Biblia Todo Logo
Bib sou entènèt

- Piblisite -




यर्मिया 51:30 - लिम्‍बु

30 खे़ल्‍ले़ मुक्‍कुम्‍बा कुधक्‍सुबाहाॽ याम्‍मो थङ् मे़न्‍जोःक्‍ने़न्‍लो॥ खे़ङ्‌हाॽ थक्‍सुबा यक्‍हाॽओ मे़युङ् मे़गन्‍लो, खे़ङ्‌हाॽरे़ खुन्‍छिॽ आःन्‍छिङ्‌मान् मये़बेरो॥ खे़ङ्‌हाॽ मे़न्‍छुमा हे़क्‍तङ्‌मा मे़बोःक्‍खे़आङ् मे़वाॽरो॥ लाजेॽ के़लिबाहाॽरे़ हिम्‍हाॽ मिमे़धिक्‍खुआङ् ने़रो हे़क्‍क्‍याङ् ये़क्‌यक्‍कोबा पयम् लाम्‍धेःप्‍पाहाॽ मे़लुःन्‍दुरो॥

Gade chapit la Kopi




यर्मिया 51:30
16 Referans Kwoze  

खे़ने़ॽ के़धक्‍सुबाहाॽ ओमे़त्ते़से़ॽओ, खे़ङ्‌हाॽ के़रे़क् मे़न्‍छुमारक् मे़वाॽरो॥ खे़ने़ॽ के़लाजेॽओबा यम्‍बा लाम्‍धेःत्‍हाॽग खे़ने़ॽ के़निङ्‌मिहाॽरे़ लागि हङ्‌बे़त् पत्‍लो, खे़ल्‍ले़ कुए़प्‍माहाॽग मिःल्‍ले़ थ्‍यःङ् चोगुआङ् पत्‍लो॥


यम्‍बा लाम्‍धेःत्‍हाॽ खाम्‍बाङ्‌ङो निमे़रो, खुने़ॽ खे़ल्‍ले़ कुए़प्‍माहाॽ यसुआङ् कुम्‍जिक्‍मा चोगुरो॥ हाङ्‌ङिन् नु लाम्‍लोबाहाॽ वेॽ मे़न्‍छाम् सुवाङ्‌हाॽरे़ खुन्‍छिॽ लुम्‍मो लाजेॽलाम् मे़लःत्तु मे़देॽरुसिआङ् मे़वाॽरो, हे़क्‍क्‍याङ् साम्‌योथिम् इङ्‌जाङ्‌ङिन् मे़न्‍हुॽरुन्‍सिन्‍लो॥ खे़ब्‍याङ् खे़ल्‍ले़ कुमाङ्‌निङ्‌वाॽपान् के़बाःप्‍पाहाॽरे़आङ् यहवे दाङ्‌बे़न्‍लाम् थे़माआङ् सुफो मे़ङ्‌घोसुन्‍लो॥


खे़न् ये़म्‍मिन् ताःल्‍ले़ मिस्रबा मनाहाॽ ताङ्‌से़ःप्‍मा मे़न्‍छुक्‍सिङ्‌मनामा मे़न्‍छुमा हे़क्‍तङ्‌मा मे़बोङ्॥ मुक्‍साम्‍दाङ्‌बा यहवे दाङ्‌बे़ल्‍ले़ खे़ङ्‌हाॽ खुम्‍दिङ् पिमासिरे़ लागि कुहुक्‍किन् सन्‍छुआङ् पत्, खे़ङ्‌हाॽरे़ खे़न् मे़निसुआङ् किमे़ल्‍ले़ चिरिम्‍लिम्‍ना मे़यङ्॥


कुगिमा कुयङ्‌मा के़होप्‍पा थक्‍सुबाहाॽ मे़नाप्‍तुसिरो, खे़ङ्‌हाॽ के़सिबा कुइसिक् मुरुक्‍खुरुक् मे़इप्‍से़आङ् मे़ने़रो, हे़क्‍क्‍याङ् के़धुम्‍बाहाॽओ लत्‍थिक्‍ले़आङ् कुहुक् मे़मुन्‍ने़ल्‍लो॥


आङ्‌गाॽ दमस्‍कसरे़ कुलाम्‍धेःत्तिन् मे़क्‍खुङ्‌लो, आवनबा ने़ने़बादे़न्‍नो के़युङ्‌बा हाङ्‌ङिन् नु बेथ-अदनओ हाङ्‌तक्‍कात् के़याङ्‌सिङ्‌बे़न् मे़क्‍खुङ्‌लो॥ अरामबा मनाहाॽ लाजेॽलाम् मे़लःत्तु मे़देसुसिरो हे़क्‍क्‍याङ् खे़ङ्‌हाॽ किर लाजेॽओ मे़बेःक्‍लो,” यहवे दाङ्‌बे़ल्‍ले़ पाःत्तुरो॥


