यर्मिया 6:10 - लिम्बु10 आङ्गाॽ नुगप् पिरुङ्, “आङ्गाॽ आबाःन्निन् हाःत्ले़ खे़प्सुबे? आत्तिन्हाॽ मे़त्तुङ्सिङ्ङाङ् साम्दिङ् पिरुङ्सिङ्बाबे? खे़ङ्हाॽ हादिङ् के़धक्पा मे़बोङ्लो खे़ब्याङ् आबाङे खुनिॽ ने़क्खोॽइन् मे़हुॽरुआङ् मे़वाॽरो॥ यहवे दाङ्बे़ल्ले़ के़इङ्घङ्ङिन् खे़ङ्हाॽरे़ खुन्छिॽ लागि के़घबा पान् पोङ्लो हे़क्क्याङ् खे़प्मो खे़ङ्हाॽरे़ निङ्वाॽ तामा पान् थेआङ् मे़ङ्घोसुन्लो॥ Gade chapit la |
यर्मिया 6:10
40 Referans Kwoze
नसाःन्लाम्बाए नुहारे़ कुहिम्सयङ्हाॽ ताङ्से़ःप्से़ वालाधा चोगुरो॥ तगि आप्फाल्ले़आङ् मे़म्बोङ्ङे के़वाॽबा पाःन्हाॽ आल्ल पोङ्लो लॽरिक् साम्दिङ् के़बिबा निङ्वाॽफुमाङ्ङिल्ले़ कुइङ्जाङ्ङिन् खे़प्सुआङ् हे़क्के चोगुरो॥ खुने़ॽ कुनसाःन्लाम्बाए खे़न् ये़म्मोबा इक्सादिङ् खाम्बेःक्मोबा मनाहाॽ आप्तिक्को मे़ध्ये़ हे़क्क्याङ् नसाःन्लाम् के़दाबा साम्योबा लक्के़घोबा पोःक्खे़रो॥
खे़ल्ले़चोगुल्ले़ आत्ति पिगिगे़ॽसाङ् काक् मनाहाॽ ख्रिस्तरे़ कुयाःम्बेओ इङ्भोसुम्सिम्बे़ॽरो॥ खे़ङ्हाॽ निङ्वाॽफुमाङ्ङिल्ले़ पिरिगे़बा काक् सिक्कुम्मिल्ले़ साम्दिङ् नु खाहुन् पिरुम्सिम्बे़ॽ, थेआङ्भे़ल्ले़ ख्रिस्ते़न्नु थिक्हुप् पोङ्मान् कुलिङ्दो के़त्ल लॽरिक् निङ्वाॽफुमाङ्ङो काक् मे़न्छाम् याप्मिहाॽ तोःम्मासि आनिगे निङ्वाॽ कत्तुम्बे़रो॥
खे़ब्याङ् बेथेलबा निङ्वाॽफुसाम्बा अमस्याहरे़ इङ्साबे़न् अक्खे मे़त्तुआङ् इस्राइलबा हाङ् यारोबामरे़ओ पाङ्घुदेसु, “इस्राइलबा हिम्सयङ्हाॽरे़ खुन्छिॽ लुम्मो आमोसे़ल्ले़ आदाङ्बारे़ के़दक्ले़ङ्वाओ लत्छा चे़म्भन् चोगुर याक्॥ कन् लाजेःल्ले़ खे़ल्ले़ के़रे़क् कुबाःन्हाॽ थम्मा मे़सुक्तुन्॥
यहुदाए हे़क्क्याङ् यरुसले़ःम्मोबा मनासे, यहवे दाङ्बे़न्नु के़जोगुम्बा माङ्हुप्ले़ इबु हर्दो हे़क्मान् याम्मो चोगे़म्मे़ॽओ कर कन् इबुन् के़जोगुम्मिल्ले़ सिक्लुङ्मोलाम्बाए चोगे़म्मे़ॽओ॥ मेःन्ने़भग्र खिनिॽ फे़न्याःम्बक्हाॽरे़ चोगुल्ले़ आङ्गाॽ आसिक् पोःक्मे़न् मि हे़क्के हुरुरुना तिःत्लो हे़क्क्याङ् आत्तिल्ले़आङ् खे़न् से़प्मा मे़सुक्तुन्लो॥”
मिस्र लाजेॽ, यहुदा, ए़दोम, अम्मोन, मोआबिहाॽ हे़क्क्याङ् ने़सिःम्बोबा थे़गेःक्इ ताङ्ब् ताङ्बा के़घक्पा मुरे़क् खारे़क्पा ये़ःङ्दे़न्नो के़युङ्बाहाॽ के़रे़क् आङ्गाॽ खुम्दिङ् पिरुङ्सिङ्ॽ॥ कन् सुवाङ्हाॽ नु इस्राइलिहाॽरे़न्नाङ् सिक्लुङ्मो हर्दो हे़क्मा याःम्बक् मे़म्बोङ्ङे वाॽरो॥”
Piblisite