यर्मिया 51:51 - लिम्बु51 मनाहाॽरे़ मे़बाःत्तुॽ, “आनिगे सिरिङ्ममो थ्ये़ॽइगे़रो॥ आनिगे मे़जे़क्खिगे़ हे़क्क्याङ् कुनामे़न्छाॽ मे़मे़त्तिगे़रो थेआङ्भे़ल्ले़ यहवे दाङ्बे़ल्ले़ कुहिम्मिन् वेॽ लाजेॽबा मनाहाॽरे़ आसुत्थो मे़जोगुआङ् युङ्लो॥” Gade chapit la |
यर्मिया 51:51
37 Referans Kwoze
“यहवे दाङ्बा खे़ने़ॽ के़निङ्वाॽफुमाङ्ङिन् आत्तो वाॽबे?” याप्मि के़मे़प्पा आनिङ्मिहाॽरे़ खे़न् मे़निसुरो खे़ब्याङ् खे़ङ्हाॽ साॽरिक् सिरिङ्ममो मे़धारो॥ खे़न् निङ्मिहाॽरे़ तगि आङ्गाॽ किनाःन्दि मे़बिराङ्लो खे़ङ्हाॽ मे़जोःम्बे़न् आमिक्किल्ले़ए निसुरो, आल्लोसाङ् खे़ङ्हाॽ माराम्मोबा ले़ःक्वा हे़क्के लाङ्ङिल्ले़ चिदोॽ चिदोॽ मे़दोॽरुसिरो॥
आङ्गाॽ खिनिॽ सिङ्सेॽ के़धोःक्पा सिङ्बुङ्हाॽ नु खिनिॽ इक्ताप्हाॽओलाम् आत्तातान्ने यरिक् सिङ्सेॽ कुजाहाॽ के़सुप्सुम्ल याःन्निङ्ॽ, हे़क्क्याङ् खिनिॽ लाजेॽओबा साक्वाःन्हाॽरे़ चोगुल्ले़ कब्रिङ् पिसाङ्बा मे़न्छाम् सुवाङ्हाॽरे़ खिनिॽ लाजेन् याम्मो आभे़ल्ले़आङ् कुनामे़न्छाॽ मे़प्मा मे़न्छुक्तुन्ॽ॥
कन् इङ्घङ्ङिन् इस्राइलबा हिम्सयङ्हाॽ मे़त्ते़से़ॽ, ‘मुक्साम्दाङ्बा यहवे दाङ्बे़ल्ले़ अक्खे पाःत्तुॽ—खिनिॽ कम्ब्राङ् मे़प्मालाम् नु खिनिॽ ने़बो पप्मा, खिनिॽ सिक्कुम् निङ्वाॽ सःप्मादे़न्, आङ्गाॽ आहिम्मिन् आसुत्थो चोगुङ्ॽ॥ यहुदाओ के़ले़रुम् के़धाम्सिम्बा खिनिॽ ये़म्बित्छासाहाॽ नु मे़न्छुमा साहाॽ ताभेःल्ले़ मे़से़रुसिॽ॥
यहवे दाङ्बाए, ओमे़त्ते़ॽओ, हे़क्क्याङ् निङ्वाॽ इःत्ते़ॽओ, आदाङ्बारे़ अक्तङ्बा तुक्खे हात् के़जाःत्तुआङ् वाॽबे? थे मे़न्छुमाहाॽरे़ खुन्छिॽ आप्फेक् फक्थुङ्मो मे़ने़स्सुसिबा, खुन्छिॽ आप्फेक् मे़गत्तुसिबा आम्ब्रे़ःङ्वा साहाॽ मे़जसिरबि? निङ्वाॽफुसाम्बाहाॽ नु माङ्निङ्वाॽपान् के़बाःप्पाहाॽ यहवे दाङ्बे़ल्ले़ कुसेसेदे़न्नो मे़स्ये़रुसिरबि?
