यर्मिया 6:28 - लिम्बु28 खे़ङ्हाॽ हादिङ् के़धक्पा नु पिफ्युङ्बा मनासिरो, हे़क्क्याङ् खे़ङ्हाॽ कासा नु फे़न्जेॽ हे़क्के के़साःक्पा मे़जोक्लो॥ खे़ङ्हाॽ खक्पे़त् कुनिङ्वाॽ के़जिःप्पा मे़बोःक्खे़आङ् मे़वाॽरो खे़म्ब्याङ् वेॽहाॽ चे़ॽया इङ्दो मे़मे़त्तुसिरो॥ Gade chapit la |
यर्मिया 6:28
19 Referans Kwoze
हे़क्क्याङ् मनाहाॽरे़ मे़बाःत्तु, “फे़रे़म्मे़ॽ, यर्मियान् पाःत् मे़म्बाङ्मारे़ लागि आनिॽ थेइ चोगुम्॥ आनिॽ लागि निसाम् के़हुॽबा निङ्वाॽफुसाम्बा, सुजा के़बिबा सिक्कुम्निबा ये़म्बित्छा नु निङ्वाॽफुमाङ्ङिल्ले़ कुइङ्घङ् के़बाःप्पा माङ्निङ्वाॽपान् के़बाःप्पाहाॽ आप्फाल्ले़आङ् मे़न्छुःन्ने़न्॥ आनिॽ खुने़ॽ कुजाःत्थि तेसुम् पिरुम् हे़क्क्याङ् खुने़ॽ कुबाःन्नाङ् खे़प्सुम् मेःन्॥”
थेआङ्भे़ल्ले़ कुघासे़न्निङ्ग से़क्खाबा नु नुबा चोक्लो, हे़क्क्याङ् याम्बोःप्मा कुयाःम्बक्किल्ले़ इक्सादिङ् खाम्बेःक्मान् के़जिःम्मा खे़न् पयम् यम्मा के़त्निमान् खुम्दिङ् पिरुरो॥ निङ्वाॽफुमाङ्ङिल्ले़ कुसे़वारोबाहाॽ खे़ल्ले़ से़रुसिबाल्ले़ चोगुल्ले़ खे़न् खुम्दिङ् पिरुआङ् वाॽरो॥”
मे़न्छाम् सुवाङ्हाॽ खे़ने़ॽनु खुनिॽ याःक्ले़ॽरे़आङ् वाॽ, कर आल्ल खे़ने़ॽ के़सिक् पोःक्मा ये़म् के़रे़आङ् वाॽ॥ के़सिबाहाॽ खासे़न् चोःक्मासि ये़म् त्ये़आङ् वाॽ॥ हे़क्क्याङ् खे़ने़ॽनु के़गिबा चुक्सा नु यम्बा, माङ्निङ्वाॽपान् के़बाःप्पा के़से़वारोबाहाॽ हे़क्क्याङ् के़सेसे मनाहाॽ हाङ्से़म् पिमासि सुये़म् त्ये़आङ् वाॽ॥ आल्ल इक्सादिङ् खाम्बेःक्मान् के़मे़ङ्बाहाॽ मे़ङ्मासि ये़म्माङ् त्ये़आङ् वाॽरो॥”
के़रे़क्ले़ मुरा मुसिक् मुसिक् लॽरिक् मे़बाःत्तुबान् खे़प्सुङ्लो, “के़रे़क् पिसाङ् किमा यङ्मारक् वाॽरो, कल्ले़ कुदक्ले़ङ्वाओ आनिॽ सुहाङ्युक्पाहाॽओ लुङ्हाःन्पान् युक्खुम्लो!” आङ्गाॽ कुस्साङ् मे़ल्लःम्मनाबा पोङ्ङाबान् आनिःत्ताङ्बा आन्जुम्हाॽरे़आङ् मे़हाङ्घुर मे़वाॽरो॥ खे़ङ्हाॽरे़ मे़बाःत्तुॽ, “से़क्खाःल्ले़ खे़न् फे़न्पाःन्नो थाबिलारो, हे़क्केःल्ले़ खे़ल्ले़ ताप्फे़ःम्बा कुबाःन्निन् आघोसुम्माङ् खे़न् कुले़क्वा नुःक्मा आसुक्तुम्बिलारो॥”
खे़ने़ॽ के़आसुत्थोःन्ग चिःन्जिःन्गे़घुबा के़याम्बोःप्मे़न् नु नावाइत्ला से़वा मे़प्मा खे़ने़ॽ के़भे़न्याःम्बक्किन्लो॥ आङ्गाॽ इःङ्मा कोःत्ने़, कर के़न्दे़न्दे़न्लो॥ खे़ल्ले़चोगुल्ले़ आङ्गाॽ आसाक्के़न्निन् खे़ने़ॽ के़दक्ले़ङ्वाओ आसिक्मे़न्जिम्मे थारिक् आल्ल खे़ने़ॽ के़जिःन्जिःन्घुमोए के़वाॽरो॥
खे़ने़ॽ कन् सुवाङ्बा मनाहाॽ मे़त्ते़से़ॽ, ‘खिनिॽ यहवे दाङ्बा निङ्वाॽफुमाङ्ङिल्ले़ कुइङ्जाङ्ङिन् इःप्मा नाःप्मा के़न्दे़न्दिन् इग्र खिनिॽ के़दुमुम्बा खुम्दिङ्लाम् कुभा निसाम् के़ङ्घोसुम्मिन्॥ से़क्खा पाःन्निङ्ग मे़गे़, खे़ल्ले़ कुयाःम्बेओ आत्तिन्हाॽरे़आङ् कुबाःन्धिक्काङ् मे़न्दारुन्॥’”
यहवे दाङ्बे़ल्ले़ अक्खे पाःत्तुरो, “तोङ् के़आप्पा मनाहाॽरे़ तोःङ्ङिन् लिओ मे़भत्छुरो हे़क्केलॽरिक्के खे़ङ्हाॽरे़ इङ्ले़क् पाःप्मारे़ लागि खुन्छिॽ ले़स्सोःप्पान् मे़लाःक्खुरो॥ से़क्खाबा पाःन्निल्ले़ मेःन् कर कुजाःत्थि के़बेःक्पाहाॽ हाङ् मे़जोक्लो॥ आङ्गाॽ आमनाहाॽरे़ चक्मे़ल्लॽए ताप्फे़ःम्बा मे़जोगुर मे़वाॽरो॥ आङ्गाॽ खुन्छिॽ निङ्वाॽफुमाङ्आ पाःप्मा खे़ङ्हाॽ मे़न्दे़न्ने़न्लो॥
Piblisite