यर्मिया 6:8 - लिम्बु8 यरुसले़ःम्मोबा मनासे, कन् ये़त्तुक्खेहाॽ खिनिॽ लागि साम्दिङ् पोङ्लरो॥ मेःन्ने़भग्र आङ्गाॽ खिनिॽ नाॽनिङ्लो, खिनिॽ लाजेन् चिजि खक्खक् चोगुङ्लो हे़क्क्याङ् खे़न् मुरे़क् खारे़क् पोङ्लो॥” Gade chapit la |
यर्मिया 6:8
23 Referans Kwoze
आङ्गाॽ ये़क्यक्किन् अक्खे मे़त्तुङ्लो, ‘से़क्खासाङ् खे़ने़ॽ आङ्गाॽ के़गित्तार पोङ्लो, आङ्गाॽ आहे़न्थिम्मिन् के़दाःक्तुर पोङ्लो॥ खे़ब्याङ् खे़ने़ॽ कुयुक्नान् मे़मे़क्ने़न्लो, हे़क्क्याङ् आङ्गाॽ के़रे़क् आघुम्दिङ्हाॽ खे़ने़ॽ के़सम्धाङ् मे़जुक्ने़न्लो॥’ कर के़रे़क् फे़त्लाॽमा इसेःङ्बा याःम्बक्हाॽ चोःक्मारे़ लागि खे़ङ्हाॽ आल्लसाङ् यरिक् खुन्छिॽ सिक्समे़रो॥”
खे़ने़ॽलाम्बा माःङ्घा इःम्सिङ् पेगाङ्ङाङ् वयाङ्लो कर हाराए खे़ने़ॽओए नुःङ्मा तामा निङ्वाॽ चोगुङ्लो॥ खे़ने़ॽ आङ्गाॽ खुम्दिङ् के़बिराङ्लो हे़क्क्याङ् आये़त्तुक्खेओ आधेगेःक्किन् थुःक्खुङ्लो॥ आङ्गाॽग सिरिङ्ममो नु चाःत्थि पेःक्मो थ्याङ्लो थेआङ्भे़ल्ले़ थाङ्बे़न् वयाङ्ङिल्ले़ लायो चोगुङ्ङाङ् वयाङ्लो॥’
खे़ने़ॽ कन् सुवाङ्बा मनाहाॽ मे़त्ते़से़ॽ, ‘खिनिॽ यहवे दाङ्बा निङ्वाॽफुमाङ्ङिल्ले़ कुइङ्जाङ्ङिन् इःप्मा नाःप्मा के़न्दे़न्दिन् इग्र खिनिॽ के़दुमुम्बा खुम्दिङ्लाम् कुभा निसाम् के़ङ्घोसुम्मिन्॥ से़क्खा पाःन्निङ्ग मे़गे़, खे़ल्ले़ कुयाःम्बेओ आत्तिन्हाॽरे़आङ् कुबाःन्धिक्काङ् मे़न्दारुन्॥’”
खे़ङ्हाॽरे़ खुन्छिॽ माःल्ले़ इङ्ले़क् चोगुआङ् वाॽरो हे़क्क्याङ् सिरिङ्ममो खे़ङ्हाॽ साप्पोःक्को कुयुसिआङ् वाॽरो॥ खुने़ॽ पाःत्तु, ‘आङ्गाॽ लुङ्माॽ हिःप्तुसिङ्बाहाॽ तिम्दुङ्सिङ्लो, खे़ङ्हाॽरे़ आजामा खरे़ःङ् आधुङ्मा च्वाःत्, से़मुरिक्, नैनासुत् चिरिक्, चैतुन निःङ्गेॽ नु चे़ल्ले़क्सेॽ थि मे़बिआरो॥’
Piblisite