यर्मिया 7:10 - लिम्बु10 कन् आङ्गाॽ आयाम्गे़सिङ्बा पाःन्हाॽ खिनिॽ के़जोगुम् हे़क्क्याङ् खे़न् एगाङ् आङ्गाॽ आमिङ्ङिन् मिङ्सो इङ्धाङ् पिसे़ मे़जोगुबा माङ्हिम्मो के़द्ये़ॽइ खे़ब्याङ् आङ्गाॽ आदगि के़ये़बिआङ् के़बाःत्तुम्, ‘आनिगे ताप्थेक् याम्धेक्को वयिगे़!’ Gade chapit la |
यर्मिया 7:10
31 Referans Kwoze
कुभा ये़न् तगिरक् खिनिॽ निङ्वाॽलोरे़आङ् के़हिन्दि हे़क्क्याङ् आङ्गाॽ आनिङ्वाॽ के़दाबा याःम्बक् के़जोगुम्॥ खिनिॽ के़रे़क् आबाङे इस्राइलबा योग्बा योःग्माहाॽ चोःक्युम्भो पिमासि के़दे़म्बा के़बोःक्खि खे़ब्याङ् आदगि आङ्गाॽ आमिङ्ङिन् मिङ्सो इङ्धाङ् मे़बिरुबा माङ्हिम्मो खिनिॽ लत्छा माङ्हुप् के़जोगुम्॥
“खिनिॽ कुनिङ्वाॽ के़जिःप्पा साम्योथिम्साम्बाहाॽ नु फरिसिसे, के़जिःत्ति के़स्ये़ॽइरो! साङ्ग्राम्पेदाङ्बा हाङ्जुम्मिल्ले़ कुलाम्मिन् वेॽ मनाहाॽरे़ लागि के़साक्तुम्माङ् के़वयिॽरो, हे़क्क्याङ् आबाङेआङ् खे़प्मो खिनिॽ के़न्लासिन् हे़क्क्याङ् लाःप्मा के़गोःप्पा वेॽ मनाहाॽआङ् लाःप्मा के़म्बाङ्घुम्सिम्मिन्लो॥
खे़ङ्हाॽरे़ खे़ने़ॽ पजिःत् के़म्जिःत्ताङ् ताप्फे़ःल्लिक् के़म्मे़त् हे़क्क्याङ् खे़ने़ॽ के़गत्तुबा के़रे़क् पाःन्हाॽ के़म्नाप्पाङ् ले़क्चाबे़धुःक्सा के़म्ले़त्॥ खे़ने़ॽ के़त्निमा चोःक्मा के़याःम्बक्किल्ले़ नाधामे़न् के़रे़क् इक्सादिङ् खाम्बेःक्मो ओसेःन्धाङ् पोङ्ॽ॥ खे़ने़ॽ के़जाराम्मा के़याःम्बक्किन् नु के़जे़ल्ले़क्ले़क् लॽमे़ल्ले़
“इस्राइलबा मनासे, खिनिॽ लागिग, आङ्गाॽ मुक्साम्दाङ्बा यहवे दाङ्बे़ल्ले़ अक्खे पाःत्तुङ्ॽ—खिनिॽ तगि पेगे़म्मे़ॽ, हे़क्क्याङ् खिनिॽ नावाइत्लाहाॽ से़वा मे़म्ते़म्सिम्मे़ॽ, कर हाराए इग्र याङ्सि खिनिॽ आङ्गाॽ आबाःन्निन् के़घे़प्सुम्ॽ खम्भ्याङ् नावाइत्लाहाॽ से़वा मे़प्मासिलाम् खिनिॽ आङ्गाॽ आसेसे आमिङ्ङो सिरिङ्ममा ताःप्मा के़नाॽरुम्ॽ॥
खुने़ॽ चोःक्मा पाङ्घुसिबा नावाइत्लान् निङ्वाॽफुमाङ्ङिल्ले़ कुहिम्मो युक्खु, खे़न् माङ्हिम्मिल्ले़ कुयाःम्बेओ यहवे दाङ्बे़ल्ले़ दाउदे़न् नु खुने़ॽ कुस्सा सोलोमने़न् अक्खे मे़त्तुसिआङ् वये़, “आङ्गाॽ इस्राइलबा के़रे़क् थाःक्हाॽलाम् सेगुङ्बा कन् माङ्हिम्मो नु यरुसले़ःम्मो आभे़ल्ले़साङ् सदादिङ्ले़ लागि आङ्गाॽ आमिङ् युक्खुङ्ॽ॥
