यर्मिया 52:13 - लिम्बु13 खुने़ॽ यहवे दाङ्बे़ल्ले़ कुहिम्मो नु हाङ्हिम्मो हे़क्क्याङ् यरुसले़ःम्बा के़रे़क् हिम्हाॽओ मिभाःत्त्रा केःत्तु॥ के़रे़क् यम्बयम्बा के़ये़क्पा हिम्हाॽ खुने़ॽ मिधिक्खुदेसु॥ Gade chapit la |
यर्मिया 52:13
32 Referans Kwoze
खे़ङ्हाॽरे़ यहवे दाङ्बे़ल्ले़ कुहिम्मे़न् फुत्लुम् मिमे़धिक्खु मे़देसु हे़क्क्याङ् यरुसले़म ये़क्यक्कोबा लुङ्धाक्किन् मे़लुःन्दु मे़देसु॥ खे़ङ्हाॽरे़ ये़क्यक्कोबा यम्बयम्बा हिम्हाॽ के़रे़क् मिमे़धिक्खु मे़देसु खम्भ्याङ् खे़प्मोबा के़रे़क् कुमे़न् के़घिःक्पा चिगक्वा सामाहाॽ खाप्पुथ्यःङ् मे़जोगु॥
दाङ्बे़ल्ले़ खुने़ॽओ ले़त्ति तोःम्मादे़न्निन् नाॽरुआङ् ने़रो, खुने़ॽ कुसेसेदे़न्निन् लाप्फेसुआङ् ने़रो॥ खुने़ॽ खे़प्मो के़ने़बा हाङ्हिम्मोबा लुङ्धाक्हाॽ निङ्मिहाॽरे़ खुन्छिॽ हुक्को पिरुसिआङ् ने़रो॥ खे़ङ्हाॽरे़ यहवे दाङ्बे़ल्ले़ कुहिम्मोए निःन्धो के़बोङ्बा तङ्नाम्मोबा ये़न् कुइसिक् मे़जोगुआङ् ने़रो॥
कन् इङ्घङ्ङिन् इस्राइलबा हिम्सयङ्हाॽ मे़त्ते़से़ॽ, ‘मुक्साम्दाङ्बा यहवे दाङ्बे़ल्ले़ अक्खे पाःत्तुॽ—खिनिॽ कम्ब्राङ् मे़प्मालाम् नु खिनिॽ ने़बो पप्मा, खिनिॽ सिक्कुम् निङ्वाॽ सःप्मादे़न्, आङ्गाॽ आहिम्मिन् आसुत्थो चोगुङ्ॽ॥ यहुदाओ के़ले़रुम् के़धाम्सिम्बा खिनिॽ ये़म्बित्छासाहाॽ नु मे़न्छुमा साहाॽ ताभेःल्ले़ मे़से़रुसिॽ॥
आङ्गाॽ इङ्जाङ् पिरुङ्सिङ् हे़क्क्याङ् खे़ङ्हाॽ कन् ये़क्यक्को मे़नुःङ् मे़दाःॽ॥ खे़ङ्हाॽरे़ कन् ये़क्यक्किन् थङ्ङो मे़भत्तुॽ, खे़ब्याङ् कन् ये़क्यक्किन् मे़दोगुआङ् मे़युक्तु हे़क्क्याङ् फुल्लुम् थ्यःङ् मि मे़याक्तुॽ॥ आङ्गाॽ यहुदाबा ये़क्यक्हाॽ मुरे़क् खारे़क्पा ये़ःङ्घादे़न् हे़क्के आत्तिन्हाॽआङ् युङ्मा मे़ङ्घोने़न्ल मना मेःन्नेबा चोगुङ्॥ आङ्गाॽ यहवे दाङ्बे़ल्ले़ पाःत्तुङ्ङाङ् वाॽरो॥”
