यर्मिया 51:6 - लिम्बु6 बेबिलोनलाम् खे़त्तासिम्मे़ॽओ! खिनिॽ आबाङे से़ःप्पासिम्मे़ॽओ! खे़ल्ले़ कुघुम्दिङ्ङो खिनिॽ मे़ध्ये़म्मिन्ने़ॽओ! कङ्ग यहवे दाङ्बे़ल्ले़ कुले़क्वा हुङ्मा ये़म्लो, खे़ल्ले़ खोमा यारुबान् खुने़ॽ नुःक्तु पिरुरो॥ Gade chapit la |
यर्मिया 51:6
29 Referans Kwoze
के़रे़क् पिसाङ्लाम् खे़ल्ले़ कुदक्ले़ङ्वाओ थङ् चोःक्मा इक्लान् लःत्ते़म्मे़ॽओ! ओमे़त्ते़म्मे़ॽ! खुने़ॽ खिनिॽ हुक्को हुक्सुप्सिङ्लो! खे़ल्ले़ कुलुङ्धाक्हाॽ लुःन्दे़आङ् ने़रो॥ कङ्ग यहवे दाङ्बे़ल्ले़ कुले़क्वा नुःक्तुबारो, खे़ल्ले़चोगुल्ले़ खिनिॽ खे़ल्ले़ कुले़क्वा नुःक्ते़म्मे़ॽओ॥ खे़ल्ले़ वेॽहाॽ मे़त्तुसिबा हे़क्केए खिनिॽ खे़न् ताप्फे़ःल्लिक् मे़त्ते़म्मे़ॽओ!
खुने़ॽ सङ्जुम्भोःन् सिङ्सिङ् ये़क्ये़क् पोङ्मा पाङ्घुसि, “कन् कुॽइगे़भे़म्बा मनाहाॽरे़ खुन्छिॽ साःङ्गाहिम्हाॽओलाम् लाःत्लाःत् खे़त्तासिम्मे़ॽ, हे़क्क्याङ् कन्हाॽरे़ खुन्छिॽ थे़माआङ् मे़सुसे़म्मिन्ने़ॽ, मेःन्ने़भग्र कन्हाॽरे़ खुन्छिॽ के़रे़क् लायोल्ले़ चोगुल्ले़ खिनिॽआङ् युम्रे़क् के़मे़गिॽ॥”
हे़क्क्याङ् खे़न् पयम् यम्बा ये़क्यक् बेबिलोनिन् खे़ल्ले़क् पःक्खे़र सुम्सि लक्को हासिङ्लो, हे़क्क्याङ् इक्सादिङ् खाम्बेःक्मोबा काक् लाजेॽबा ये़क्यक्हाॽ थ्यःङ् पोःक्खे़रो॥ बेबिलोनरे़ काक् कुलायोहाॽ निङ्वाॽफुमाङ्ङिल्ले़ इतुआङ् किप्मा के़घुबा कुसाक्के़न्निल्ले़ के़दिम्बा खोर्यालाम् खे़न् थुङ्मा पाङ्घुरो॥
ताभेलाम् के़घे़त्छिबासे़, लाःक्कात् लःन्दे़म्मे़ॽओ! मे़ये़बे़म्मिन्ने़ॽ, हे़क्क्याङ् ओमे़मयिन्ने़ॽओ, खिनिॽ के़सुक्तुम्मिल्ले़ खे़त्तासिम्मे़ॽओ! माःङ्घाबा लाजेॽओ खिनिॽ के़वयिसाङ्, यहवे दाङ्बान् निङ्वाॽ इःत्ते़म्मे़ॽओ, हे़क्क्याङ् यरुसले़ःम्मो के़ने़बा खिनिॽ पाङ्भेॽइन् निङ्वाॽ लिङ्घे़म्मे़ॽओ॥”
