यर्मिया 7:13 - लिम्बु13 खिनिॽ कन् के़रे़क् लायो के़जोगुम्माङ् के़वयि हे़क्क्याङ् आङ्गाॽ खिनिॽ ए़त्ले़ङ् मे़त्निङ्, हे़क्केसाङ् खिनिॽ आङ्गाॽ आबाःन्निन् के़ङ्घे़प्सुम्मिन्॥ आङ्गाॽ उःत्निङ्ङिल्ले़ खिनिॽ नुगप् याप्मि के़म्बिरिन्॥ Gade chapit la |
यर्मिया 7:13
27 Referans Kwoze
“यरुसले़म्मोबा मनासे, यरुसले़म्मोबा मनासे, खिनिॽग माङ्निङ्वाॽपान् के़बाःप्पाहाॽ के़से़रुम्सिम्, निङ्वाॽफुमाङ्ङिल्ले़ खिनिॽओ पाङ्घुसिबा इङ्साबाहाॽ लुङ्ङिल्ले़ के़बःत्तुम्सिम्लो॥ आक्खे़न्ले़ङ् खिनिॽ मुॽइदाङ्साहाॽ वामाःप्माल्ले़ वाज्याःक्हाॽ कुप्तुसिबा कुइसिक् खिनिॽ साःहाॽ सुम्मासि निङ्वाॽ चोगुङ्, कर खिनिॽ के़न्दे़न्दिन्लो॥
“खे़ल्ले़चोगुल्ले़ आङ्गाॽ मुक्साम्दाङ्बा यहवे दाङ्बा इस्राइलबा निङ्वाॽफुमाङ्ङिल्ले़ अक्खे पाःत्तुङ्ॽ, ‘थेआङ्भे़ल्ले़ आङ्गाॽ खिनिॽ पाःन्छाःत्निङ्ङिल्ले़ खिनिॽ खे़म्मा के़न्दे़न्दिन् हे़क्क्याङ् खिनिॽ उःत्निङ्ङिल्ले़ नुगप् पिमा के़न्दे़न्दिन्, आङ्गाॽ पाःत्तुङ्बा मे़क्मासिमा के़रे़क् साम्दिङ्हाॽ यहुदा नु यरुसले़ःम्मोबा मनाहाॽ सम्धाङ् तारुङ्ॽ॥’”
ये़त्ले़ङ् ये़त्ले़ङ् आङ्गाॽ खिनिॽओ पाङ्घुङ्सिङ्बा आसे़वारोबा माङ्निङ्वाॽपान् के़बाःप्पाहाॽरे़ अक्खे के़म्मे़त्ति, ‘खिनिॽ फे़न्याःम्बक् चोःक्मालाम् नुःक्खे़म्मे़ॽ, हे़क्क्याङ् कुदोःप्मा याःम्बक् चोःक्मा हेःक्ते़म्मे़ॽ॥ वेॽ साम्माङ्हाॽ माङ्घमासि ले़रे़म्मे़ॽ हे़क्क्याङ् आङ्गाॽ खिनिॽ नु खे़निॽ पाधे़बाहाॽ पिरुङ्सिङ्बा लाजेॽओ खिनिॽ हाङ्हाङ्ङाङ् वाॽमा के़घोसुम्॥’ कर आङ्गाॽ मे़त्निङ्बान् नु आङ्गाॽ आबाःन्निन् के़ङ्घे़प्सुम्मिन्॥
“आमोनरे़ कुस्सा यहुदाबा हाङ् योसियाहःल्ले़ हाङ्युक् चोगुबा थिबोङ्ङाङ् सुम्सिगेक्पा तङ्बेआङ्धो आइन् थारिक् कन् निबोङ्ङाङ् सुम्सि तङ्बे खाराक् यहवे दाङ्बे़ल्ले़ आङ्गाॽ इङ्घङ् पिआर वाॽ॥ हे़क्क्याङ् आङ्गाॽ खुने़ॽ खे़न् कुबाःन्जाक्किन् खिनिॽ ए़त्ले़ङ् मे़त्निङ्ल वाॽआ॥ कर खिनिॽ थेआङ् निङ्वाॽए मे़म्बिए के़वयि॥”
