किमा यङ्मालाम् इङ्ले़क्को के़ध्ये़रो, के़आङ्दिङ् के़लॽमालाम् वेॽहाॽ के़लिःक्तुसिरो॥ खे़ने़ॽ लुङ्याङ्पेॽ हाङ्यक्को के़युङ्लो हे़क्क्याङ् चन्जन्लुङ् कोःक्मा फाङ्जङ्हाॽ के़युक्तुरो॥ कर खे़ने़ॽ किःत्थहाॽनु सोसोरिक् थे़गु माङ्वाहाॽरे़ कुसम्मो हाप् के़जोगुसाङ्, आङ्गाॽ यो मक्थाःन्ने थाने़रो,” यहवे दाङ्बे़ल्ले़ पाःत्तुआङ् वाॽरो॥
यर्मिया 51:53 - लिम्बु53 बेबिलोने़न् साङ्ग्राम्पेदाङ् यारिक् थाःङ्धाःङ् के़त्छाङ् हे़क्क्याङ् कुयक्हाॽ साॽरिक् के़धुम्बा चोगुसाङ्, खे़न् नाप्मारे़ लागि आल्लसाङ् निङ्मिहाॽ पाङ्घुङ्सिङ्लो॥ आङ्गाॽ यहवे दाङ्बे़ल्ले़ पाःत्तुङ्ङाङ् वाॽरो!” Gade chapit la |
यर्मिया 51:53
29 Referans Kwoze
“इक्सादिङ् खाम्बेःक्मान् के़मे़ङ्बा मुक्साम्बा नाङ्जङ्लुङ्ङे़, ओमे़त्ते़ॽओ! आङ्गाॽ खे़ने़ॽ के़निङ्मिआ,” यहवे दाङ्बे़ल्ले़ पाःत्तुरो॥ “चन्जम्बादे़न्हाॽलाम् यो हिप्मा थामारे़ लागि आङ्गाॽ के़दक्ले़ङ्वाओ आहुक्किल्ले़ साःम्ने़रो॥ आङ्गाॽ मे़ङ्ने़सुःत्ने़आङ्, खे़ने़ॽ थे़माआङ् के़म्बोङ्ने़न्लो कर मिगे़दिक्पाआङ् के़लुम्सिङ्बा कुम्जिक् के़बोङ्लो॥
मुक्साम्दाङ्बा यहवे दाङ्बे़ल्ले़ अक्खे पाःत्तुरो, “बेबिलोनबा के़धुङ्बा लुङ्धाक्हाॽ खाम्बाङ्ङो कुदङ्बा ने़ने़ मे़दङ्घुरो, हे़क्क्याङ् खे़ल्ले़ आत्तातान्ने यम्बा कुलाम्धेःप्पाहाॽ मिमे़धिक्खुरो॥ यरिक् लाजेॽहाॽलाम् हिम् के़जोःक्पाहाॽरे़ मे़जोगुबा खुन्छिॽ याःम्बक्किन् हने़रक् पोङ्लो, थेआङ्भे़ल्ले़ खे़ङ्हाॽरे़ खुन्छिॽ याःम्बक्किन् मिःल्ले़ खाप्पुथ्यःङ् चोगुरो!”
“मरातैमबा मनाहाॽरे़ खुन्छिॽ तक्ले़ङ्वाओ नु पकोदबा मनाहाॽरे़ खुन्छिॽ तक्ले़ङ्वाओ, आङ्गाॽ आधक्सुबासे, खिनिॽ थो पेगे़म्मे़ॽओ॥ आङ्गाॽ खिनिॽ इङ्जाङ् पिनिङ्बा कुइसिक्, खे़ङ्हाॽ नाःत्ते़म्सिम्मे़ॽ, से़रे़म्सिम्मे़ॽओ, खे़म्ब्याङ् खे़ङ्हाॽ खक्पे़त् मे़क्खे़म्सिम्मे़ॽओ,” यहवे दाङ्बे़ल्ले़ पाःत्तुरो॥
के़मे़ङ्बा निङ्मिहाॽ बेबिलोनरे़ कुदक्ले़ङ्वाओ मे़दारो, के़धुम्बा कुधक्सुबाहाॽ मे़दे़म्सुसिरो, हे़क्क्याङ् खुन्छिॽ फे़जुम्भे़या खजुम्घयाहाॽ खे़ङ्हाॽरे़ खुन्छिॽ हुक्कोए मे़ए़क्खु मे़बिरुसिरो॥ थेआङ्भे़ल्ले़ यहवे दाङ्बा निङ्वाॽफुमाङ्ङिन् साम्योबा खुम्दिङ् के़बिबारो, कुले़क्वाग आभे़ल्ले़साङ् के़रे़क् के़नुःक्पा चोक्लो॥
Piblisite