यर्मिया 6:16 - लिम्बु16 यहवे दाङ्बे़ल्ले़ कुमनाहाॽ अक्खे मे़त्तुसिरो, “लिसि लाम् के़दुम्बा लाम्दोओ ये़बे़म्मे़ॽआङ् ओमये़म्मे़ॽओ॥ तगिबा लाम्हाॽ नु के़रे़क्नुःल्ले़ नुबा लाम्मिन् कोःत्ते़म्मे़ॽओ हे़क्क्याङ् खे़न् लाम्मो लाङ्घेगे़म्मे़ॽओ खे़म्ब्याङ् खिनिॽ हिङ्मन्निन् याम्नाःम् पोङ्लो॥” कर खे़ङ्हाॽरे़ मे़मे़त्तु, “आहाॽ, आनिगे हे़क्के मे़जोगुम्बे़न्लो॥” Gade chapit la |
यर्मिया 6:16
38 Referans Kwoze
कर आमनाहाॽरे़ निङ्वाॽ मे़भेःत्छाङ्ङाङ् वाॽरो, खे़ङ्हाॽरे़ हने़बा नावाइत्लाहाॽओ सुक्पा मे़हाःन्दुआङ् मे़वाॽरो हे़क्क्याङ् आप्फेक् लाङ्मे़घेःक्पा लाम्मो मे़घसिङ्ङाङ् मे़वाॽरो॥ खे़ङ्हाॽरे़ आबाङे खुन्छिॽ तगिबा लाम्मिन् निङ्वाॽ मे़मुःत्छुआङ् मे़वाॽरो हे़क्क्याङ् खे़ङ्हाॽ चिहुॽहुॽबा लाम्मो मे़धासिङ्ङाङ् मे़वाॽरो॥
उन्छोन् उन्छोःन्बा ये़न्हाॽ निङ्वाॽ इःत्ते़म्मे़ॽओ, उनाहुरि तगिबा थाःक्हाॽरे़ खुन्छिॽ याःम्बेओ खिनिॽ निङ्वाॽसुम् लॽरे़म्मे़ॽओ॥ खिनिॽ पाहाॽ सेःन्दोसे़म्सिम्मे़ॽओ, हे़क्क्याङ् खे़ङ्हाॽरे़ के़म्मे़त्तिरो, खिनिॽ काप्पो तुम्साहाॽ से़ःन्लाप्ताम्सिम्मे़ॽओ, खे़ब्याङ् खे़ङ्हाॽरे़ खिनिॽ के़म्जे़क्तिरो॥
खे़ने़ॽ के़नुरे़आङ् के़वये़बा ये़न्नो खे़ने़ॽ फे़ःक्ने़रो कर खे़ने़ॽ आबाःन्निन् के़ङ्घे़प्सुन्लो॥ खे़ने़ॽ के़बाःत्तु, ‘के़बाःन्निन् मे़घे़म्मान्लो॥’ खे़ने़ॽ के़जुक्ते़आङ्धोए आबाःन्निन् मे़ङ्घे़म्मे के़वाॽरो॥ यहवे दाङ्बे़ल्ले़ कुइङ्जाङ्ङिन् खिनिॽ आप्फाल्ले़आङ् खे़म्मा के़न्दे़न्दिन्लो॥
इस्राइलए, वेॽ साम्माङ्हाॽरे़ खुन्छिॽ एगाङ् एगाङ् लाङ्घेगे़ॽआङ् के़लाङ्ङिन् तुक्ल मे़याःन्दे़न्ने़ॽओ, हे़क्क्याङ् कुजाबोःप्मे़न् सर्गे़ङ् हेर मे़जोगे़न्ने़ॽओ॥ कर खे़ने़ॽ के़बाःत्तुॽ, ‘मेःन्! आङ्गाॽ खे़न् ले़प्मा मे़सुक्कान्लो॥ आङ्गाॽ वेॽ सुवाङ्समा माङ्साम्माङ्हाॽ आसिराॽ मे़धाङे़आङ् मे़वाॽरो॥ आङ्गाॽग खे़ङ्हाॽ नाःप्मा तिम्मासिए पोङ्लो॥’”