आत्तिन् ये़म्मो आङ्गाॽ खे़ङ्हाॽरे़ खुन्छिॽ पाधे़बाहाॽ मिस्रलाम् थे़ॽरुङ्सिङ्ङाङ् थाक्तुङ्सिङ्, खे़न् ये़म्मो खे़ङ्हाॽ आङ्गाॽ आइङ्जाङ्ङिन् इःत्ते़म् नाःत्ते़म्मे़ॽ फाॽआङ् ये़त्ले़ङ् साम्दिङ् पिरुङ्सिङ्ङाङ् पत्छाङ् हे़क्केलॽरिक्के आइन् थारिक् कन् मनाहाॽ साम्दिङ् पिरुङ्सिङ्ल वाॽआ॥
कल्ले़चोगुल्ले़ आत्तिन् पाःन्ने़न्नु खे़ङ्हाॽ मे़गि, हाबा खे़न् तुक्खे लाक्खेहाॽए खे़ङ्हाॽरे़ मे़दुमुर याःन्दुङ्सिङ्लो॥ थेआङ्भे़ल्ले़ आङ्गाॽ पाःन्छाःत्तुङ्सिङ्ङिल्ले़ आत्तिन्हाॽरे़आङ् नुगप् मे़म्बिराङ्ङे़न्लो॥ आङ्गाॽ पाराङ्ङिल्ले़ हाःत्ले़आङ् खे़म्घे़म् मे़ल्लाप्तुन्लो, आत्तिन् पाःन्निन् आङ्गाॽ ताप्फे़ःम्बा निसुङ्, खे़ङ्हाॽरे़ हाबा खे़न्ने मे़जोगुरो, खे़ब्याङ् आत्तिन् पाःन्निन् आङ्गाॽ आसिराॽ मे़धाङ्ने़न्, आम्भा खे़न् खे़ङ्हाॽरे़ मे़सेगुरो॥”
आङ्गाॽ खे़ॽयो फे़राङ्ङिल्ले़ थेआङ् हाःत्ताङ् होःप्ते़बाबे? आङ्गाॽ पाःन्छाःत्तुङ्सिङ्ङे़ल्ले़ नुगप् के़बिबा थेआङ् एःन्नाङ् मे़वये़ने़म्बाबे? थे आङ्गाॽ आहुक्किन् खे़निॽ थे़ॽमा मे़न्छुक्मना पोःक्खे़आङ् वये़बि? थे खे़निॽ ताङ्से़ःप्मारे़ लागि आङ्गाॽ आमुक्साम्मिन् सुःम्बि? आङ्गाॽ वरःङ्ङिन् चबे़ःत्छिक् फे़ःक्तुङ्ङिल्ले़ खे़न् चप्प्रे़क् चप्लो, वहःङ्हाॽ आङ्गाॽ मुरे़क् खारे़क्पा ये़ःङ्घादे़न् चोगुङ्लो॥ च्वाःत्तिन् सुःम्बाल्ले़ चोगुल्ले़ खे़प्मोबा ङाहाॽ हर्गिॽ मे़गिरो खे़ब्याङ् वामिःक्माल्ले़ मे़सिरो॥
आक्खेलॽरिक् कन् फॽइःन् साप्पोःक्को लुम्बे़त् युम्मनाआङ् पत्, हे़क्केलॽरिक्के इस्राइल नु यहुदाबा के़रे़क् मे़न्छाम् याप्मिहाॽ आङ्गाॽनु मे़दङ्सिङ्ङाङ् मे़घिम्सिङ्ल फाॽआङ् आङ्गाॽ चोगुङ्सिङ्॥ खे़ङ्हाॽ आङ्गाॽ आप्फेक् आमना मे़बोङ्ल, खे़ङ्हाॽलाम्बा आङ्गाॽ आमिङ् पोङ्ल, आनारा फोमा पोङ्ल हे़क्क्याङ् मिङ्सो इङ्धाङ् मे़बिआर के़लॽबा आङ्गाॽ आनिङ्वाॽ वये़ कर खे़ङ्हाॽरे़ आइङ्जाङ्ङिन् मे़न्इःत्तुन् मे़न्नाःत्तुन्लो॥’”
रेकाबिहाॽरे़ आइन् थारिक्साङ् चे़ल्ले़क्सेॽ सेजःङ्वा मे़न्धुङुन् थेआङ्भे़ल्ले़ खे़ङ्हाॽरे़ खुन्छिॽ थाःक्थे़बा योनादाबरे़ चे़ल्ले़क्सेॽ सेजःङ्वा मे़धुङे़म्मिन्ने़ॽ मे़त्तुसिआङ् वाॽ॥ कर आङ्गाॽग खिनिॽनुए ये़त्ले़ङ् ये़त्ले़ङ् पाःत्तार वाॽआ हे़क्केसाङ् खिनिॽ आङ्गाॽ आइङ्जाङ्ङिन् इःप्मा नाःप्मा मे़न्दे़न्ने के़वयि॥
