साङ्ग्राम्पेदाङ्ङो के़वाॽबासे, खे़न् मे़गे़बाओ सःत्ते़म्मे़ॽओ! निङ्वाॽफुमाङ्ङिल्ले़ सेसे कुमनाहाॽ, सेःक्युक्मिबाहाॽ हे़क्क्याङ् माङ्निङ्वाॽपान् के़बाःप्पासे, सःत्ते़म्मे़ॽओ! थेआङ्भे़ल्ले़ खिनिॽ निङ्घुम् के़मे़त्तिबाल्ले़ चोगुल्ले़ निङ्वाॽफुमाङ्ङिल्ले़ खे़न् खुम्दिङ् पिरुआङ् वाॽरो॥”
यर्मिया 51:48 - लिम्बु48 खे़ब्याङ् साङ्ग्राम्पेदाङ् नु इक्सादिङ् खाम्बेःक्मो के़वाॽबा के़रे़क् पाःन्हाॽ मे़सःत्लो, थेआङ्भे़ल्ले़ थाङ्गे़त् पिसाङ्लाम् बेबिलोने़न् के़मे़ङ्बा थक्सुबाहाॽ मे़युरो,” यहवे दाङ्बे़ल्ले़ पाःत्तुरो॥ Gade chapit la |
यर्मिया 51:48
15 Referans Kwoze
ताङ्साङ्बे, सःत्ते़ॽआङ् साम्लोरे़ॽओ, थेआङ्भे़ल्ले़ यहवे दाङ्बे़ल्ले़ हे़क्के चोगुआङ् वाॽरो॥ इक्सादिङ् खाम्बेःक्माए, यम्बा इक्लाओ अःक्ते़ॽओ, थे़गुसे, ताम्भुङ् नु खे़ॽयोबा के़रे़क् सिङ्बुङ्से, खे़म्गे़दे़प्पा इक्लाओ साम्लोरे़म्मे़ॽओ, थेआङ्भे़ल्ले़ यहवे दाङ्बे़ल्ले़ कुमे़ल्लुङ् हुङुआङ् याकुबे़न् थे़ॽरुआङ् वाॽरो, खुने़ॽ आबाङे इस्राइलओ कुमिमिदिङ्ङिन् ओःन्धाक्तुसिॽरो॥
ताङ्साङ्बे, सःत्ते़ॽआङ् यम्बा इक्लाओ साम्लोरे़ॽओ, इक्सादिङ् खाम्बेःक्के, ये़ये़ लॽरे़ॽओ॥ कोःक्मा फाङ्जङ्से, खे़निॽ इक्लान् लःत्ते़म्मे़ॽआङ् साम्लोरे़म्मे़ॽओ! थेआङ्भे़ल्ले़ यहवे दाङ्बे़ल्ले़ आबाङे कुमना इस्राइलिहाॽ आःन्छिङ्मा पिरुसिआङ् वाॽरो, हे़क्क्याङ् तुक्खे के़दुम्बा खुने़ॽ कुमनाहाॽ लुङ्माॽ तुक्तुसिआङ् मे़वाॽरो॥
बेबिलोनलाम्बा लःन्दे़म्मे़ॽआङ् पेगे़म्मे़ॽओ, बेबिलोनबा मनाहाॽलाम् खे़त्तासिम्मे़ॽओ॥ के़सःप्पा इक्लाःल्ले़ अःक्ताम्मे़ॽर कन् पाःन्निन् उवा चोगे़म्मे़ॽओ॥ इक्सादिङ् खाम्बेःक्माल्ले़ नासमा कुयाओ थारिक् कन् पाःन्निन् चे़क्ताम्सिम्मे़ॽओ॥ “यहवे दाङ्बे़ल्ले़ आबाङे कुसे़वारोबा याकुबे़न् चोःक्युम्भो पिरुआङ् वाॽ” पाःत्ताम्मे़ॽओ॥
थेआङ्भे़ल्ले़ थाङ्गे़त् ले़प्माङ्लाम् यम्बा सुवाङ्बा थक्सुबाहाॽ फोःक्खुङ्सिङ्ल पत्तारो॥ बेबिलोने़न् फप्मारे़ लागि थक्सुबाहाॽओ खे़ङ्हाॽ मे़भुङ्सिङ्लो॥ हे़क्क्याङ् खे़न् लाजेन् हुक्को मे़धासुरो॥ निङ्मिहाॽरे़ खुन्छिॽ तोःङ्हाॽ कुदोःप्मा पेःक्लो, खे़ङ्हाॽरे़ मे़सोःक्तुबान् मे़न्याङ्ङे मे़न्आबुन्लो!
के़मे़ङ्बा निङ्मिहाॽ बेबिलोनरे़ कुदक्ले़ङ्वाओ मे़दारो, के़धुम्बा कुधक्सुबाहाॽ मे़दे़म्सुसिरो, हे़क्क्याङ् खुन्छिॽ फे़जुम्भे़या खजुम्घयाहाॽ खे़ङ्हाॽरे़ खुन्छिॽ हुक्कोए मे़ए़क्खु मे़बिरुसिरो॥ थेआङ्भे़ल्ले़ यहवे दाङ्बा निङ्वाॽफुमाङ्ङिन् साम्योबा खुम्दिङ् के़बिबारो, कुले़क्वाग आभे़ल्ले़साङ् के़रे़क् के़नुःक्पा चोक्लो॥
Piblisite