॽफुमाङ्ङिल्ले़ आनिगे याःम्बक्किन् मे़निसुन्लो॥”
यहवे दाङ्बाए, खे़ने़ॽ के़साक्के़न्निल्ले़ आङ्गाॽ मि हे़क्के थुक्कारो, आल्ल आङ्गाॽ खे़न् थम्माआङ् कप्मा मे़सुक्कान्लो॥” हे़क्क्याङ् यहवे दाङ्बे़ल्ले़ आङ्गाॽ अक्खे मे़त्ताङ्लो, “खे़न् आसिक् पोःक्मान् लाम्मो के़वाॽबा हिन्जाॽबित्छाॽहाॽ हे़क्क्याङ् थाङ्बे़न्हाॽ मे़जुम्बादे़न्नो थासे़ॽओ॥ ये़म्बा नु मेःत्हाॽ के़रे़क् मे़दे़म्सु मे़देॽरुसिरो, कुधे़गेक् के़भुप्पा काप्पोबाआङ् मे़ल्ले़रुन्छिन्लो॥
खे़ङ्हाॽरे़ खुन्छिॽ हिम्धाःङ्हाॽ वेॽहाॽरे़ मे़देॽरुरो हे़क्क्याङ् खुन्छिॽ इक्ताप्हाॽ नु मेःत्हाॽआङ् वेॽहाॽरे़ मे़देॽरु मे़बिरुसिरो॥ आङ्गाॽ मुक्साम्साबा आहुक्किन् सन्छुङ्लो हे़क्केःल्ले़ कन् के़रे़क् पाःन्हाॽ लाजेॽओ के़युङ्बा मनाहाॽओ के़त्लो॥ आङ्गाॽ यहवे दाङ्बे़ल्ले़ कन् पाःन्निन् पाःत्तुङ्लो॥
आङ्गाॽ खुन्छिॽ पोगुगे़न् कुजाहाॽ तेॽरुङ् पिरुङ्सिङ्लो चे़ल्ले़क्सेल्ले़ कुबुङ्ङो चे़ल्ले़क्सेॽ मे़बत्ने़न्लो, हे़क्क्याङ् पःत्छेॽबुङ्ङोआङ् कुजाॽ मे़धोःक्ने़ल्लो॥ खे़ल्ले़ कुभे़क्वाहाॽआङ् इरे़म्बेःक्लो॥ खे़ल्ले़ खे़ङ्हाॽ थेधे पिरुङ्सिङ्ङाङ् वयाङ् खे़न् के़रे़क् खे़ङ्हाॽरे़ खुन्छिॽ हुक्कोलाम्बा नाप्तुङ्सिङ्लो, आङ्गाॽ यहवे दाङ्बे़ल्ले़ पाःत्तुङ्ङाङ् वाॽरो॥”
आङ्गाॽ यहवे दाङ्बे़ल्ले़ थिक् ये़म् खे़ङ्हाॽ नुबा सिङ्सेॽ के़धोःक्पा मे़त्तुङ्सिङ्लो लत्छा नुबा सरेःक्याःप्पा पे़ःङ्वालिःत्छेॽ सिङ्बुङ् लॽरिक् मिङ् वाःत्तुङ्सिङ्ङाङ् वये़रो॥ कर आल्ल साःम्भे ले़क्नामे़ःन्ने खे़ल्ले़ कुभे़क्वाओ फाःत्त्रा केःत्तुङ्लो हे़क्क्याङ् कुबोराक्हाॽ फल्लक् फल्लक् ए़क्खुङ्लो॥
