यर्मिया 7:15 - लिम्बु15 खिनिॽ काॽइ सोॽधोःक्हाॽ, इस्राइलबा मनाहाॽ नाःत्तुङ्सिङ्बा हे़क्के आङ्गाॽ आमिक्साओलाम्बा खिनिॽ लाःक्कात् नाःत्निङ् लःत्निङ्ॽ॥” Gade chapit la |
यर्मिया 7:15
25 Referans Kwoze
सामरियाबा मनाहाॽरे़ खुन्छिॽ आप्तिक्किल्ले़ खुम्दिङ् खोमाए पोङ्लो, थेआङ्भे़ल्ले़ खुन्छिॽ निङ्वाॽफुमाङ्ङिल्ले़ कुदक्ले़ङ्वाओ खे़ङ्हाॽ पिफ्युङ्बा मे़बोःक्खे़आङ् मे़वाॽरो॥ खे़ङ्हाॽ ताभेःल्ले़ लरे़ःङ्भरे़ःङ् मे़सोन्दुसिरो खे़ङ्हाॽरे़ खुन्छिॽ अङे़ःक्वा साहाॽ खाम्बाङ्ङो मे़धाप्सुसिरो, हे़क्क्याङ् मे़न्छुक्मा के़वाॽमा खे़ङ्हाॽरे़ खुन्छिॽ मे़न्छुमाहाॽरे़ खुन्छि साप्पोक्के़न् मे़जिरुसिरो॥”
यरुसले़म नु यहुदाबा मनाहाॽरे़ खुन्छिॽ तक्ले़ङ्वाओ यहवे दाङ्बे़ल्ले़ कुसाक्के़न्निल्ले़ चोगुल्ले़, कुनुप्मो खुने़ॽ कुदगिलाम् खे़ङ्हाॽ वेॽ लाजेॽओ मे़लःत्तुन् मे़देसुसिन्ल हे़क्क्याङ् मे़न्दे़म्सुन् मे़न्देॽरुसिन्ल थारिक् कन् पाःन्हाॽ पोःक्खे़॥ सिदकियाहःल्ले़ बेबिलोनबा नबुकदनेसर हाङ्ङिल्ले़ कुदक्ले़ङ्वाओ पिफ्युङ् चोगु॥
पिप्मिरि कुसोःन्दिओ आक्खेलॽरिक् यहवे दाङ्बे़ल्ले़ कुसे़वारोबा माङ्निङ्वाॽपान् के़बाःप्पाहाॽलाम् साम्दिङ् पिरुसिआङ् वये़, हे़क्केलॽरिक्के खे़ङ्हाॽ खुने़ॽ कुदगिलाम् लाःत्लाःत् चोगुसि॥ कल्ले़चोगुल्ले़ इस्राइलबा मनाहाॽ मे़दे़म्सुसिआङ् खुन्छिॽ आप्फेक् लाजेॽ इस्राइललाम् अस्सुर मे़देॽरुसि॥ खे़ङ्हाॽ आइन् थारिक् खे़प्मोए मे़वाॽरो॥
“खे़ङ्हाॽग मे़जिःत्ते़ मे़स्ये़रो, थेआङ्भे़ल्ले़ खे़ङ्हाॽ आङ्गाॽलाम् माःङ्घा मे़घे़त्छिङ् मे़बेआङ् मे़वाॽरो! खे़ङ्हाॽ खाप्पुथ्यःङ् मे़बोङ्लरो, थेआङ्भे़ल्ले़ आङ्गाॽ आदक्ले़ङ्वाओ खे़ङ्हाॽ पिफ्युङ्बा मे़बोःक्खे़आङ् मे़वाॽरो॥ कुमे़ल्लुङ् हुङ्माआङ् खे़ङ्हाॽ थे़ॽमासि आनिङ्वाॽ वाॽरो, कर खे़ङ्हाॽरे़ आङ्गाॽ आदक्ले़ङ्वाओ इङ्ले़क् मे़बाःत्तुरो॥
यहवे दाङ्बे़ल्ले़ आङ्गाॽ मे़त्ताङ्, “यर्मियाए, आमनाहाॽरे़ खुनिॽ लुम्मो कुभारे़ इग्र कुभा माङ्निङ्वाॽपान् के़बाःप्पाहाॽरे़, निङ्वाॽफुसाम्बाहाॽरे़ खे़ने़ॽ ‘यहवे दाङ्बे़ल्ले़ थे़मा के़लिःप्पा कक् के़गुःत्ते़आङ् वाॽ?’ लॽरिक् से़ःन्गे़म्लाप्ने़भग्र खे़ने़ॽ खे़ङ्हाॽ अक्खे मे़त्ते़से़ॽ, ‘खिनिॽए निङ्वाॽफुमाङ्ङिल्ले़ के़लिःप्पा कुगक्निङ् हे़क्क्याङ् खुने़ॽ के़नाॽरि॥’
खे़ल्ले़चोगुल्ले़ खे़ने़ॽ कन् मनाहाॽ मे़त्ते़से़ॽ, ‘मुक्साम्दाङ्बा यहवे दाङ्बे़ल्ले़ अक्खे पाःत्तुॽ—कप्मो खिनिॽ कुमाक्खिॽनु सोरिक् सा के़जाम्ॽ, नावाइत्लाहाॽ खिनिॽ से़वा के़मे़त्तुम्सिम्ॽ, हे़क्क्याङ् कुदोःप्मा मनाहाॽ खिनिॽ के़स्ये़रुम्सिम्ॽ॥ थे खिनिॽ से़क्खाए लाजेन् आनिगे़न् फाॽआङ् के़इःत्तुम्बि?
Piblisite