कन् याम्गे़सिङ्बा याःम्बक्किन् मे़जोगुबाओ खुन्छिॽ नुःम्मा के़बोङ्बा मेःम्बि? कर खे़ङ्हाॽग मिसाक्काङ् नुःम्माए मे़न्नुःन्दे़न्लो॥ नुःम्मा पाःन्निन् थे़माबे फाॽआङ् खे़ङ्हाॽरे़ मे़ल्ले़सुन्लो॥ खे़ल्ले़चोगुल्ले़ वेॽ के़मे़क्पाहाॽनुए खे़ङ्हाॽआङ् मे़मे़क्लो॥ खे़ङ्हाॽ खुम्दिङ् पिरुङ्सिङ्बा ये़म्मो खे़ङ्हाॽ मे़मे़क्लो॥
यर्मिया 6:15 - लिम्बु15 कन् याम्गे़सिङ्बा याःम्बक्किन् मे़जोगुबाओ खुन्छिॽ नुःम्मा के़बोङ्बा मेःम्बि? कर खे़ङ्हाॽग मिसाक्काङ् नुःम्माए मे़न्नुःन्दे़न्लो॥ नुःम्मा पाःन्निन् थे़माबे फाॽआङ् खे़ङ्हाॽरे़ मे़ल्ले़सुन्लो॥ खे़ल्ले़चोगुल्ले़ वेॽ के़मे़क्पाहाॽनुए खे़ङ्हाॽआङ् मे़मे़क्लो॥ खे़ङ्हाॽ खुम्दिङ् पिरुङ्सिङ्बा ये़म्मो खे़ङ्हाॽ मे़मे़क्लो॥ आङ्गाॽ यहवे दाङ्बे़ल्ले़ पाःत्तुङ्ङाङ् वाॽरो॥” Gade chapit la |
यर्मिया 6:15
29 Referans Kwoze
खुम्दिङ् पिमा ये़न्हाॽ निःत्ताङ् त्ये़आङ् वाॽरो, कुले़क्वा नुःक्मा ये़न्हाॽ चिदुप् वाॽरो॥ कन् पाःन्हाॽ इस्राइलरे़ निङ्वाॽ खोसुररो॥ खिनिॽ लायोहाॽ यरिक् वाॽबा नु सिक्चोःक्मान् यम्बा चोःक्पे़ल्ले़ माङ्निङ्वाॽपान् के़बाःप्पे़न् अदङ् नु याम्साम्मिल्ले़ थुक्तुबा मनाःङ्ग के़नाङ्बा के़लेःत्तुम्लो॥
खे़ङ्हाॽ लाङ्मे़घेःक्पा लाम्मिन् खागे़माक्पा नु आले़ःङ्ले़ःङ्बा पोङ्लो॥ खे़ल्ले़ खे़ङ्हाॽरे़ खुन्छिॽ लाङ्ङिन् खसुआङ् मे़जोःन्ल याःन्दुसिरो॥ आङ्गाॽ खे़ङ्हाॽरे़ खुन्छिॽ सम्धाङ् ये़त्तुक्खे तारुङ्लो॥ खे़ङ्हाॽरे़ खुम्दिङ् खोमा ये़म्मिन् तार पत्लो॥ आङ्गाॽ यहवे दाङ्बे़ल्ले़ पाःत्तुङ्ङाङ् वाॽआरो॥
मे़दे़म्सु मे़देॽरुसिबाहाॽनु सोसोरिक् सॽसिङ्मा हे़क्क्याङ् मे़से़रुसिबाहाॽरे़ खुनिॽ लुम्मो तोःक्माआङ् चोःम्मानुःल्ले़ वेॽ नुबा थेआङ् होप्लो॥ हे़क्केसाङ् यहवे दाङ्बे़ल्ले़ कुसिक्के़न् मे़जिःक्तुन्लो खे़ब्याङ् खुम्दिङ् पिमासिरे़ लागि खुने़ॽ कुहुक्किन् आल्लसाङ् फोःक्खुआङ्ङे पत्लो॥
खे़ङ्हाॽरे़ खुन्छिॽ आबाङे नाराःल्ले़ए खे़ङ्हाॽरे़ खुन्छिॽ तक्ले़ङ्वाओ तोःन्दि पिरुरो॥ सदोम ये़क्यक्को के़युङ्बा मनाहाॽ कुइसिःक्के खे़ङ्हाॽरे़आङ् आबाङे खुन्छिॽ लायोन् ओसेःन्धाङ् मे़जोगुरो॥ खे़ङ्हाॽरे़ खे़न् खुन्छिॽ लायोन् मे़न्जिक्खुन्लो॥ खे़ङ्हाॽग मे़जिःत्ते़ मे़स्ये़रो! खे़ङ्हाॽरे़ आबाङे खुन्छिॽ सम्दाङ् मे़क्मासिमान् मे़दारुआङ् वाॽरो॥
कर यहवे दाङ्बाए, आङ्गाॽ से़प्मारे़ लागि खे़ङ्हाॽरे़ चे़म्भन् मे़जोगुरो खे़न् के़रे़क् खे़ने़ॽ के़दगि नुरिक्काङ् थाबे़आङ् वाॽरो॥ खे़ङ्हाॽरे़ खुन्छिॽ कुॽइभे़म्मान् ले़प्मि मे़बिरे़से़न्ने़ॽओ हे़क्क्याङ् खे़ङ्हाॽरे़ खुन्छिॽ लायोन् मे़घे़त्ते़न् मे़बिरे़से़न्ने़ॽओ॥ खे़ङ्हाॽ हारिमे़दार याःन्दे़से़ॽआङ् सोःन्दे़से़ॽओ हे़क्क्याङ् खे़ने़ॽ के़साक्के़न् पोःक्पा हे़क्केए खे़ङ्हाॽरे़ खोमा मे़यारुबा खुम्दिङ् पिरे़से़ॽओ॥”
खे़न् माङ्निङ्वाॽपान् के़बाःप्पाहाॽ, आत्तिन्हाॽआङ् आङ्गाॽ पाङ्घुङ्सिङ्बा मेःन्, हे़क्केसाङ् लाजेॽओ ते़न्धङ् नु साक्वान् मे़दाने़न् फाॽआङ् खे़ङ्हाॽरे़ आमिङ्ङो माङ्निङ्वाॽपान् मे़बाःत्तुॽ, आङ्गाॽ खे़ङ्हाॽ ते़न्धङ् नु साक्किल्ले़ए मे़क्खुङ्सिङ् फाॽआङ् आङ्गाॽ यहवे दाङ्बे़ल्ले़ खे़ने़ॽ मे़त्ने़रो॥
Piblisite