हे़क्क्याङ् थिक्सिगेक्पा माङ्लाइङ्बाल्ले़ कुएगाङ् के़बप्पा निसिगेक्पा माङ्लाइङ्बाल्ले़ अक्खे पाःत्तुर अःक्ते़, “बेबिलोनिन् मे़गे़रो, पयम् यम्बा ये़क्यक्किन् मे़गे़रो॥ खे़न् ये़क्यक्किल्ले़ इक्सादिङ् खाम्बेःक्मोबा के़रे़क् मे़न्छाम् याप्मिहाॽ सिजङ्वाःल्ले़ मयुसिबा कुइसिक् याम्बोःप्माल्ले़ मःसुसिआङ् वाॽरो॥”
यर्मिया 51:7 - लिम्बु7 यहवे दाङ्बे़ल्ले़ कुहुक्को बेबिलोने़न् लत्छा साम्म्याङ् खोर्या पोःक्खे़आङ् वाॽरो, लत्छा खोर्याःल्ले़ के़रे़क् इक्सादिङ् खाम्बेःक्मान् मसुआङ् वये़रो॥ बेबिलोने़ल्ले़ कुसेॽजःङ्वाःल्ले़ सुवाङ्हाॽ मयुसिरो, हे़क्क्याङ् कल्ले़ के़रे़क् के़नाङ्बा चोगुसिरो॥ Gade chapit la |
यर्मिया 51:7
16 Referans Kwoze
हे़क्क्याङ् खे़न् मे़न्छुमाॽइङ्ग परान्ला नु हे़ःत्के़लॽबा चाङ् चाक्सिङ्ङाङ् साम्म्याङ्, मुधिङ्लुङ् नु ते़क्सेःक्लुङ्हाॽ वाःत्छिङ् चोःक्सिङ्ङाङ् वये़रो॥ खे़ल्ले़ कुहुक्को सिक्के़ले़ःङ्बा नु याम्गे़सिङ्बा पाःन्हाॽ हे़क्क्याङ् कुभे़न् याःम्बक्हाॽरे़ के़दिम्बा साम्म्याङ् खोर्यान् पक्खुआङ् वये़रो॥
थेआङ्भे़ल्ले़ इक्सादिङ् खाम्बेःक्को के़वाॽबा काक् मे़न्छाम् सुवाङ्हाॽ कुयाम्बोःप्मा सिजङ्वाःल्ले़ मयुसि॥ हे़क्क्याङ् इक्सादिङ् खाम्बेःक्मोबा काक् हाङ्हाॽरे़ खे़न्नु याम्बोःप्मा याःम्बक् मे़जोगु, हे़क्क्याङ् खे़ल्ले़ याम्दादा नु निङ्वाॽतादाबा कुहिङ्मन्निल्ले़ चोगुल्ले़ इक्सादिङ् खाम्बेःक्मोबा ले़ङ्हङ्बाहाॽ साॽरिक् याङ्साकुन्धेसाबा मे़बोःक्खे़रो॥”
थेआङ्भे़ल्ले़ कुघासे़न्निङ्ग से़क्खाबा नु नुबा चोक्लो, हे़क्क्याङ् याम्बोःप्मा कुयाःम्बक्किल्ले़ इक्सादिङ् खाम्बेःक्मान् के़जिःम्मा खे़न् पयम् यम्मा के़त्निमान् खुम्दिङ् पिरुरो॥ निङ्वाॽफुमाङ्ङिल्ले़ कुसे़वारोबाहाॽ खे़ल्ले़ से़रुसिबाल्ले़ चोगुल्ले़ खे़न् खुम्दिङ् पिरुआङ् वाॽरो॥”