कर यहवे दाङ्बाए, आङ्गाॽ से़प्मारे़ लागि खे़ङ्हाॽरे़ चे़म्भन् मे़जोगुरो खे़न् के़रे़क् खे़ने़ॽ के़दगि नुरिक्काङ् थाबे़आङ् वाॽरो॥ खे़ङ्हाॽरे़ खुन्छिॽ कुॽइभे़म्मान् ले़प्मि मे़बिरे़से़न्ने़ॽओ हे़क्क्याङ् खे़ङ्हाॽरे़ खुन्छिॽ लायोन् मे़घे़त्ते़न् मे़बिरे़से़न्ने़ॽओ॥ खे़ङ्हाॽ हारिमे़दार याःन्दे़से़ॽआङ् सोःन्दे़से़ॽओ हे़क्क्याङ् खे़ने़ॽ के़साक्के़न् पोःक्पा हे़क्केए खे़ङ्हाॽरे़ खोमा मे़यारुबा खुम्दिङ् पिरे़से़ॽओ॥”
दाउदरे़ कुमुॽइदाङ्सा यहुदाबा हाङ् हिम्सयङ्से, यहवे दाङ्बे़ल्ले़ अक्खे पाःत्तुरो, “‘थिक्याःन्धक् कुदोःप्मा खासे़न्निन् तक्ते़म् कत्ते़म्मे़ॽओ॥ मना के़घुम्बाल्ले़ कुहुक्कोलाम्बा मे़नाप्तुसिबाहाॽ ताङ्से़ःप्ते़म्सिम्मे़ॽओ॥ मेःन्ने़भग्र खिनिॽ फे़न्याःम्बक्किल्ले़ आसिक् पोःक्काङ् मि पोङ्ङारो खे़ब्याङ् खे़न् हाःत्ले़आङ् से़प्मा मे़सुक्तुम्बा मि हे़क्के हुरुरुना तिःत्लो॥
ओरो, खे़न् ये़म्मिन् त्ये़आङ् वाॽरो, खे़न् ये़न्निन् कप्मो वाॽरो! कुमे़ल्लुङ् आजे़ःत्छिक् चोःक्मा पाःन्नो चिगक्वाॽ के़इङ्बाहाॽ मे़न्छःत्ने़न्लरो, हे़क्क्याङ् कुमे़ल्लुङ् सुःल्लिक् पोःक्खे़ फाॽआङ् के़सङ्बाहाॽआङ् मे़रिङ् मे़न्धक्ने़न्लरो, थेआङ्भे़ल्ले़ आङ्गाॽ साॽरिक् किप्मागे़घुबा आसाक्के़न्नो खे़ङ्हाॽ के़रे़क् मे़धारो॥
“मनाहाॽ, थक्साहाॽ के़रे़क् मे़क्खुङ्सिङ्लो॥ ताङ्साङ्बोबा पुसाहाॽ, वरःङ्ङोबा पाधुङ् ले़क्ङाहाॽ आङ्गाॽ थ्यःङ् चोगुङ्सिङ्लो॥ आङ्गाॽ इक्सादिङ् खाम्बेःक्मोलाम् मे़न्छाम् सुवाङ्हाॽ मासुङ्सिङ्लो, हे़क्क्याङ् कुॽइगे़भे़म्बाहाॽरे़ लागि लुङ्हाॽरक् लुम्सिङ्ङाङ् ने़रो,” यहवे दाङ्बे़ल्ले़ इङ्भन् चोगुरो॥
मुक्साम्दाङ्बा यहवे दाङ्बे़ल्ले़ कुयाम्साम्मोलाम् तगि तगिबा माङ्निङ्वाॽपान् के़बाःप्पाहाॽलाम् पिरुसिबा साम्योथिम्मिन् नु इङ्घङ्ङिन् खे़म्मा खे़ङ्हाॽ मे़न्दे़न्दे़न्, हे़क्क्याङ् खे़ङ्हाॽरे़ खुन्छिॽ निङ्वान् लुङ्से़रुङ्बा कुइसिक् के़साःक्पा मे़जोगु॥ कल्ले़चोगुल्ले़ मुक्साम्दाङ्बा यहवे दाङ्बे़न् साॽरिक् कुयाःक्ले़ॽरे़॥
Piblisite