“आङ्गाॽ मिस्रबा मनाहाॽरे़ खुन्छिॽ तक्ले़ङ्वाओ मिस्रबा मनाहाॽए हुसुङ्सिङ् पक्सुङ्सिङ्लो॥ फुॽनुसाॽहाॽ खुन्छिॽ आबाङे फुॽनुसाॽहाॽनुए मे़घे मे़धक्लो, हिम्बेसाङ्बाहाॽ आबाङे खुन्छिॽ हिम्बेसाबाहाॽनुए मे़दन्छिङ्लो, ये़क्यक्को के़युङ्बाहाॽ आबाङे खुन्छिॽ ये़क्यक्को के़युङ्बाहाॽनु मे़घे मे़जुङ्लो, हे़क्क्याङ् हाङ्जुम्हाॽ हाङ्जुम्हाॽनुए मे़धक्लो॥
यर्मिया 51:46 - लिम्बु46 कर खिनिॽ यङ्मा मे़स्ये़म्मिन्ने़ॽओ, थक्सुबाहाॽ निःत्ताङ् मे़गे़रे़ के़लॽबा थिक्सिगेक्पा हयङ् किल्लिङ्बा इङ्घङ्ङिन् के़घे़प्सुम्मिल्ले़ मे़गिसे़म्मिन्ने़ॽओ॥ थेआङ्भे़ल्ले़ हयङ् किल्लिङ्बा इङ्घङ्हाॽ तङ्बेधक्मा तारो॥ लाम्लोबाहाॽ थिक्किन् वेॽइल्ले़ कुदक्ले़ङ्वाओ ते़न्धङ् मे़जोःक्किल्ले़ खेमा थक्मा से़त्छिङ्मारे़ लाजेन् पःङ्लो॥ Gade chapit la |
यर्मिया 51:46
16 Referans Kwoze
सेइर कोःक्मालाम् के़भे़म्बा मनाहाॽरे़ खुन्छिॽ तक्ले़ङ्वाओ खे़ङ्हाॽ युम्रे़क् तेमासि नु मे़ङ्मासिरे़ लागि अम्मोनि नु मोआबिहाॽ मे़बोगे़॥ आल्ल खे़ङ्हाॽरे़ सेइर कोःक्मालाम् के़भे़म्बा मनाहाॽ मे़मे़क्खु मे़सुरुसि, खे़ब्याङ् खुन्छिॽ आप्फेक् लुम्मो मे़हिसिङ्ङाङ् इमे़न्नि खामे़न्नि मे़से़त्छिङ्॥
खे़न् किप् सुम्सि मनाहाॽरे़ खुन्छिॽ आप्फेक् आप्फेक् सादाङ्हाॽ मे़मुःत्तुल्ले़, यहवे दाङ्बे़ल्ले़ थक्सुबा ने़त्ना साःङ्गाहिम् कुले़ःम् थिक्किन् वेॽइल्ले़ कुदक्ले़ङ्वाओ फोःक्खुसि॥ खे़ब्याङ् मिध्यानि थक्सुबाहाॽ ससेराबा बेथ-सित्ताओ तब्बातरे़ कुयाओबा हाबिल-महोलाबा इःन्दोओ थारिक् मे़घे़त्छिङ्॥
“कर आसे़वारोबा, याकुबे, मे़गिसे़न्ने़ॽओ, इस्राइलए, निङ्साङ्ङो मे़ध्ये़न्ने़ॽओ॥ थेआङ्भे़ल्ले़ माःङ्घाबा लाजेॽलाम् आङ्गाॽ याम्मो हिम्मो ताःत्ने़रो, हे़क्क्याङ् के़स्साहाॽ मे़दे़म्सु मे़देॽरुसिबालाम् याम्मो मे़नुःङ्लो॥ इस्राइले़न् सनारुङ् नु नुॽमा तामाओ नुःङ्लो, खे़ब्याङ् खे़ङ्हाॽ आत्तिल्ले़आङ् यङ्मा मे़से़रुसिन्लो॥”
यहवे दाङ्बे़ल्ले़ अक्खे पाःत्तुरो, “आसे़वारोबा याकुबे, खे़ने़ॽ मे़गिसे़न्ने़ॽओ, थेआङ्भे़ल्ले़ आङ्गाॽ खे़ने़ॽनु वाॽआरो॥ आङ्गाॽ खे़ने़ॽ लःत्ने़देने़आङ् के़वाॽबा सुवाङ्हाॽ आङ्गाॽ फुत्लुम् थ्यःङ् तेसुङ्सिङ्लो, कर खे़ने़ॽग फुत्लुम् थ्यःङ् मे़देने़न्लो॥ आङ्गाॽ खे़ने़ॽ हे़न्थिम् याक्ने़रो, कर के़लाॽबा हे़न्थिम् याक्ने़रो, खे़ने़ॽ खुम्दिङ् मे़म्बिए मे़ले़त्ने़न्लो॥”
Piblisite