यर्मिया 52:4 - लिम्बु4 खे़ल्ले़चोगुल्ले़ सिदकियाहरे़ हाङ्युक् चोगुबा फाङ्सिगेक्पा तङ्बेओबा थिबोङ् ला के़रे़बा थिबोङ् ये़न्नो बेबिलोनबा हाङ् नबुकदनेसररे़ यरुसले़ःम्मिल्ले़ कुदक्ले़ङ्वाओ के़रे़क् कुधक्सुबाहाॽ फे़त्तुसिआङ् फे़रे़॥ खे़ङ्हाॽरे़ ये़क्यक्किन् किर्गप् मे़गबु हे़क्क्याङ् लुङ्धाक्हाॽ लुःम्मारे़ लागि चन्जम्बादे़न्हाॽ मे़जोगु॥ Gade chapit la |
यर्मिया 52:4
22 Referans Kwoze
खे़ब्याङ् ये़क्यक्कोबा कुयाधिक् लुङ्धाक्हाॽ पुरुःङ् लुःन्दे़बे, हे़क्क्याङ् के़रे़क् थक्सुबाहाॽ मे़घे़त्छिङ् मे़घे़रे़॥ बेबिलोनिहाॽरे़ ये़क्यक्किन् मे़गबुआङ् ने़स्से़आङ्धोए, खे़ङ्हारे़ से़न्दिक् खाधाम्मान् मे़हाङ्घुआङ् वये़॥ खे़ब्याङ् हाङ्ङिल्ले़ कुभुङ्इक् एगाङ् ले़प्माङ्बा नाहाङ् कत्नाहाङ् ने़त्छि लुङ्धाक्हाॽरे़ कुलुम्मोबा ताःक्हन्नोलाम् खे़ङ्हाॽ मे़भिःन्छिङ् मे़बे हे़क्क्याङ् यर्दन ले़प्माङ्बा ने़ने़बादे़न्नो मे़धासिङ् मे़बे॥
“ओमे़त्ते़ॽ, ये़क्यक्किन् युक्मारे़ लागि बेबिलोनिहाॽरे़ खे़न् के़रे़क् पिसाङ् कप्मारे़ लागि चन्छिङ्मादे़न्हाॽ मे़जोगुआङ् वाॽ हे़क्क्याङ् खे़ॽयो थङ् मे़जोःक्ल मे़वाॽ॥ ते़न्धङ्, साक्वान् नु मिङ्देल्ले़ चोगुल्ले़ ये़क्यक्किन् खे़ङ्हाॽरे़ खुन्छिॽ हुक्को थाःॽ॥ खे़ने़ॽ के़बाःत्तुबा के़रे़क् पाःन्हाॽ के़त्ल पप्पा खे़ने़ॽ के़निसुर के़वाॽ॥
खुने़ॽ कुजुप्साङ् ले़प्माङ् के़ये़प्पा खागे़इक्पाल्ले़ पाःत्तुॽ, ‘यरुसले़म!’ लुङ्धाक् लुःम्मा सिङ्आःत्हाॽनु, मनाहाॽ से़प्मासि यम्बा इक्लाओ मे़अःक्ल, यम्बा लाम्धेःप्पाहाॽरे़ कुदक्ले़ङ्वाओ खुने़ॽ कुधक्सुबाहाॽ मे़भे़न्ॽ॥ खे़ङ्हाॽरे़ किर्गप् कप्मा चङ्हिम्हाॽ मे़ये़प्सुॽ, हे़क्क्याङ् लुङ्धाक्हाॽ लुःम्मारे़ लागि खाम्लुङ्हाॽ थो मे़भोःक्खुॽ॥
आङ्गाॽ खिनिॽ सम्धाङ् ते़न्धङ्हाॽ तारुङ्ॽ, हे़क्क्याङ् आङ्गाॽ चोगुङ्बा माङ्हुप्पिन् के़भेःन्दुम्बाल्ले़ कुले़क्वा नुःक्तुङ्ॽ॥ खिनिॽ आप्फेक् आप्फेक् ये़क्यक्हाॽओ के़जुप्सिॽ, आङ्गाॽ खे़प्मोआङ् खिनिॽ लुम्मो तुक्मा लाःक्मा पाङ्घुङ्ॽ, खे़ब्याङ् खिनिॽ निङ्मिहाॽरे़ खुन्छिॽ हुक्को के़ध्ये़ॽइ॥
यरुसले़म ये़क्यक्किन् खाप्पुथ्यःङ् पोःक्खे़बा थिबोङ्ङाङ् लिसिगेक्पा तङ्बे के़रे़बा ये़न् नु आनिगे मे़दे़म्सि मे़देॽरिगे़बा निबोङ्ङाङ् ङासिगेक्पा तङ्बेःल्ले़ कुहेःक्सिङ्मा, लाओबा थिबोङ्गेक्पा के़रे़बा हाबा खे़न् ये़न्नो यहवे दाङ्बे़ल्ले़ कुहुक्किन् आङ्गाॽ आसम्धाङ् पत्छे़ हे़क्क्याङ् खुने़ॽ आङ्गाॽ खे़प्मो तेॽराङ्॥
“आनिगे लागि यहवे दाङ्बान् से़ःन्लाप्ते़ आबिरे़ॽ थेआङ्भे़ल्ले़ बेबिलोनबा हाङ् नबुकदनेसरे़न् नु खे़ल्ले़ कुधक्सुबाहाॽ आनिगे ये़क्यक्किन् हुक्काप् चोःक्मा फाॽआङ् मे़दार मे़बत्॥ से़क्खाःल्ले़ के़बेःक्पा ये़म्मो यहवे दाङ्बे़ल्ले़ आनिॽ लागि निङ्वाॽ के़माबा याःम्बक् चोगुबा हे़क्के आल्लआङ् चोगुआङ् नबुकदनेसरे़न् नुःक्तुदेसुबि॥”
Piblisite