“‘कन् कुनिङ्वाॽ के़जिःप्पा माङ्निङ्वाॽपान् के़बाःप्पाहाॽरे़ नुॽमादामा सनारुङ् होप्माए होःप्साङ् आङ्गाॽ आमनाहाॽ अक्खे मे़मे़त्तुसिआङ् इङ्मे़ले़क्तुसिॽ, “के़रे़क् पाःन्हाॽओ नुॽमादामा सनारुङ् वाॽ” खे़ल्ले़चोगुल्ले़ अक्खे पोङ्ॽ! कङ्ग मनाहाॽरे़ चे़ल्लुङ्गेःक्वा लुङ्धाक् मे़से़त्तुआङ् ये़प्पा कुइसिक् चोक् हे़क्क्याङ् कन् माङ्निङ्वाॽपान् के़बाःप्पाहाॽरे़ आल्लसाङ् कुभरा खाम्मिल्ले़ हिप्मा मे़गोःत्तुॽ!
यर्मिया 6:14 - लिम्बु14 खे़ङ्हाॽरे़ के़गाःम्बा आङ्गाॽ आमनाहाॽ मिसाक्लक् के़गाःम्बा हे़क्के सिदाॽ मे़मे़त्तुसिरो खे़ङ्हाॽरे़ मे़बाःत्तुॽ, ‘सनारुङ्, सनारुङ्, के़रे़क् नुबा वाॽरो,’ कर से़क्खाःल्ले़ग सनारुङ् सुक्खेवा आत्तान्नाङ् होप्लो॥ Gade chapit la |
यर्मिया 6:14
21 Referans Kwoze
आबान् खे़म्मा मे़न्दे़म्मनाबाहाॽ खे़ङ्हाॽरे़ चक्मे़ल्लॽए अक्खे मे़मे़त्तुसिरो, ‘यहवे दाङ्बे़ल्ले़ पाःत्तुॽ—खिनिॽ लागि नुॽमादामा सनारुङ् पोङ्लो!’ पान् मे़ङ्घे़म्मनाबा आधिङ्गानि हादिङ् के़धक्पाहाॽ खे़ङ्हाॽरे़ अक्खे मे़मे़त्तुसिरो, ‘खिनिॽ सम्धाङ् थे़मा तुक्खे लाक्खेआङ् मे़दाने़न्लो॥’
खे़ने़ॽ के़माङ्निङ्वाॽपान् के़बाःप्पाहाॽरे़ मे़निसुबा सुफोहाॽ इङ्ले़क्पा नु कुसुम् मे़न्दम्मनाबा वये़रो॥ खे़ने़ॽ ते़म्मा तेॽमा मे़म्भाःक्मारे़ लागि खे़ङ्हाॽरे़ खे़ने़ॽ के़भे़न् याःम्बक्हाॽ ओःन्गे़मे़न्धाक्ते़न्लो॥ खे़ङ्हाॽरे़ खे़ने़ॽ के़लागि मे़निसुबा सुफोन् इङ्ले़क्पा नु मिक्ले़ःङ्मा पाःन्लक् वये़रो॥
कर उन्छोन् इस्राइलओ इङ्ले़क्पा माङ्निङ्वाॽपान् के़बाःप्पाहाॽ मे़वये़बा कुइसिक् खिनिॽ लुम्मोआङ् इङ्ले़क्के सिक्साम्बाहाॽ मे़लन् मे़दारो॥ खे़ङ्हाॽरे़ग स्वाःत्ताङ् याप्मि के़मे़ङ्बा इङ्ले़क् पाःन्हाॽ मे़हुॽरुसिॽ, हे़क्क्याङ् खे़ङ्हाॽरे़ खुनिॽ मे़ल्लुङ् के़हुङ्बाआङ् के़धे़ॽबा दाङ्बान्नाङ् मे़नाॽरुआङ् हाराए आबाङे खुनिॽओ मे़क्मे़न् मे़दारुॽ॥