कल्‍ले़ कुये़क्‌यक्‍हाॽ हुक्‍काप् मे़जोगुरो, हे़क्‍क्‍याङ् हाङ्‌यक्‍हाॽ निङ्‌मि हुक्‍को थारो॥ सावाःन्‍दुङ्‌ङिल्‍ले़ तरुमा मे़न्‍छुमान् हे़क्‍के के़धुम्‍बा थक्‍सुबाहाॽआङ् साम्‍मिक्‍ले़ ले़रुसिरो॥


खे़ङ्‌हाॽ खे़ल्‍ले़ कुदुक्‍खेःन्‍नु मे़गि, हे़क्‍क्‍याङ् माःङ्‌घा मे़ये़प्‍पाङ् अक्‍खे मे़बाःत्तुॽरो, “आयाक्‍को, आयाक्‍को! के़धुम्‍बा नु पयम् यम्‍बा बेबिलोन ये़क्‌यक्‍के, सप्‍फारे़सा के़घुम्‍दिङ्‌ङिन् त्‍ये़आङ् वाॽरो!”


आङ्‌गाॽ खे़ल्‍ले़ कुधक्‍सुबाहाॽ नु कुहाङ्‌युक्‍पाहाॽ, कुसुहाङ्‌युक्‍पाहाॽनु सोसोरिक् सिक्‍कुम्‍साबा कुमनाहाॽ, मसुङ्‌सिङ्‌लो॥ खे़ङ्‌हाॽ मुरुक् खारुक् मिक्‌युमो मे़धारो हे़क्‍क्‍याङ् आप्‍फाल्‍ले़आङ् मे़न्‍छोने़न्‍लो!” मुक्‍साम्‍दाङ्‌बा यहवे दाङ्‌बा, हाङ्‌ङिल्‍ले़ पाःत्तुरो॥


के़रे़क् खे़त्‍छिङ्‌मा लाम्‍हाॽ मे़साक्‍तुआङ् ने़रो॥ वजिम्‍बेॽहाॽओ मि मे़गेःत्तुआङ् ने़रो, हे़क्‍क्‍याङ् थक्‍सुबाहाॽ साॽरिक् मे़गि मे़यङ्‌लो॥”


थेआङ्‌भे़ल्‍ले़ खिनिॽ ये़क्‌यक्‍कोबा लाम्‍धेःप्‍पाहाॽ थधप् मे़ल्‍लॽमनाबा चोगु के़बिरिरो, हे़क्‍क्‍याङ् सियोन ये़क्‌यक्‍को के़वाॽबा मनाहाॽ खुने़ॽ हाङ्‌वामुॽइ पिरुसिरो॥


खे़ब्‍याङ् खे़ङ्‌हाॽ तुक्‍खे लाक्‍खे मे़दुमे़ल्‍ले़ यहवे दाङ्‌बान् पेलि मे़भाक्‍तुरो, हे़क्‍क्‍याङ् खुने़ॽ खे़ङ्‌हाॽ के़रे़क् ताङ्‌से़ःप्‍तुसिरो॥


“से़क्‍खासाङ् खे़ङ्‌हाॽ के़हेबा याॽलाङ् कुसिङ् मे़लॽरो, मिःल्‍ले़ खे़ङ्‌हाॽ मिधिक्‍खुसिरो॥ मिधुङ्‌दिङ् मिराःक्‍ले़ मिसाम्‍लाम् खे़ङ्‌हाॽ आबाङे से़ःप्‍सिङ्‌मा मे़न्‍छुक्‍ने़ल्‍लो॥ हाःत्‍ले़ कुलागिआङ् कॽयो मिजाॽमा मिदत् होप्‍लो, हे़क्‍क्‍याङ् कप्‍मो युङ्‌माआङ् मिजाॽमा मिआङ् होप्‍लो॥


के़रे़क् पिसाङ्‌लाम् खे़ल्‍ले़ कुदक्‍ले़ङ्‌वाओ थङ् चोःक्‍मा इक्‍लान् लःत्ते़म्‍मे़ॽओ! ओमे़त्ते़म्‍मे़ॽ! खुने़ॽ खिनिॽ हुक्‍को हुक्‍सुप्‍सिङ्‌लो! खे़ल्‍ले़ कुलुङ्‌धाक्‍हाॽ लुःन्‍दे़आङ् ने़रो॥ कङ्‌ग यहवे दाङ्‌बे़ल्‍ले़ कुले़क्‌वा नुःक्‍तुबारो, खे़ल्‍ले़चोगुल्‍ले़ खिनिॽ खे़ल्‍ले़ कुले़क्‌वा नुःक्‍ते़म्‍मे़ॽओ॥ खे़ल्‍ले़ वेॽहाॽ मे़त्तुसिबा हे़क्‍केए खिनिॽ खे़न् ताप्‍फे़ःल्‍लिक् मे़त्ते़म्‍मे़ॽओ!


Swiv nou:

Piblisite


Piblisite