खे़न् ये़न्नो यहवे दाङ्बे़ल्ले़ यरुसले़म के़युङ्बाहाॽ ताङ्से़ःप्तुसिॽ, हे़क्क्याङ् खे़ङ्हाॽओ आत्तिन् के़रे़क्नुःल्ले़ मे़न्धुम्मनाबा चोक् खे़न् दाउदे़न् हे़क्तङ्बा पोङ्ॽ, हे़क्क्याङ् दाउदरे़ कुहिम्सयङ्हाॽ निङ्वाॽफुमाङ्ङिन् हे़क्तङ्बा मे़बोङ्ॽ, खे़ब्याङ् खे़ङ्हाॽरे़ खुन्छिॽ तगाङ् तगाङ् के़बेःक्पाहाॽ यहवे दाङ्बे़ल्ले़ कुमाङ्लाइङ्बा कुइसिक् मे़बोङ्लो॥
यर्मिया 51:5 - लिम्बु5 थेआङ्भे़ल्ले़ आङ्गाॽ मुक्साम्दाङ्बा यहवे दाङ्बा इस्राइलबा सेसे निङ्वाॽफुमाङ्ङिल्ले़ आदक्ले़ङ्वाओ इस्राइल नु यहुदाःल्ले़ लायो चोगे़छुआङ् वाॽसिसाङ् आङ्गाॽ खे़ङ्हाॽ लाप्मे़म्भुए कत्तुङ्सिङ्लो॥” Gade chapit la |
यर्मिया 51:5
37 Referans Kwoze
खे़न् ये़न्नो आङ्गाॽ यहुदाबा लाम्लोबाहाॽ यरिक् सिङ्हाॽओबा मिघाङ्ग्रोःक् याङ्मा साङ्ते़रे़ःङ् कुइसिक् नु चाधःङ्माहाॽरे़ कुलुम्मोबा हुरुरु के़दिःप्पा मि हे़क्तङ्बा चोगुङ्सिङ्ॽ॥ खे़ङ्हाॽरे़ काक् पिसाङ्बा, चुप्साङ् नु फे़न्छाङ् ले़प्माङ्बा के़रे़क् मनाहाॽ खाप्पुथ्यःङ् मे़जोगुसिॽ, कर यरुसले़ःम्मिन् आप्फेक् कुयुक्नाओ हाबा युङ्लो॥
इस्राइलिसे, यहवे दाङ्बे़ल्ले़ कुबाःन्जाक्किन् खे़प्से़म्मे़ॽओ, थेआङ्भे़ल्ले़ कन् लाजेॽओ के़युङ्बाहाॽरे़ खुन्छिॽ सम्धाङ् यहवे दाङ्बे़ल्ले़ कुआप्तिक् अक्तङ्बा वाॽरो— “कन् लाजेॽओ कुदोःप्मा नसान् होप्लो, चक्मे़ल्लॽमनाबा लुङ्माॽ तुक्सिङ्मा होप्लो हे़क्क्याङ् निङ्वाॽफुमाङ्ङिल्ले़ कुसिक्कुम् निङ्वान् होप्लो॥
“हे़क्केसाङ् इस्राइलिहाॽ वरःङ्ङिल्ले़ कुयाओबा ये़ःङ्घा यारिक् यरिक् मे़बोङ्ॽ, खे़ङ्हाॽ सिःक्माआङ् सुक्मे़न्दे़त्ने़न् निःप्माआङ् सुक्मे़न्दे़त्ने़न्॥ खे़ङ्हाॽ आत्ति ‘आङ्गाॽ आमनानिङ् मेःन्,’ मे़मे़त्तुसिआङ् वये़, हाबा खे़प्मोए खे़ङ्हाॽ, ‘कुहिङ्वे़त् निङ्वाॽफुमाङ्ङिल्ले़ कुमुॽइदाङ्सानिङ्’ मे़मे़त्तुसिरो॥
खे़ब्याङ् खुने़ॽ आङ्गाॽ मे़त्ताङ्, “इस्राइल नु यहुदाबा मनाहाॽरे़ साॽरिक् पयम् यम्बा लायोहाॽ मे़जोगुआङ् मे़वाॽ॥ मना से़प्मे़ल्ले़ लाजेन् के़रे़क् पिसाङ् सधे़क् तिम्से़आङ् ने़, ये़क्यक्किन् मे़न्वाॽमनाबा खासे़न्लोःम्माल्ले़ कुधिम् पोःक्खे़आङ् ने़॥ खे़ङ्हाॽरे़ मे़बाःत्तुॽ, ‘यहवे दाङ्बे़ल्ले़ कन् मे़निसुन्ॽ॥ यहवे दाङ्बे़ल्ले़ लाजेन् लाप्फुसुआङ् ने़!’
खुने़ॽ सेःन्दोसाङ्, “नासिगे़न् थक्ला के़गप्पा मनाए, खे़ने़ॽ कन् के़निसुबि? के़रे़क् मे़न्छाम् सुवाङ्हाॽ मना से़प्मारे़ लागि लाम्मे़लोसुसिबान्, आङ्गाॽ साॽरिक् कुनामे़न्छाॽ मे़मे़त्ताबान् नु आङ्गाॽ आसाक्के़न् मे़भोक्खुआङ् यहुदाबा मनाहाॽरे़ मे़जोगुबा कन् याम्गे़सिङ्बा लायोहाॽ खुन्छिॽ लागि थे़माआङ् मेःम्बि?
