यर्मिया 7:19 - लिम्बु19 कर थे खे़ङ्हाॽरे़ से़क्खाए आङ्गाॽ आसिक् मे़भोःक्खुर मे़बप्पि? मेःन्, खे़ङ्हाॽ आबाङे मे़घाःन्छिङ्ल मे़वाॽ हे़क्क्याङ् आबाङे सिरिङ्ममो मे़धार मे़बत्॥ Gade chapit la |
यर्मिया 7:19
21 Referans Kwoze
कर के़धुम्बा नु मुक्साम्दाङ्बा यहवे दाङ्बाए, खे़ने़ॽ आङ्गाॽ ले़प्माङ् के़वाॽरो हे़क्क्याङ् आङ्गाॽ के़घुम्बाहाॽ मे़दोःक्काङ् मे़गे़ङ्लो॥ हे़क्क्याङ् खे़ङ्हाॽ सदादिङ् सिरिङ्ममो मे़धारो थेआङ्भे़ल्ले़ खे़ङ्हाॽ कुलिङ्दो के़गे़प्पा पोङ्मा मे़न्छुक्ने़न्लो हे़क्क्याङ् खे़ङ्हाॽरे़ खुन्छिॽ नाधामान् आप्फाल्ले़आङ् निङ्वाॽ मे़म्भेःत्छुन्लो॥
खे़ने़ॽ आबाङे कुॽइभे़म्माल्ले़ के़सम्धाङ् खुम्दिङ् तारुरो हे़क्क्याङ् खे़ने़ॽ के़नाॽराङ्बा पाःन्निल्ले़ए कुनामे़न्छाॽ के़जोःक्लो॥ आङ्गाॽ यहवे दाङ्बा के़निङ्वाॽफुमाङ्ङिन् नाॽमा नु आङ्गाॽओ से़वा मे़न्जोःक्मा साॽरिक् ताप्फे़ःम्बा नु निङ्वाॽ मे़न्दामा पोङ्लो, खे़न् खे़ने़ॽ कुसिङ् के़निःत्तुरो॥ आङ्गाॽ पयम् यम्बा मुक्साम्दाङ्बा यहवे दाङ्बे़ल्ले़ पाःत्तुङ्ङाङ् वाॽआरो॥”
आनिगे पाधे़बाहाॽरे़ खुन्छिॽ ये़म्माङ्धो आइन् थारिक् आनिगे खे़ने़ॽ के़मनाहाॽरे़ यम्बा लायो चोगुम्बे़आङ् वयिगे़॥ आनिगे लायोल्ले़ चोगुल्ले़ आनिगे हाङ्ङिन् नु निङ्वाॽफुसाम्बाहाॽ, वेॽ सुवाङ्समा हाङ्हाॽरे़ खुनिॽ हुक्को मे़ध्ये़ हे़क्क्याङ् आनिगे मे़स्ये़रिगे़, मे़नाप्तिगे़ खे़ब्याङ् मे़दे़म्सिगे़आङ् वेॽ लाजेॽओ मे़देॽरिगे़॥ आनिगे साॽरिक् चाःत्थि पे॥ आइन् थारिक्काङ् आनिगे हे़क्तङ्बाए याक्नाम् तुमुम्बे़आङ् वयिगे़॥
खे़प्से़म्मे़ॽ, आङ्गाॽ आमनाहाॽरे़ के़रे़क् लाजेॽओ तुक्खेःल्ले़ चोगुल्ले़ अक्खेलॽरिक् तुवा मे़जोगुरो “थे यहवे दाङ्बान् आल्ल सियोःन्नो होःप्पि? थे खे़प्मोबा हाङ्ङिन् आल्ल होःप्पाबि?” यहवे दाङ्बे़ल्ले़ अक्तङ्बा नुगप् पिरुसिरो, “थेआङ् नावाइत्लाहाॽ खे़ङ्हाॽरे़ माङ्मे़घयुसिबाबे? खे़ब्याङ् थेआङ् हने़बा कुसिङ् मे़न्निःत्तेबा साम्माङ्हाॽ से़वा मे़मे़त्तुसिबाबे? खे़ङ्हाॽरे़ हे़क्के मे़जोगुआङ् थेआङ् आसिक् मे़भोःक्खुबाबे?”
नुसि साहाॽरे़ खुन्छिॽ माःन् कुधना ले़क्खे़आङ् वाॽरो हे़क्क्याङ् सक्मा सोःम्मा के़साक्पा तुमुआङ् वाॽरो॥ खे़ल्ले़ ले़न्दिक्पा कुघाओःप्मान् खागे़धाम्बा पोःक्खे़आङ् वाॽरो, खे़ल्ले़ कुनामे़न्छाॽ पोःक्खे़आङ् वाॽरो खे़न् साॽरिक् निङ्वाॽ तुक्मो थ्ये़आङ् वाॽरो॥ खे़ङ्हाॽ आल्ल थारिक् मे़हिङे़आङ् मे़वाॽरो, खे़ङ्हाॽ निङ्मि हुक्को पिरुङ्सिङ्ङाङ् से़प्मा पाङ्घुङ्सिङ्लो॥ आङ्गाॽ यहवे दाङ्बे़ल्ले़ कन् पाःत्तुङ्ङाङ् वाॽरो॥”
आल्ल आनिॽ सिरिङ्ममो थ्ये़ॽइरो हे़क्क्याङ् आनिॽ चाःत्थि पेःक्मा पाःन्निल्ले़ आदे़प्लरो॥ आनिॽ नु आनिॽ पाधे़बाहाॽरे़ आभे़ल्ले़साङ् यहवे दाङ्बा आनिॽ निङ्वाॽफुमाङ्ङिल्ले़ कुदक्ले़ङ्वाओ आनिॽ आजुक्ते़आङ्धो लायो आजोगुम्माङ् आवाॽरो, आप्फाल्ले़आङ् आनिॽ खुने़ॽ कुइङ्जाङ्ङिन् आन्इःत्तुम्मिन् आन्नाःत्तुमिन्लो॥”
Piblisite