हे़क्केलॽरिक् आङ्गाॽ आमनाहाॽ ये़क्ये़क्पा मे़ले़ङ्सिङ्ङाङ् खे़ने़ॽ के़दगि मे़युङ्सिङ्ॽ॥ खे़ने़ॽ के़बाःन्हाॽ खे़ङ्हाॽरे़ मे़घे़प्सुॽ, कर खे़ङ्हाॽरे़ खे़ने़ॽ के़बाःत्तुबा हे़क्के चोःक्मा निङ्वाॽ मे़ङ्गत्तुन्ॽ॥ खे़ङ्हाॽरे़ खुन्छिॽ मुरान् मुर्ले़ःम्बा पाःन्निल्ले़ के़दिम्बा चोक्, हे़क्क्याङ् खे़ङ्हाॽरे़ याङ् खोमारक् निङ्वाॽ मे़जोगु॥
खे़ल्ले़चोगुल्ले़ खे़ने़ॽ कन् मनाहाॽ मे़त्ते़से़ॽ, ‘मुक्साम्दाङ्बा यहवे दाङ्बे़ल्ले़ अक्खे पाःत्तुॽ—कप्मो खिनिॽ कुमाक्खिॽनु सोरिक् सा के़जाम्ॽ, नावाइत्लाहाॽ खिनिॽ से़वा के़मे़त्तुम्सिम्ॽ, हे़क्क्याङ् कुदोःप्मा मनाहाॽ खिनिॽ के़स्ये़रुम्सिम्ॽ॥ थे खिनिॽ से़क्खाए लाजेन् आनिगे़न् फाॽआङ् के़इःत्तुम्बि?
के़भङ्बा सिदाॽ याक्मनाबा खरे़ःङ्ङिन् नुगे़न् सिदुङ्जभा तोःन्दे़म्मे़ॽओ, हे़क्क्याङ् आप्फेक् खिनिॽ निङ्वाःल्ले़ के़दोःन्दुम्बा सिदुङ्जभाहाॽरे़ लागि अःक्ते़म्मे़ॽओ यम्बा हे़न्नासिम्मे़ॽर लाङ्घेगे़म्मे़ॽओ, थेआङ्भे़ल्ले़ खिनिॽग इस्राइलिनिङ्लो, हे़क्केए चोःक्मा खिनिॽ सिराॽथाङ्लो,” मुक्साम्दाङ्बा यहवे दाङ्बे़ल्ले़ उवा चोगुरो॥
यहवे दाङ्बे़ल्ले़ खुने़ॽ मे़त्तुरो, “खे़ने़ॽ आङ्गाॽ आदगि के़दोःन्दुबा तुवान् नु पेलि के़भाक्ताङ्बान् आङ्गाॽ खे़प्सुङ्॥ खे़ने़ॽ के़जोगुबा कन् माङ्हिम्मिन् आङ्गाॽ सेसे चोगुङ्ङाङ् युङ्ॽ, हे़क्क्याङ् सदादिङ्ले़ लागि आङ्गाॽ आमिङ्ङिन् कॽयो युक्खुङ्ङाङ् युङ्ॽ॥ आङ्गाॽ आमिक्किन् नु आङ्गाॽ आयाम्साम्मिन् आभे़ल्ले़साङ् खे़प्मो वाॽ॥
“आङ्गाॽ कुहिङ्वे़त् वाॽआबा कुइसिक्, आङ्गाॽ मुक्साम्दाङ्बा यहवे दाङ्बे़ल्ले़ पाःत्तुॽ, आङ्गाॽ वरे़ङ्ले़ङ् खिनिॽ मिङ् मासुङ् पिनिङ्ॽ॥ सिक्के़ले़ःङ्बा खिनिॽ लायोहाॽ नु सिक् वयाक् के़मे़प्पा खिनिॽ चइःत्हाॽरे़ आङ्गाॽ आहिम्मिन् के़जिःन्दुम्बाल्ले़ चोगुल्ले़ चबे़ःत्छिक्काङ् आलुङ्माॽ स्याःत् के़ल्लॽरिन्ॽ॥
Piblisite