मुक्साम्दाङ्बा यहवे दाङ्बे़ल्ले़ अक्खे पाःत्तुरो, “बेबिलोनबा के़धुङ्बा लुङ्धाक्हाॽ खाम्बाङ्ङो कुदङ्बा ने़ने़ मे़दङ्घुरो, हे़क्क्याङ् खे़ल्ले़ आत्तातान्ने यम्बा कुलाम्धेःप्पाहाॽ मिमे़धिक्खुरो॥ यरिक् लाजेॽहाॽलाम् हिम् के़जोःक्पाहाॽरे़ मे़जोगुबा खुन्छिॽ याःम्बक्किन् हने़रक् पोङ्लो, थेआङ्भे़ल्ले़ खे़ङ्हाॽरे़ खुन्छिॽ याःम्बक्किन् मिःल्ले़ खाप्पुथ्यःङ् चोगुरो!”
यर्मिया 51:44 - लिम्बु44 हे़क्क्याङ् बेबिलोनबा बेल माङ्ङिन् खुम्दिङ् पिरुङ्लो खे़ब्याङ् खे़ल्ले़ चबा के़रे़क् पे़सुर याःन्दुङ्लो॥ आल्लआङ्धो मे़न्छाम् सुवाङ्हाॽ मे़न्दाने़न्लो हे़क्क्याङ् खे़न् से़वा मे़म्मे़त्तुन्लो॥ बेबिलोनबा लुङ्धाक्हाॽ लुःन्दे़आङ् ने़रो! Gade chapit la |
यर्मिया 51:44
24 Referans Kwoze
“बेबिलोनबा हाङ् नबुकदनेसररे़ चदेसिगे़आङ् वाॽरो हे़क्क्याङ् आनिगे चिधक् चिधक् थगिगे़आङ् आनिगे थुम्मिन् लःत्तुदेसुआङ् वाॽरो॥ यम्बा आजाजाबे़ल्ले़ हे़क्के खुने़ॽ लरिगे़देसिगे़आङ् वाॽरो खे़ब्याङ् खुने़ॽ कुसाप्पोःक्किन् आनिगे याङ्साकुन्धेःल्ले़ थिम्सुआङ् वाॽरो॥ आनिगे आबाङे लाजेॽलाम् खुने़ॽ लाःक्कात् लाप्फुसिगे़आङ् वयिगे़रो,”
यहवे दाङ्बे़ल्ले़ अक्खे पाःत्तुरो, “इक्सादिङ् खाम्बेःक्मोबा के़रे़क् सुवाङ्हाॽ खे़ने़ॽ कन् इङ्घङ्ङिन् मे़त्ते़से़ॽओ, हे़क्क्याङ् थे़मा पाःन्निन्नाङ् मे़माॽरे़न्ने़ॽओ॥ बेबिलोने़न् हुक्काप् पोङ्ॽ फाॽआङ् के़रे़क् मनाहाॽ मे़प्मासिरे़ लागि मिक्सेन् पिमा निसान ये़प्से़ॽओ! खे़ल्ले़ कुजइःत्हाॽ नु नावाइत्लाहाॽ कुम्जिक्मा मे़बोङ्लो॥ खे़ल्ले़ कुमाङ् बेल नु मरोदकहाॽ साॽरिक् कुनामे़न्छाॽ मे़बोङ्लो॥
के़दाबा ये़म्मो यहवे दाङ्बे़ल्ले़ कुहिम् युङ्सिङ्बा यरुसले़म ये़क्यक्किन् इक्सादिङ् खाम्बेःक्को के़रे़क्नुःल्ले़ के़ये़क्पा पोङ्लो॥ इक्सादिङ् खाम्बेःक्मोबा के़रे़क् पिसाङ्बा कोःक्मा फाङ्जङ् थे़गु माङ्वाहाॽनुःल्ले़ खे़न् साॽरिक् के़ये़क्पा पोङ्लो, हे़क्क्याङ् के़रे़क् मे़न्छाम् याप्मिहाॽ खे़ॽयो माङ्से़वा चोःक्से़ मे़जुम् मे़दारो॥
