यर्मिया 6:7 - लिम्बु7 वागे़ङ्ङोलाम्बा सेसेबा च्वाःत्तिन् आम्भा लःन्नाङ् पत्लो, हे़क्केलॽरिक्के यरुसले़ःम्मिल्ले़ ताप्फे़ःम्बा पाःन्निन् लःत्तुआङ् पत्लो॥ खे़प्मो हयङ् ते़न्धङ्हाॽ नु मे़क्मासिमा पोङ्बा खे़म्दे़त्लो, आङ्गाॽ खे़प्मो तुक्मा साक्मा नु याङ्घेक् इसेःङ्लक् निसुङ्लो॥ Gade chapit la |
यर्मिया 6:7
24 Referans Kwoze
खे़ङ्हाॽरे़ खुन्छिॽ कुॽइभे़म्मान् लत्छा तक्काःत्तो पोरे़आङ् पत्लो खे़ल्ले़ खुन्छिॽ फे़न्याःम्बक्किल्ले़ लागि हिप्तुसिरो॥ कन् आङ्दिङ् के़लॽबा नु कुॽइगे़भे़म्बा आत्तिन् मनाहाॽआङ् मे़न्दाङ्ने़न्लो॥ खे़ङ्हाॽरे़ खुन्छिॽ याङ्साकुन्धे नु खुन्छिॽ मिङ्सो थाःङ्सोहाॽ वरे़ङ्ले़ङ् माबेःक्लो॥
“‘मुक्साम्दाङ्बा यहवे दाङ्बे़ल्ले़ अक्खे पाःत्तुॽ—इस्राइलबा हाङ्से, खिनिॽ साॽरिक्के कुॽइगे़भे़रिआङ् के़वयिॽ! खिनिॽ कुॽइभे़म्मान् नु मे़न्वाॽमनाबा याःम्बक्हाॽ ले़रे़म्मे़ॽ हे़क्क्याङ् आत्तिन् के़वाॽबा नु कुदोःप्मा चोक् खे़न् चोगे़म्मे़ॽ॥ आङ्गाॽ आमनाहाॽ खुन्छिॽ लाजेॽ सिङ्बुङ्लाम् नाःप्मादेमासि ले़रे़म्मे़ॽ, मुक्साम्दाङ्बा यहवे दाङ्बे़ल्ले़ पाःत्तुॽ॥
मु नु थाःङ् थे़गेःक्पोनु लाङ्दाप्पेओ थारिक् याङ्घेःक् मे़म्बप्मनाबादे़न् आत्तिआङ् होप्लो॥ के़गाःम्बै के़गाःम्बा, ते़ःम्भुक्किल्ले़ हिप्मनाबा कबहाॽ हे़क्क्याङ् के़गिबा याङ्घेःक्हाॽरक् पत्लो॥ खे़न् याङ्घेःक्हाॽ मे़न्यॽए इमे़ङ्घेःङ्ङे पत्लो, खे़ब्याङ् निःङ्गेःल्ले़आङ् चुन्जुम्बा पोङ्ल फाॽआङ् मे़न्आम्मे वाॽरो॥
खिनिॽ माङ्निङ्वाॽपान् के़बाःप्पाहाॽरे़ इङ्ले़क् सुफोहाॽ मे़बाःत्तुआङ् वाॽरो, हे़क्क्याङ् खिनिॽ तॽयान् ओगे़मे़प्पाहाॽरे़ खिनिॽ इङ्ले़क् के़म्मे़त्तिआङ् वाॽरो॥ खुम्दिङ् खोमा कुनुप्मा ये़न् निःप्मा के़गे़प्पाआङ् के़वाॽबा कुॽइगे़भे़म्बाहाॽरे़ खुन्छिॽ सित्लाहाॽओ ताभेन् चुक्ते़आङ् पत्लो॥
Piblisite