खे़ने़ॽओ याम्मो आप्फाल्ले़आङ् सेमि मे़ओःत्ने़न्लो, हे़क्क्याङ् सिसामेःत् नु नालिसाङ्ङिल्ले़ खुन्छिॽ इक्लाःन्नाङ् खे़ने़ॽओ याम्मो आप्फाल्ले़आङ् खे़म्मे़दे़त्ने़न्लो॥ खे़ने़ॽ के़ले़ङ्हङ्बाहाॽग इक्सादिङ् खाम्बेःक्मो मुक्साम्साबा नु के़इङ्बा के़धुम्बाहाॽ मे़वये़, हे़क्क्याङ् खे़ने़ॽ फे़न्साम् मुन्धुम्लाम् इक्सादिङ् खाम्बेःक्मोबा काक् मे़न्छाम् सुवाङ्हाॽ इङ्गे़ले़क्तुसिरो॥
थो पिसाङ्बा के़रे़क् मे़न्छाम् सुवाङ्हाॽ नु बेबिलोनबा हाङ् आसे़वारोबा नबुकदनेसरे़ल्ले़ कुउःत्छे़ आङ्गाॽ पाङ्घुङ्सिङ्ल पत्ता॥ कन् लाजेन् नु कप्मोबा यक्युङ्बाहाॽ हे़क्क्याङ् हिम्बेसाङ्बा वेॽ के़रे़क् मे़न्छाम् सुवाङ्हाॽनु थङ् चोःक्मारे़ लागि आङ्गाॽ खे़ङ्हाॽ तारुसिङ्ल पत्ता॥ कन् मे़न्छाम् सुवाङ्ङिन् नु कल्ले़ कुहिम्बेसाङ्बा मे़न्छाम् सुवाङ्हाॽ आङ्गाॽ मे़क्खुङ्सिङ्ॽ हे़क्क्याङ् खाप्पुथ्यःङ् चोगुङ्सिङ्ङाङ् ले़रुङ्सिङ्ॽ, खे़न् मे़निसुआङ् खे़प्मोलाम्बा लाङ्गे़घेःक्पाहाॽ के़रे़क् चिजिङ् यङ्मा मे़सिरो, हे़क्क्याङ् खे़न् ये़क्यक्किन् कुनामे़न्छाॽ मे़प्मा चाहाक् चोगुङ्ॽ॥ आङ्गाॽ यहवे दाङ्बान् पाराङ्ङाङ् वाॽ॥
खे़न् एगाङ् खे़ङ्हाॽ मे़त्ते़से़ॽ, ‘यहवे दाङ्बे़ल्ले़ अक्खे पाःत्तुॽ—कन् लाजेॽओबा के़रे़क् मनाहाॽ, दाउदरे़ कुमुइदाङ्सालाम्बा हाङ् के़जोःक्पा हाङ्हाॽ, निङ्वाॽफुसाम्बा यक्याबाहाॽ, माङ्निङ्वाॽपान् के़बाःप्पाहाॽ हे़क्क्याङ् यरुसले़ःम्मोबा के़रे़क् यक्युङ्बाहाॽआङ् आङ्गाॽ आसाक्के़न्निल्ले़ के़दिम्बा खोर्यान् थुङ्घुङ्सिङ्ङाङ् मसुङ्सिङ्ॽ॥
खे़न्छिॽ याक्फाङ्ङोलाम् थिःल्ले़ के़मबा यरिक् मनाहाॽरे़ खुन्छिॽ इक्लान् खे़म्दे़त्ते़॥ खे़न् ये़म्बित्छाहाॽ मुरे़क् खारे़क्पा थेआङ् के़होःप्पादे़न्नोलाम् के़दाबा चागे़राम्बा नु थिःल्ले़ के़मबा मे़जोगे़, खे़ङ्हाॽरे़ खे़न्छिॽ हुक्को हुक्पाःङ्गिहाॽ के़म्वाःत्ते़छि हे़क्क्याङ् खे़न्छिॽ थे़गेःक्हाॽओ साम्म्याङ्फुङ्हाॽ के़म्घुःक्ते़सि॥
Piblisite