यर्मिया 51:34 - लिम्बु34 “बेबिलोनबा हाङ् नबुकदनेसररे़ चदेसिगे़आङ् वाॽरो हे़क्क्याङ् आनिगे चिधक् चिधक् थगिगे़आङ् आनिगे थुम्मिन् लःत्तुदेसुआङ् वाॽरो॥ यम्बा आजाजाबे़ल्ले़ हे़क्के खुने़ॽ लरिगे़देसिगे़आङ् वाॽरो खे़ब्याङ् खुने़ॽ कुसाप्पोःक्किन् आनिगे याङ्साकुन्धेःल्ले़ थिम्सुआङ् वाॽरो॥ आनिगे आबाङे लाजेॽलाम् खुने़ॽ लाःक्कात् लाप्फुसिगे़आङ् वयिगे़रो,” Gade chapit la |
यर्मिया 51:34
21 Referans Kwoze
“खिनिॽ कुनिङ्वाॽ के़जिःप्पा साम्योथिम्साम्बाहाॽ नु फरिसिसे, के़जिःत्ति के़स्ये़ॽइरो! साङ्ग्राम्पेदाङ्बा हाङ्जुम्मिल्ले़ कुलाम्मिन् वेॽ मनाहाॽरे़ लागि के़साक्तुम्माङ् के़वयिॽरो, हे़क्क्याङ् आबाङेआङ् खे़प्मो खिनिॽ के़न्लासिन् हे़क्क्याङ् लाःप्मा के़गोःप्पा वेॽ मनाहाॽआङ् लाःप्मा के़म्बाङ्घुम्सिम्मिन्लो॥
आयाक्को मनाहाॽरे़ थिक्ले़ङ् सधे़क् मे़धिम्सुआङ् के़ने़बा ये़क्यक्किन्, आल्ल आभेलॽरिक् चिजि खक्खक् पोःक्खे़आङ् ने़बे! खे़ङ्ग मेमेदुमा हे़क्तङ्मा पोःक्खे़आङ् ने़रो, खे़न् थिक्ले़ङ् मे़न्छाम् सुवाङ्हाॽओ पयम् यम्मा हे़क्क्याङ् ते़ङ्गप्हाॽओ हाङ्सामा हे़क्तङ्मा ने़स्से़रो, आल्ल खे़न् योःग्माओ के़धामा ये़क्यक् पोःक्खे़आङ् ने़रो॥
खे़ङ्हाॽ के़दुम्बा के़रे़क्ले़ खे़ङ्हाॽ मे़लरुसिरो॥ खे़ङ्हाॽरे़ खुन्छिॽ निङ्मिहाॽरे़ अक्खे मे़बाःत्तुरो, ‘आनिगे खे़ङ्हाॽ फत्तुम्सिम्बे़बाओ हे़न्नाङ् फे़न् याःम्बक् चोगुम्बे़बा होप्लो, थेआङ्भे़ल्ले़ खे़ङ्हाॽरे़ से़क्खाबा खुन्छिॽ नाःम्सिङ्मादे़न्, यहवे दाङ्बे़ल्ले़ कुदक्ले़ङ्वाओ, हे़क्क्याङ् खुन्छिॽ थाःक्थे़बाहाॽरे़ खुन्छिॽ निङ्साङ्ङिल्ले़ तक्ले़ङ्वाओ खे़ङ्हाॽरे़ लायो मे़जोगुआङ् वाॽरो॥’
कर कन्हाॽग लत्छा अक्तङ्बा सुवाङ्सिरो, खे़ङ्हाॽ इङ्ले़क्को मे़ध्ये़आङ् मे़नाप्तुसिआङ् मे़वाॽरो॥ खे़ङ्हाॽ के़रे़क् लुम्बाःत्तो मे़ध्ये़आङ् मे़याक्लो इग्र पुङ्लाहिम्मो साक्पा मे़ध्ये़आङ् मे़याक्लो॥ खे़ङ्हाॽ मे़नाप्तुसिआङ् के़नाङ्बा के़धेःक्पा हाःत्ताङ् होप्लो, खे़ङ्हाॽ मे़नाप्तु मे़देॽरुसिबा याङ्साकुन्धेहाॽ नुःक्ताम् पिराम्सिम्मे़ॽ के़लॽबा हाःत्ताङ् होप्लो॥
Piblisite