साङ्ग्राम्पेदाङ्लाम् खे़ङ्हाॽरे़ खुन्छिॽ पेलिन् खे़प्से़ॽओ, खम्भ्याङ् खे़ने़ॽ के़से़वारोबा, खे़ने़ॽ के़मना इस्राइलिहाॽरे़ खुन्छिॽ लायोन् ले़प्मि पिरे़से़ॽओ॥ खे़ङ्हाॽ लाङ्घेःक्मा के़बोङ्बा नुबा ये़प्ले़क्किन् खे़ने़ॽ हुॽरे़से़ॽओ, हे़क्क्याङ् खे़ने़ॽ के़मनाहाॽ खुन्छिॽ लक्खोमारे़ लागि के़बिरुसिबा लाजेॽओ वहित् थासुर याःन्दे़ पिरे़से़ॽओ॥
थिक्ले़ङ् आङ्गाॽ आमनाहाॽ खे़ङ्हाॽरे़ बाल साम्माङ्ङिन् माङ्से़वा मे़प्मा मे़हुॽरुसि कर आल्ल खे़ङ्हाॽरे़ ‘से़क्खाए यहवे दाङ्बे़न् कुहिङ्वे़त् वाॽबा कुइसिक्’ माङ्मे़हे़क्सिङ् हे़क्क्याङ् आमनाहाॽरे़ खुन्छिॽ सुत्नाःन् नुरिक्काङ् मे़हुॽसिङ्ने़भग्र खे़ङ्हाॽ आङ्गाॽ आमनाहाॽरे़ खुन्छिॽ लुम्मो मे़युक्खुसि॥
लाम्मो मिक्सेःन्हाॽ फत्छे़ॽओ हे़क्क्याङ् लाम् ओःन्गे़धाक्पा मिक्पेॽ युक्खे़ॽओ, निङ्वाॽ याक्मारे़ लागि माराम्हाॽ मिक्सेन् मे़त्ते़ॽओ खे़ने़ॽ के़बेबा लाम्मो नुःक्खे़ त्ये़ॽओ॥ सिसागे़न् मे़न्छ्या इस्राइलए, खे़ने़ॽ नुःक्खे़ त्ये़ॽओ खे़ने़ॽ के़ले़रुबा आबाङे ये़क्यक्को नुःक्खे़ त्ये़ॽओ॥
कर खे़ङ्हाॽरे़ कन् खासे़न्लोःम्बाहाॽरे़ खुन्छिॽ पाःन्हाॽआङ् मे़ङ्घे़प्सुन्॥ खे़ङ्हाॽ याम्बोःप्मा याःम्बक् के़जोःक्पा कुइसिक् वेॽ माङ्हाॽ से़वा मे़प्मासि नु खे़ङ्हाॽरे़ खुन्छिॽ तगि साबन् फन्छिङ्मा मे़हेःक्ते़॥ खे़ङ्हाॽरे़ खुन्छिॽ आबाङे पाधे़बाहाॽरे़ मे़नाःत्तु मे़दिम्दुबा निङ्वाॽफुमाङ्ङिल्ले़ कुइङ्जाङ्ङो लाङ्घेःक्मा लाम्मिन् हाराए मे़ले़रु मे़देसु॥
“यहवे दाङ्बे़ल्ले़ कुयाःम्बेओ खिनिॽ सम्धाङ् मानिङ्वाॽफुसाम्बा अमर्याहन् सुहाङ्युक्पा वाॽ॥ हाङ्जुम्बा पाःन्निल्ले़ कुयाःम्बेओ यहुदाबा थाःक्लाम्लोबा इस्माएलरे़ कुस्सा जबदियाहन् खिनिॽ थुङ्धो सुहाङ्युक्पा वाॽ॥ ले़बिहाॽग खिनिॽ तगि सुहाङ्युक्पा कुइसिक् याःम्बक् मे़जोक्॥ के़धुम्बा नु योधो मे़ल्लॽमनाबा पोःक्खे़म्मे़ॽ॥ यहवे दाङ्बे़न् कुदोःप्मा याःम्बक् के़जोःक्पाहाॽनु सोरिक् वाॽररो॥”
कर खे़ङ्हाॽ आङ्गाॽ आबाःन्निन् खे़म्मा मे़न्दे़न्दे़न्, खे़प्मो थे़माआङ् निङ्वाॽ मे़म्बिरुन्॥ खे़ल्ले़ कुले़क्वा खे़ङ्हाॽ इङ्जाङ् इःप्मा नाःप्मा मे़न्दे़म्मनाबा नु ताप्फे़ःम्बा सिक्लुङ्माल्ले़ निङ्वाॽ इःत्तुबा कुइसिक् याःम्बक् मे़जोगुर मे़वये़॥ हे़क्केलॽरिक् खे़ङ्हाॽ आरसाङ् कुॽइगे़भे़म्बा मे़बोःक्खे़र मे़बे॥
Piblisite