खुने़ॽ खे़न् यम्बा ताक्फा पिरुबाल्ले़ चोगुल्ले़ मे़न्छाम् याप्मिहाॽ, मे़न्छाम् सुवाङ्हाॽ हे़क्क्याङ् वेॽ वेॽ पाःन्दाङ् के़बाःप्पाहाॽरे़ खुने़ॽ मे़गिरुआङ् मे़यक्खे़॥ हाङ्ङिल्ले़ आत्तिन् से़प्मा निङ्वाॽ चोगु, खे़न् से़रु हे़क्क्याङ् आत्तिन् ताङ्मा निङ्वाॽ चोगु, खे़न् ताङ्घु, आत्तिन् यम्बा चोःक्मा निङ्वाॽ चोगु, खे़न् यम्बा चोगु, खम्भ्याङ् आत्तिन् चुक्पा चोःक्मा निङ्वाॽ चोगु, खे़न् चुक्पा चोगु॥
पयम् हाङ्ङे, खे़न् सिङ्बुङ्ङिन्ग आदाङ्बा खे़ने़ॽएरो॥ आदाङ्बा पयम् यम्बा नु मुक्साम्साबा के़बोक्खे़आङ् के़वाॽ, आदाङ्बा पयम् यम्बा के़बोक्खे़बान् पोरे़आङ् ताङ्साक्पो थारिक्के के़गे़रे़आङ् वाॽ, खम्भ्याङ् आदाङ्बारे़ के़युक्किन् इक्सादिङ् खाम्बेःक्माल्ले़ नासमा कुयाओ थारिक्के वाॽ॥
कल्ले़चोगुल्ले़ आङ्गाॽ कन् पाःन्निन् उवा चोगुङ्ल पत्ता, आत्तिन् सुवाङ्हाॽरे़ इग्र आत्तिन् पाःन्दाङ् के़बाःप्पा मनाहाॽरे़ सद्रक, मेसक नु अबेद्नगोरे़ खुन्छिॽ निङ्वाॽफुमाङ्ङिल्ले़ कुदक्ले़ङ्वाओ कुभा पान् मे़बाःत्तुने़भग्र, खे़ङ्हाॽ कुजक्ता कुले़म्दा मे़बोङ्ल च्ये़प्मासि पोङ्ॽ हे़क्क्याङ् खे़ङ्हाॽरे़ खुन्छिॽ हिम्धाःङ्हाॽ खाप्पुथ्यःङ् चोःक्मा पोङ्ॽ, थेआङ्भे़ल्ले़ अक्खेलॽरिक् वेॽ आत्तिन् माङ्ङिल्ले़आङ् ताङ्से़ःप्मा आन्छुक्ने़न्॥”
के़रे़क् पिसाङ्लाम् खे़ल्ले़ कुदक्ले़ङ्वाओ थङ् चोःक्मा इक्लान् लःत्ते़म्मे़ॽओ! ओमे़त्ते़म्मे़ॽ! खुने़ॽ खिनिॽ हुक्को हुक्सुप्सिङ्लो! खे़ल्ले़ कुलुङ्धाक्हाॽ लुःन्दे़आङ् ने़रो॥ कङ्ग यहवे दाङ्बे़ल्ले़ कुले़क्वा नुःक्तुबारो, खे़ल्ले़चोगुल्ले़ खिनिॽ खे़ल्ले़ कुले़क्वा नुःक्ते़म्मे़ॽओ॥ खे़ल्ले़ वेॽहाॽ मे़त्तुसिबा हे़क्केए खिनिॽ खे़न् ताप्फे़ःल्लिक् मे़त्ते़म्मे़ॽओ!
ओमे़त्ते़म्मे़ॽ, कुगाप्थिक् अन्ले़ उःङ्सुबा लत्छा लाधासम्धाङ् लत्छा मनाधिक् फे़न्ल पत्लो॥ हे़क्क्याङ् नुगप् पिरुसिर पाःत्तुरो, ‘बेबिलोन ये़क्यक्किन् खाप्पुथ्यःङ् पोःक्खे़रो, खाप्पुथ्यःङ् पोःक्खे़रो, खे़ब्याङ् खे़ॽयो मे़लक्तु मे़घोःन्दुआङ् मे़जोगुसिबा के़रे़क् माङ् नावाइत्लाहाॽ फल्लक् वरक् मे़ए़क्खुसिआङ् खाम्बाङ्ङो मे़गे़ङे़आङ् मे़ने़रो॥’”
Piblisite