यहवे दाङ्बे़ल्ले़ अक्खे पाःत्तुरो, “आसे़वारोबा याकुबे, खे़ने़ॽ मे़गिसे़न्ने़ॽओ, थेआङ्भे़ल्ले़ आङ्गाॽ खे़ने़ॽनु वाॽआरो॥ आङ्गाॽ खे़ने़ॽ लःत्ने़देने़आङ् के़वाॽबा सुवाङ्हाॽ आङ्गाॽ फुत्लुम् थ्यःङ् तेसुङ्सिङ्लो, कर खे़ने़ॽग फुत्लुम् थ्यःङ् मे़देने़न्लो॥ आङ्गाॽ खे़ने़ॽ हे़न्थिम् याक्ने़रो, कर के़लाॽबा हे़न्थिम् याक्ने़रो, खे़ने़ॽ खुम्दिङ् मे़म्बिए मे़ले़त्ने़न्लो॥”
खे़ल्ले़चोगुल्ले़ मुक्साम्दाङ्बा यहवे दाङ्बे़ल्ले़ खे़न् यरुसले़ःम्मोबा माङ्निङ्वाॽपान् के़बाःप्पाहाॽरे़ खुन्छिॽ याःम्बेओ अक्खे पाःत्तुरो, “आङ्गाॽ खे़ङ्हाॽ चामारे़ लागि साक्खिःक् के़घिःक्पा सुङ्घिःङ्बान् हे़क्क्याङ् थुङ्मारे़लागि निङ्ङिन् पिरुङ्सिङ्लो थेआङ्भे़ल्ले़ खे़ङ्हाॽरे़ के़रे़क् लाजेन् लायोल्ले़ थिम्सुबा मे़जोगुआङ् ने़रो॥”
“‘थेआङ्भे़ल्ले़ कन् मनाहाॽरे़ आङ्गाॽ लाप्मे़भुसाङ्ङाङ् मे़वाॽ हे़क्क्याङ् आप्फेक् नु आबाङे खुन्छिॽ पाधे़बाहाॽरे़ इग्र याम्मो यहुदाबा हाङ्हाॽरे़ कुसिङ् मे़न्निःत्तुन्छिन्बा साम्माङ्हाॽओ सिदुङ्जभा मे़दोन्दुआङ् कन् ते़न्निन् एयाङ्बा साम्माङ्हाॽरे़ खुन्छिॽ माङ्धाःन् मे़जोगुआङ् ने़॥ खे़ङ्हाॽरे़ कन् ते़न्निन् आप्तिक् मेःन्नेबा माक्खिॽइल्ले़ हे़ःत्ताङ्बा मे़जोगुआङ् ने़॥
आनिगे योक् वयिगे़ कर आनिगे खे़न् याक्नाम्मोए योग्बा पोङ्माआङ् वाॽमा याप्मि के़म्बाङ्घे़न्॥ खे़ने़ॽ फारस लाजेॽबा हाङ्हाॽ आनिगे लुङ्माॽ मे़दुक्तिगे़र के़याःन्दुसि हे़क्क्याङ् आनिगे हिङ्मा नु आनिगे के़यम्बा माङ्हिम्मिन् चोःक्माआङ् कॽयो यहुदा नु यरुसले़ःम्मो कम्ब्राङ् खोमा मे़भाःक्तिर के़याःन्दुसि॥
कन्नुःल्ले़ वेॽ यरुसले़ःम्मिन् थिक् कुसुक्पोलाम् वेॽसमा कुसुक्पो थारिक् माक्खिल्ले़ तिम्से़आङ् ने़स्से़र थारिक् मनस्सेःल्ले़ यरिक् कुदोःप्मा मनाहाॽरे़ खुन्छिॽ माक्खिॽ से़सुआङ् वये़॥ हे़क्क्याङ् खुने़ॽ यहुदान् लायो चोःक्मा पाङ्घुआङ् वये़, खम्भ्याङ् खे़ङ्हाॽरे़ यहवे दाङ्बे़ल्ले़ कुनिमो आत्तिन् पाःन्निन् ताप्फे़ःम्बा चोक्, हाबा खे़न्ने मे़जोगु॥
थेआङ् खे़ने़ॽ के़नाक्पा के़बेःक्पा मना कुइसिक् के़बोःक्खे़बाबे? इग्र याप्मि फाॽमा मे़न्छुक्मनाबा मुक्के़गुबा थक्सुबा कुसिङ् थेआङ् के़बोःक्खे़बाबे? यहवे दाङ्बाए, खे़ने़ॽ से़क्खासाङ् आनिगे लुम्मो के़वाॽरो॥ आनिगे़ग खे़ने़ॽ के़मिङ् के़दक्पासिगे़ फाॽआङ् मे़निसिगे़रो, आनिगे याप्मि आन्नाॽरे़न्ने़ॽओ॥”
यहवे दाङ्बाए, थे खे़ने़ॽ यहुदान् से़क्खाए के़नाॽरुबि? थे खे़ने़ॽ सियोनबा यक्युङ्बाहाॽ हिलाप्फु के़इःत्तुसिबि? थेआङ् वेःप्मा मे़न्छुक्के थारिक् खे़ने़ॽ आनिगे याप्मि के़घाःन्दे़बाबे? आनिगे सनारुङ् कोःत्तुम्बे़आङ् वयिगे़रो कर नुबा पान् थेआङ् मे़घोसुम्बे़न्लो॥ वेःप्मा ये़म्मिन् निङ्साङ् चोगुम्बे़आङ् वयिगे़रो कर किमा यङ्मारक् आनिगे तक्क्रुम्बो इरे़द्ये़रो॥
Piblisite