खे़ने़ॽलाम्बा माःङ्घा इःम्सिङ् पेगाङ्ङाङ् वयाङ्लो कर हाराए खे़ने़ॽओए नुःङ्मा तामा निङ्वाॽ चोगुङ्लो॥ खे़ने़ॽ आङ्गाॽ खुम्दिङ् के़बिराङ्लो हे़क्क्याङ् आये़त्तुक्खेओ आधेगेःक्किन् थुःक्खुङ्लो॥ आङ्गाॽग सिरिङ्ममो नु चाःत्थि पेःक्मो थ्याङ्लो थेआङ्भे़ल्ले़ थाङ्बे़न् वयाङ्ङिल्ले़ लायो चोगुङ्ङाङ् वयाङ्लो॥’
तुम्म्याङ्हाङ्हाॽरे़ खुन्छिॽ से़वारोबाहाॽ च्वाःत् फाःत्छे़ मे़बाङ्घुसिरो॥ खे़ङ्हाॽ च्वाःत् याङ्घोःप्मा वाबाक्को मे़बेःक्लो कर खे़ङ्हाॽरे़ च्वाःत् मे़ङ्घोसुन्लो, खे़ङ्हाॽ कुघाले़म् खप्प्या मे़नुःङ् मे़दारो॥ खे़ङ्हाॽ खुन्छिॽ सक्माबुॽआङ् हाब् मे़ले़क्लो हे़क्क्याङ् खुन्छिॽ नारान् मे़जिक्खुरो॥
खे़ने़ॽ ओम्रिरे़ कुधिम्हाॽ नु आहाबरे़ के़रे़क् कुयाःम्बक्हाॽ खे़ने़ॽ के़इःत्तु के़नाःत्तुआङ् के़वाॽरो, हे़क्क्याङ् खे़ङ्हाॽरे़ खुन्छिॽ साक्थिम्हाॽ खे़ने़ॽ के़दिम्दु के़नाःत्तुआङ् के़वाॽरो॥ कल्ले़चोगुल्ले़ आङ्गाॽ खे़ने़ॽ मे़ङ्ने़रो, हे़क्क्याङ् आङ्गाॽ खे़ने़ॽ के़मनाहाॽ कुनामे़न्छाॽ मे़प्मा चाहाक् चोगुङ्सिङ्लो, आङ्गाॽ आमनाहाॽरे़ कुनामे़न्छाॽ के़म्मे़प्पान् खे़ने़ॽ नासिथःप्मा के़बोङ्बा पोङ्लो॥”
कर यहवे दाङ्बे़ल्ले़ याम्मो थिक्ले़ङ् याकुबरे़ कुमुॽइदाङ्साहाॽ लुङ्माॽ तुक्तुसिरो॥ हे़क्क्याङ् इस्राइलि मे़न्छाम् सुवाङ्हाॽ याम्मो थिक्ले़ङ् खुने़ॽ कुमना पोङ्से़ सेगुसिरो॥ यहवे दाङ्बे़ल्ले़ खे़ङ्हाॽ याम्मो आबाङे खुन्छिॽ लाजेॽओ युङ्से़ तारुसिरो॥ हे़क्क्याङ् यरिक् वेॽ वेॽ लाजेॽहाॽलाम् मनाहाॽ मे़दाआङ् खे़ॽयो मे़भुङ्सिङ्लो हे़क्क्याङ् इस्राइलबा मनाहाॽनु खुन्छिॽ थिक्हुप् मे़बोङ्लो॥
खे़ब्याङ् थाङ्गे़त् पिसाङ्बा, निःत्ताङ् नु माःङ्घा के़युङ्बा के़रे़क् हाङ्हाॽ, थिक्थिक् लॽरिक् आबाङे नु के़रे़क् हाङ्हाॽ इक्सादिङ् खाम्बेःक्मो के़वाॽबा के़रे़क् सुवाङ्हाॽ खे़न् खोर्यान् मे़धुङुर याःन्दुङ्सिङ्॥ के़रे़क्नुःल्ले़ एगाङ् बेबिलोनबा हाङ्ङिल्ले़आङ् आसिक्किल्ले़ के़दिम्बा खे़न् खोर्यान् थुङुॽ॥
Piblisite