यर्मिया 6:17 - लिम्बु17 आङ्गाॽ खिनिॽ लागि लाम्गे़गोबाहाॽ सेःक्युक् चोगुङ्सिङ्लो हे़क्क्याङ् खिनिॽ मे़त्निङ्ङाङ् वये़रो, “किप्मा के़घुबा साम्दिङ्ले़ लागि मे़ल्लुक् सादाङ् लाइक्पान् खे़प्से़म्मे़ॽओ” कर खिनिॽ के़बाःत्तुम्, “खे़न्नाङ् आनिगे मे़घे़प्सुम्बे़न्लो॥” Gade chapit la |
यर्मिया 6:17
19 Referans Kwoze
खिनिॽ लाम्लोबाहाॽरे़ के़म्मे़त्तिबा पाःन्निन् खे़प्से़म्मे़ॽ, हे़क्क्याङ् खुनिॽ युक्को वये़म्मे़ॽओ॥ खे़ङ्हाॽरे़ खिनिॽ कम्ब्राङ् के़म्मे़त्तिआङ् निङ्वाॽफुमाङ्ङो लक्पे़न्साबा मे़बोङ्लो॥ हे़क्केलॽरिक् खे़ङ्हाॽरे़ खे़न् याःम्बक्किन् मे़सःत्ल निङ्वाॽ मे़न्दुक्के मे़जोगुररो॥ खे़ङ्हाॽरे़ खुनिॽ निङ्वाॽ के़दुक्सुम् के़बिरुम्सिम्ने़ फाॽग्र खिनिॽ लागि थेआङ् इन्धाःक् मे़बोङ्ने़ल्लो॥
दाङ्बे़ल्ले़ अक्खे पाःत्तुरो, “थुत्तुरिःप्पे़न् खिनिॽ मुराओ फत्छे़म्मे़ॽआङ् मुःत्ते़म्मे़ॽओ! कक्कफिःक्मा थिक् यहवे दाङ्बे़ल्ले़ कुहिम् सम्धाङ् सुःक् युरो! थेआङ्भे़ल्ले़ मनाहाॽरे़ आङ्गाॽ आमाङ्हुप्पिन् मे़भेःन्दुआङ् वाॽरो, खे़ब्याङ् आसाम्यो थिम्मिल्ले़ कुदक्ले़ङ्वाओ पिफ्युङ्बा मे़बोःक्खे़आङ् मे़वाॽरो॥
खे़ने़ॽ कन् सुवाङ्बा मनाहाॽ मे़त्ते़से़ॽ, ‘खिनिॽ यहवे दाङ्बा निङ्वाॽफुमाङ्ङिल्ले़ कुइङ्जाङ्ङिन् इःप्मा नाःप्मा के़न्दे़न्दिन् इग्र खिनिॽ के़दुमुम्बा खुम्दिङ्लाम् कुभा निसाम् के़ङ्घोसुम्मिन्॥ से़क्खा पाःन्निङ्ग मे़गे़, खे़ल्ले़ कुयाःम्बेओ आत्तिन्हाॽरे़आङ् कुबाःन्धिक्काङ् मे़न्दारुन्॥’”
“खिनिॽ पाधे़बाहाॽ हे़क्तङ्बा खिनिॽ मे़बोःक्खे़म्मिन्ने़ॽ, तगिबा माङ्निङ्वाॽपान् के़बाःप्पाहाॽरे़ खे़ङ्हाॽ अक्खे मे़मे़त्तुसिआङ् वये़—मुक्साम्दाङ्बा यहवे दाङ्बे़ल्ले़ अक्खे पाःत्तुॽ—‘आल्ल खिनिॽ ताप्फे़ःम्बा सुत्ना नु कुॽइभे़म्मा ये़प्ले़क् लाम्बा नुःक्खे़म्मे़ॽ॥’ कर खे़ङ्हाॽरे़ मे़ङ्घे़प्सुन् हे़क्क्याङ् आङ्गाॽ ले़प्माङ् निङ्वाॽए मे़म्बिरुन्,” यहवे दाङ्बे़ल्ले़ उवा चोगुॽ॥
Piblisite