यरुसले़ःम्मोबा हिम्हाॽ, यहुदाबा हाङ्हाॽरे़ खुन्छिॽ हाङ्हिम्हाॽ नु खे़न् के़रे़क् हिम्हाॽओबा आःम्भोॽहाॽओ ताङ्साङ्बोबा मे़न्छ्याब्रुक्मा खेःम्सिक्पाहाॽओ सुक्पा मे़हाःन्दुआङ् वाॽ खे़ब्याङ् कुसिङ् निःत्मे़न्दे़प्मनाबा साम्माङ्हाॽओ सेजःङ्वा सिदुङ्जभा मे़दोन्दुआङ् वाॽ, खे़ङ्हाॽ के़रे़क् तोपेत हे़क्के आसुत्थो मे़बोङ्ॽ॥’”
हे़क्क्याङ् बेबिलोन्बाहाॽ लुङ्धाक् लाःक्कात् कब्रिङ् मे़ये़प्, खे़ङ्हाॽ मे़लाःत्ताङ् कन् ये़क्यक्किन् खा मि फुल्लुम् मे़याक्तुॽ॥ मनाहाॽरे़ खुन्छिॽ हिम्मोबा आःम्भोॽओ बाल साम्माङ्हाॽओ ससिङ् सुक्पा मे़हाःन्दु हे़क्क्याङ् वेॽ साम्माङ्हाॽओ सेजःङ्वा सिदुङ्जभा मे़दोन्दुआङ् आङ्गाॽ आसिक् मे़भोक्खुआङ् वये़॥ खे़ल्ले़चोगुल्ले़ खे़न् हिम्हाॽआङ् कन् ये़क्यक्किन्नु सोरिक् बेबिलोनबा थक्सुबाहाॽरे़ मिमे़धिक्खुआङ् खाप्पुथ्यःङ् मे़जोगु॥
यहवे दाङ्बे़न् निङ्मि कुइसिक् पोःक्खे़आङ् वाॽरो, खुने़ॽ इस्राइले़न् खाप्पुथ्यःङ् चोगुआङ् ने़रो॥ खुने़ॽ के़रे़क् हाङ्हिम्हाॽ फुत्लुम् थ्यःङ् चोगुरो, के़रे़क् यक्हाॽ थुप्सु लुःन्दुदेसुरो॥ खुने़ॽ यहुदाःल्ले़ कुस्सा मे़न्छुमाःल्ले़ कुनिङ्वाॽ तुक्खे चामे़न् नु कुमे़रिङ्ङे़न् फोसु पिरुरो॥
खुने़ॽ माङ्से़वा मे़प्मा साःङ्गाहिम्मिन् इक्ताप्पोबा तक्तक्वा हिम् कुइसिक् थ्यःङ् यन्छुदेसुरो, खुने़ॽ कुदुम्मादे़न्निन् खाप्पुथ्यःङ् चोगुरो॥ यहवे दाङ्बे़ल्ले़ सियोनओ निःन्धो के़बोङ्बा तङ्नाम् नु सबाथहाॽ के़रे़क् निङ्वाॽसोक्किल्ले़ कुमिङ् मासुरो॥ खुने़ॽ चाॽरिक् किप्मागे़घुबा कुसिक् पोःक्मो खुने़ॽ हाङ्ङिन् नु निङ्वाॽफुसाम्बे़न् ने़प्माङ् नाॽरुसिरो॥
यहवे दाङ्बे़ल्ले़ सियोनरे़ कुस्सा मे़न्छुमाःल्ले़ कुलुङ्धाक्हाॽ लुःम्मादेमा निङ्वाॽ निःन्धो चोगुरो॥ खुने़ॽ खे़न् कुसिःक्मा खाॽनाम्मिल्ले़ सिःक्तुरो, खे़न् खाप्पुथ्यःङ् चोःक्मालाम् कुहुक्किन् मे़नुःक्तुन्लो॥ खुने़ॽ हाङ्यक् नु लुङ्धाक् ने़प्माङ् मे़रिङ् थक्ते़र याःन्दुरो, खे़ङ्हाॽ ने़प्माङ् थिक्ले़ङ्ले़ पुरुःङ् लुःन्दे़बेरो॥
Piblisite