आनिगे सुक्तुम्बे़बा हे़क्केःल्ले़ग आनिगे खे़न् फाॽरुम्बे़बा वये़मे़न्लो, कर आल्ल खे़न् थेःल्ले़आङ् से़ःप्मा मे़सुक्तुन्लो॥ खे़न् पेःक्लरो, लाप्फुसे़म्मे़ॽओ॥ आल्ल खे़निॽ आप्फेक् लाजेॽओ नुःक्खे़म्मे़ॽओ॥ थेआङ्भे़ल्ले़ खे़ल्ले़ खोसुबा खुम्दिङ्ङिन् साङ्ग्राम्पेदाङ्ङो थारिक् के़त्लो, कन् साॽरिक् पयम् यम्बा चोक्लो कन् सिःक्मा सुक्मे़दे़त्ने़न्लो॥
बेबिलोनलाम्बा लःन्दे़म्मे़ॽआङ् पेगे़म्मे़ॽओ, बेबिलोनबा मनाहाॽलाम् खे़त्तासिम्मे़ॽओ॥ के़सःप्पा इक्लाःल्ले़ अःक्ताम्मे़ॽर कन् पाःन्निन् उवा चोगे़म्मे़ॽओ॥ इक्सादिङ् खाम्बेःक्माल्ले़ नासमा कुयाओ थारिक् कन् पाःन्निन् चे़क्ताम्सिम्मे़ॽओ॥ “यहवे दाङ्बे़ल्ले़ आबाङे कुसे़वारोबा याकुबे़न् चोःक्युम्भो पिरुआङ् वाॽ” पाःत्ताम्मे़ॽओ॥
थेआङ्भे़ल्ले़ कङ्ग यहवे दाङ्बे़ल्ले़ कुये़न्लो, मुक्साम्दाङ्बा यहवे दाङ्बे़ल्ले़ कुनिङ्मिहाॽरे़ लागि कुले़क्वा नुःक्मा ये़न्लो॥ ताभेःल्ले़ कुसिक् मे़न्जिम्मे थारिक् ओवा, माक्खिल्ले़ मे़म्मए थारिक्, ताभेःल्ले़ खल्ले़ःङ् ले़ःक्खुसिरो! युफ्रेतिस वहःङ्ङिल्ले़ कुयाओबा थाङ्गे़त् पिसाङ्बा लाजेॽओ यहवे दाङ्बा, मुक्साम्दाङ्बा यहवे दाङ्बे़ल्ले़ आइन् वयागे़न् सिदुङ्जभा यारिप् चोगुर याक्लो॥
के़रे़क् मे़न्छाम् सुवाङ्हाॽरे़ खुने़ॽ कुयाःम्बक् मे़जोगुॽ हे़क्क्याङ् खुने़ॽ कुसुवाङ्हाॽरे़ खुन्छिॽ मे़क्मा ये़म्मिन् मे़न्दाए थारिक् खे़ङ्हाॽरे़ खुने़ॽ कुस्सान् नु कुम्मे़न्छाॽइन् याःम्बक् मे़जोगु मे़बिरुसिॽ॥ खे़न् एगाङ् यरिक् सुवाङ्हाॽ नु यम्बयम्बा हाङ्हाॽरे़ बेबिलोने़न् मे़नाःन्दुआङ् खे़प्मो हाङ्युक् मे़जोगुॽ॥
के़मे़ङ्बा निङ्मिहाॽ बेबिलोनरे़ कुदक्ले़ङ्वाओ मे़दारो, के़धुम्बा कुधक्सुबाहाॽ मे़दे़म्सुसिरो, हे़क्क्याङ् खुन्छिॽ फे़जुम्भे़या खजुम्घयाहाॽ खे़ङ्हाॽरे़ खुन्छिॽ हुक्कोए मे़ए़क्खु मे़बिरुसिरो॥ थेआङ्भे़ल्ले़ यहवे दाङ्बा निङ्वाॽफुमाङ्ङिन् साम्योबा खुम्दिङ् के़बिबारो, कुले़क्वाग आभे़ल्ले़साङ् के़रे़क् के़नुःक्पा चोक्लो॥
Piblisite