यहवे दाङ्बे़ल्ले़ कुदक्ले़ङ्वाओ खिनिॽ लायो के़जोगुम्बा नु नावाइत्लाहाॽओ सुक्पा के़हाःन्दुम्बाल्ले़ चोगुल्ले़ कन् के़रे़क् किप्मा के़घुबा पाःन्हाॽ पोःक्खे़बारो॥ खुने़ॽ कुइङ्जाङ्हाॽ इःप्मा नाःप्मा के़न्दे़न्दिन् हे़क्क्याङ् खुने़ॽ कुइङ्जाङ्हाॽ, कुधिम्हाॽ नु कुभाङ्हाॽ मे़न्इःत्ते मे़न्नाःत्ते के़वयिॽ॥”
आङ्गाॽ नुगप् पिरुङ्, “आङ्गाॽ आबाःन्निन् हाःत्ले़ खे़प्सुबे? आत्तिन्हाॽ मे़त्तुङ्सिङ्ङाङ् साम्दिङ् पिरुङ्सिङ्बाबे? खे़ङ्हाॽ हादिङ् के़धक्पा मे़बोङ्लो खे़ब्याङ् आबाङे खुनिॽ ने़क्खोॽइन् मे़हुॽरुआङ् मे़वाॽरो॥ यहवे दाङ्बे़ल्ले़ के़इङ्घङ्ङिन् खे़ङ्हाॽरे़ खुन्छिॽ लागि के़घबा पान् पोङ्लो हे़क्क्याङ् खे़प्मो खे़ङ्हाॽरे़ निङ्वाॽ तामा पान् थेआङ् मे़ङ्घोसुन्लो॥
कर खे़ङ्हाॽरे़ आङ्गाॽ आइङ्जाङ्ङिन् मे़न्इःत्तुन् मे़न्नाःत्तुन् हे़क्क्याङ् खे़म्घे़म्माङ् मे़ल्लाप्तुन्॥ परुमाल्ले़ खे़ङ्हाॽ आभे़ल्ले़साङ् हादिङ् के़धक्पा नु ताक्के़भे़ॽबारक् मे़बोःक्खे़॥ खे़न् माङ्हुप्पिन् के़प्मारे़ लागि आङ्गाॽ खे़ङ्हाॽ इङ्जाङ् पिरुङ्सिङ्ङाङ् वयाङ् कर खे़ङ्हाॽ हे़क्के चोःक्मा मे़न्दे़न्दे़न्॥ खे़ल्ले़चोगुल्ले़ खे़न् माङ्हुप्पो पोधक् के़बोङ्बा के़रे़क् खुम्दिङ्हाॽ आङ्गाॽ खे़न्हाॽरे़ खुन्छिॽ सम्धाङ् थासुङ्॥”
कन् ताक्के़भे़ॽबा मनाहाॽरे़ आङ्गाॽ आइङ्जाङ्ङिन् इःप्मा नाःप्मा मे़नाॽरुआङ् मे़वाॽ॥ खे़ङ्हाॽ आभे़ल्ले़साङ् कुॽइगे़भे़म्बा मे़बोःक्खे़आङ् मे़वाॽ हे़क्क्याङ् कुसिङ्मे़न्निःत्ते़बा साम्माङ्हाॽ माङ्से़वा मे़मे़त्तुसि खे़ब्याङ् माङ्मे़घयुसिॽ॥ खे़ल्ले़चोगुल्ले़ आल्ल खे़ङ्हाॽ कन् फॽइःन् हे़क्के कुसुम्मे़न्दम्मना हने़बा मे़बोङ्॥
थेआङ्भे़ल्ले़ खे़ङ्हाॽरे़ पाःत्तुङ्बा पाःन्नो निङ्वाॽ मे़म्बिरुन् लॽरिक् आङ्गाॽ यहवे दाङ्बे़ल्ले़ पाःत्तुङ्ॽ॥ खे़न् आबाःन्निन् आङ्गाॽ आसे़वारोबा माङ्निङ्वाॽपान् के़बाःप्पाहाॽलाम् ये़त्ले़ङ् ये़त्ले़ङ् खे़ङ्हाॽ हाक्तुङ्सिङ्ङाङ् वये़॥ हे़क्क्याङ् खिनिॽ के़म्दे़म्सि के़म्देॽरिबाहाॽरे़आङ् आङ्गाॽ आइङ्घङ्ङिन् के़ङ्घे़प्सुम्मिन्॥
Piblisite