खे़न्नुःल्ले़ वेॽ यहवे दाङ्बे़ल्ले़ आबाङे कुमनाहाॽरे़ खुन्छिॽ याङ्घेःक्हाॽ इभुत्तु पिरुसि, हे़क्क्याङ् खुने़ॽ खाःन्दुसिबा खे़ङ्हाॽरे़ खुन्छिॽ याङ्घेःक्हाॽ वेःत्ल याःन्दु खे़न् ये़न्नो लाबे़न् नाम् कुसिङ् ओःत् हे़क्क्याङ् नाम्मिन् वेॽ ये़न्नुःल्ले़ नुसिले़ङ् यारिक् साॽरिक् ओःत्लो॥
खिनिॽ इङ्ले़क् पाःन्हाॽरे़ साम्योबाहाॽ खुन्छिॽ सावेःत् यङे़र के़याःन्दुम्सिम्माङ् वाॽ, कर खे़ङ्हाॽ खुन्छिॽ निङ्वाॽ तुक्खे चार के़लॽबा आनिङ्वाॽ होःप्ते़॥ ताक्के़भे़ॽबाहाॽरे़ खुन्छिॽ लायोहाॽ मे़ले़रुल्ले़ खे़ङ्हाॽ ताङ्मे़से़ःप्पि फाॽआङ् खिनिॽ खे़ङ्हाॽ लायो चोःक्माआङ् पप्मा आःन्छिङ्मा के़बिरुम्सिम्॥
खे़ङ्हाॽ अक्खे मे़प्मासि इङ्जाङ् पिराङ्लो, “आङ्गाॽ आमिक्कोलाम् से़न्दिक् ले़न्दिक् आमिक्वा ते़रे़रे़ थाप्लो॥ खे़न् आप्फाल्ले़आङ् चक्मे़लॽने़ल्लरो थेआङ्भे़ल्ले़ सिसागे़न् मे़न्छ्या आस्सा इस्राइलरे़ साॽरिक् तुक्खे तुमुआङ् वाॽरो खे़ब्याङ् आमनाहाॽ यम्बा तुक्खेओ मे़ध्ये़आङ् मे़वाॽरो॥
मु नु थाःङ् थे़गेःक्पोनु लाङ्दाप्पेओ थारिक् याङ्घेःक् मे़म्बप्मनाबादे़न् आत्तिआङ् होप्लो॥ के़गाःम्बै के़गाःम्बा, ते़ःम्भुक्किल्ले़ हिप्मनाबा कबहाॽ हे़क्क्याङ् के़गिबा याङ्घेःक्हाॽरक् पत्लो॥ खे़न् याङ्घेःक्हाॽ मे़न्यॽए इमे़ङ्घेःङ्ङे पत्लो, खे़ब्याङ् निःङ्गेःल्ले़आङ् चुन्जुम्बा पोङ्ल फाॽआङ् मे़न्आम्मे वाॽरो॥
“‘हे़क्क्याङ् कुभा माङ्निङ्वाॽपान् के़बाःप्पान् इङ्घङ् पिमारे़ लागि इङ्ले़क्को थ्ये़आङ् वाॽने़भग्र, कङ्ग आङ्गाॽ यहवे दाङ्बे़ल्ले़ खे़न् माङ्निङ्वाॽपान् के़बाःप्पे़न् इङ्ले़क्को थासुङ्ङाङ् वाॽबाल्ले़ चोगुल्ले़ हे़क्के पोःक्खे़बारो॥ अक्तङ्बा माङ्निङ्वाॽपान् के़बाःप्पान् आङ्गाॽ आहुक्किल्ले़ साःप्सुङ्ॽ, हे़क्क्याङ् इस्राइलबा सङ्जुम्भोलाम् खे़न् मे़क्खुङ्ॽ॥
यहवे दाङ्बे़ल्ले़ अक्खे पाःत्तुरो— “आङ्गाॽ आमनाहाॽ ताप्फे़ःम्बा लाम्मो लाङ्घेःक्मा के़बाङ्बा माङ्निङ्वाॽपान् के़बाःप्पाहाॽ कुभारे़ चामा पिरुसिल्ले़ खे़ङ्हाॽरे़ सनारुङ् नुॽमादामा उवा मे़जोगुरो, खे़ल्ले़ खे़ङ्हाॽ चामा मे़बिरुसिन्ने़भग्र, खे़ल्ले़ कुदक्ले़ङ्वाओ खे़ङ्हाॽ थङ् चोःक्मारे़ लागि यारिप् मे़बोङ्लो॥
Piblisite