यर्मिया 51:57 - लिम्बु57 आङ्गाॽ खे़ल्ले़ कुधक्सुबाहाॽ नु कुहाङ्युक्पाहाॽ, कुसुहाङ्युक्पाहाॽनु सोसोरिक् सिक्कुम्साबा कुमनाहाॽ, मसुङ्सिङ्लो॥ खे़ङ्हाॽ मुरुक् खारुक् मिक्युमो मे़धारो हे़क्क्याङ् आप्फाल्ले़आङ् मे़न्छोने़न्लो!” मुक्साम्दाङ्बा यहवे दाङ्बा, हाङ्ङिल्ले़ पाःत्तुरो॥ Gade chapit la |
यर्मिया 51:57
20 Referans Kwoze
खे़न् एगाङ् यहवे दाङ्बे़ल्ले़ आङ्गाॽ अक्खे मे़त्ते़से़ॽ मे़त्ताङ्, “मुक्साम्दाङ्बा यहवे दाङ्बा इस्राइलबा निङ्वाॽफुमाङ्ङिल्ले़ अक्खे पाःत्तुॽ, ‘आङ्गाॽ आसाक्के़न्निल्ले़ के़दिम्बा कन् खोर्यान् थुङे़म्मे़ॽ, मआसिम्मे़ॽ हे़क्क्याङ् पे़से़म्मे़ॽ॥ हे़क्क्याङ् आभे़ल्ले़आङ् पोःक्मा मे़न्छुक्के हाम्ब्रिक् चोःन्दे़म्मे़ॽ॥ आङ्गाॽ खिनिॽ लुम्मो पाङ्घुङ्बा थङ्ङिल्ले़ चोगुल्ले़ हे़क्के पोङ्ॽ॥’
हे़क्क्याङ् खे़ङ्हाॽ खुन्छिॽ के़रे़क् सेॽजःङ्वाःन्नु खुन्छिॽ साॽरिक् सिक्पोःक्काङ् मे़ने़ःल्ले़, आङ्गाॽ वेॽ परिक्पा साभःङ्जा थिक् खे़ङ्हाॽरे़ खुन्छिॽ लागि यारिप् चोगुङ्लो॥ आङ्गाॽ खे़ङ्हाॽ मे़जोःन्नाङ् मे़इम्ल थारिक् मसुङ्सिङ्लो खे़ब्याङ् खे़ङ्हाॽ आप्फाल्ले़आङ् मे़न्छोने़न्लो,” यहवे दाङ्बे़ल्ले़ पाःत्तुआङ् वाॽरो॥
“कर अक्खेलॽरिक् इङ्ले़क् के़जोक्पे़न् साङ्ग्रा माङ्दे थार, खे़न् मनाःल्ले़ आबाङे कुधक्सा लुप्पोबा ताःक्मा सुक्के़दे़प्पा कुम्बाबा थक्सान् तोःम्मारे़ लागि माङ्हुप् चोगुॽ, कर के़गाःम्बा थक्सान् यहवे दाङ्बाओ तोःन्दुॽ॥ थेआङ्भे़ल्ले़ आङ्गाॽ पयम् यम्बा हाङ्आ, हे़क्क्याङ् के़रे़क् मे़न्छाम् सुवाङ्हाॽ आङ्गाॽनु मे़गिआङ् मिङ्सो इङ्धाङ् मे़बिआरो,” मुक्साम्दाङ्बा यहवे दाङ्बे़ल्ले़ पाःत्तुॽ॥
आङ्गाॽ पाःत्तुङ्, “आङ्गाॽग चिःत्ताङ्लक् स्याङ्लो! हे़क्क्याङ् आल्ल आङ्गाॽग मे़गाङ्बा पोःक्खे़ लॽरिक् अःक्ताङ्! थेआङ्भे़ल्ले़ आङ्गाॽग आम्ब्राःल्ले़ आसुत्थो पाःन्हाॽ पाःत्तुङ्, खे़ब्याङ् आसुत्थो पान् के़बाःप्पा मनाहाॽरे़ खुन्छिॽलुम्मो वाॽआ, हे़क्केसाङ् आङ्गाॽ हाङ्हाॽरे़आङ् खुन्छिॽ हाङ् मुक्साम्दाङ्बा यहवे दाङ्बान् आङ्गाॽ निसुङ्ङाङ् वाॽ॥”
आङ्गाॽ इङ्ले़क् माङ्निङ्वाॽपान् के़बाःप्पाहाॽरे़ खुनिॽ मिक्सेःन्निन् कुसुम् मे़न्दम्मनाबा चोगुङ्लो, हे़क्क्याङ् थुम्म्या के़इबाहाॽ अदङ् चोगुसिङ्लो॥ आङ्गाॽ सिक्कुम्साबा मनाहाॽरे़ खुन्छिॽ ने़हिनिङ्वान् खादाःक्पा चोगुङ्लो, खे़ब्याङ् खे़ङ्हाॽ खासिङ् मे़न्निःप्मना मे़बोङ्ल चोगुङ्सिङ्लो॥
खे़न् एगाङ् खे़ङ्हाॽ मे़त्ते़से़ॽ, ‘यहवे दाङ्बे़ल्ले़ अक्खे पाःत्तुॽ—कन् लाजेॽओबा के़रे़क् मनाहाॽ, दाउदरे़ कुमुइदाङ्सालाम्बा हाङ् के़जोःक्पा हाङ्हाॽ, निङ्वाॽफुसाम्बा यक्याबाहाॽ, माङ्निङ्वाॽपान् के़बाःप्पाहाॽ हे़क्क्याङ् यरुसले़ःम्मोबा के़रे़क् यक्युङ्बाहाॽआङ् आङ्गाॽ आसाक्के़न्निल्ले़ के़दिम्बा खोर्यान् थुङ्घुङ्सिङ्ङाङ् मसुङ्सिङ्ॽ॥
Piblisite