यर्मिया 51:38 - लिम्‍बु

³⁸ के़धुम्‍बा खिरिङ्‌बाहाॽ कुइसिक् खे़ल्‍ले़ कुमनाहाॽ सोरिक् हागाःक् हागाःक् मे़लॽरो॥ खिरिङ्‌बाल्‍ले़ कुस्‍साहाॽ हे़क्‍के खे़ङ्‌हाॽ ङ्‌यार्र ङ्‌यार्र मे़लॽरो॥

यर्मिया 51:38 Referans Kwoze

यर्मिया 2:15

खे़ङ्‌हाॽ खुने़ॽ कुसम्‍धाङ् खिरिङ्‌बान् हे़क्‍के मे़हुःक्‍काङ् मे़वाॽरो हे़क्‍क्‍याङ् खे़ल्‍ले़ लाजेन् चिजि खक्‍खक् पोःक्‍खे़आङ् वाॽरो॥ खे़ल्‍ले़ कुये़क्‌यक्‍हाॽ खाप्‍पुथ्‍यःङ् मे़जोगुरो हे़क्‍क्‍याङ् मे़नाॽरुआङ् ने़रो॥

जकरिया 11:3

मे़ल्‍लुक्‍कम्‍बाहाॽ मे़रिङ् मे़धक्‍पान् खे़प्‍से़म्‍मे़ॽओ, खुन्‍छिॽ पनुनुबा थक्‍सा चाराम्‍मादे़न्‍निन् मे़मे़क्‍खुआङ् ने़रो! खिरिङ्‌बाहाॽ मे़हुःक्‍पे़न् खिनिॽ खे़प्‍से़म्‍मे़ॽओ, थेआङ्‌भे़ल्‍ले़ यर्दनबा सरेःक्‌याःप्‍पा ताम्‍भुङ्‌ङिन् थ्‍यःङ् पोःक्‍खे़आङ् ने़रो!

यसैया 35:9

खे़ॽयो केबाहाॽ मे़होप्‍लो, हे़क्‍क्‍याङ् खे़ॽयोलाम् आजाजाबा थक्‍सा थेआङ् लाङ्‌मे़ङ्‌घेःक्‍ने़न्॥ खे़न् थक्‍साहाॽ खे़ॽयो खोमे़न्‍दे़त्‍ने़न्‍लो, कर थे़ॽमनासिबाहाॽरक् खे़ॽयोलाम्‍बा लाङ्‌मे़घेःक्‍लो॥

निङ्‌वाॽफु साम्‍लोसुम् 58:6

निङ्‌वाॽफुमाङ्‌ङे, खे़ङ्‌हाॽ मे़न्‍धुम्‍मनाबा चोगे़से़ॽओ, यहवे दाङ्‌बाए खे़ङ्‌हाॽ कुहा के़लुःक्‍पा खिरिङ्‌बाहाॽ हे़क्‍तङ्‌बा चोगे़से़ॽओ॥

निङ्‌वाॽफु साम्‍लोसुम् 34:10

के़धुम्‍बा केबाहाॽ साक्‍मे़न्‍जा पोङ्‌मा मे़सुक्‍लो, कर यहवे दाङ्‌बान् के़गोःप्‍पाहाॽग आक्‍तङ्‌बा नुबा पाःन्‍हाॽ खोमा के़बोङ्‌बा वाॽसाङ् के़साक्‍पो मे़न्‍धाने़न्‍लो॥

खासे़न्‍लोःम्‍बा 16:20

खे़ब्‍याङ् खुने़ॽ अःक्‍ते़आङ् मे़त्तु, “सिमसोने, पलिस्‍तिहाॽरे़ खे़ने़ॽ के़म्‍भत्ते़ के़म्‍दारे़रो!” खुने़ॽ तादाप् सोरे़आङ् पाःत्तु, “आङ्‌गाॽ तगि हे़क्‍केए आधक्‍के़न् हिल्‍लिक् हिल्‍लिक् हिक्‍सुङ्‌ङाङ् पेःक्‍का॥” कर निङ्‌वाॽफुमाङ्‌ङिल्‍ले़ नाॽरुआङ् वाॽ फाॽआङ् खुने़ॽ निङ्‌वाॽ मे़ङ्‌घोए वये़॥

२ सामुए़ल 17:8

हुसैःल्‍ले़ आल्‍लसाङ् मे़त्तु, “खे़ने़ॽ के़म्‍बा हे़क्‍क्‍याङ् खुने़ॽनु के़वाॽबाहाॽ थङ् चोःक्‍मा के़धुम्‍बा मे़वाॽ, हे़क्‍क्‍याङ् कुस्‍सा नाप्‍नाबा ताम्‍भुङ्‌मोबा माःक्‌युबा कुइसिक् मे़बोःक्‍खे़आङ् मे़वाॽ॥ के़म्‍बारे़ थङ् चोःक्‍मा साॽरिक् ले़स्‍सुॽ, खुने़ॽ थक्‍सुबाहाॽनु से़न्‍दिक् मे़वाॽने़न्॥

यसैया 5:29

खे़ङ्‌हाॽ मे़अःक्‍के़ल्‍ले़ केबे़न् हुःक्‍पा कुइसिक् लॽरो, हे़क्‍क्‍याङ् खे़ङ्‌हाॽ के़वे़म्‍बा केबे़न् हे़क्‍के मे़हुःक्‍लो॥ खे़ङ्‌हाॽरे़ सान् मे़दे़म्‍सुल्‍ले़ हागाःक् हागाःक् मे़लॽरो, खे़ब्‍याङ् खे़न् सान् खे़ङ्‌हाॽलाम् के़नाप्‍पा हाःत्ताङ् होप्‍लो॥