यर्मिया 51:29 - लिम्बु29 “इक्सादिङ् खाम्बेःक्मे़न् थुरुप्लुप्ना यङ्लो हे़क्क्याङ् कुदुक्मो खइक् खइक् इक्सिङ्लो, थेआङ्भे़ल्ले़ बेबिलोने़न् मे़ल्ले़ङ्सिङ्ङे ये़प्ल हे़क्क्याङ् खे़प्मो हाःत्ताङ् मे़न्युङ्ने़ल्ल फाॽआङ् कुदक्ले़ङ्वाओ यहवे दाङ्बे़ल्ले़ के़रे़क् पाःन्हाॽ निङ्सेक् चोगुआङ् वाॽरो॥ Gade chapit la |
आनिगे निङ्मिहाॽ दानबा ये़क्यक्को मे़गे़रे़ मे़द्ये़रो, खे़ङ्हाॽरे़ खुन्छिॽ अन्हाॽ हे़ःक्हे़ःक् मे़लॽरे़बा आनिगे खे़प्सुम्बे़रो॥ खे़न् अन्हाॽ इहे़हे़ मे़लॽइल्ले़ काक् लाजेन् लोःक्खुरो॥ खे़ङ्हाॽ आनिगे लाजेॽओ के़वाॽबा के़रे़क् पाःन्हाॽ, आनिगे ये़क्यक् नु खे़प्मोबा के़रे़क् यक्युङ्बाहाॽ मे़ङ्मासिरे़ लागि खे़ङ्हाॽ कप्मो मे़द्ये़आङ् मे़वाॽरो॥”
कर यहवे दाङ्बाए, खे़ने़ॽग से़क्खाबा निङ्वाॽफुमाङ्ने़रो, खे़ने़ॽग कुहिङ्वे़त् निङ्वाॽफुमाङ्ने़रो हे़क्क्याङ् नुप्मे़न्दिङ्बा पयम् यम्बा हाङ्ने़रो॥ खे़ने़ॽ के़याःक्ले़ॽइल्ले़ इक्सादिङ् खाम्बेःक्मान् लोःक्खुरो॥ इक्सादिङ् खाम्बेःक्मोबा आत्तिन् मे़न्छाम् सुवाङ्हाॽआङ् के़सिक् पोःक्किल्ले़ के़दगि ये़प्मा मे़न्छुक्ने़न्लो॥”
हे़क्क्याङ् खे़ल्ले़ पयम् यम्बा इक्लाओ अक्खेलॽरिक् पाःत्तुर अःक्ते़रो, “बेबिलोनिन् मे़गे़रो, पयम् यम्बा ये़क्यक्किन् मे़गे़रो! खे़न् आल्ल लेःत्छाम् फुङ्साम् नु फे़न्साम्हाॽरे़ खुनिॽ वाॽमा ते़न् पोःक्खे़आङ् वाॽ॥ खे़प्मोग काक् परिक्ले़न् सिक्के़ले़ःङ्बा नु आसुत्थो पुहाॽ याङ्मे़धोःक्लो॥
थिःल्ले़ के़मबा मनान् होॽदोन् होॽदोन् लॽबा कुइसिक् इक्सादिङ् खाम्बेःक्मान् मुन्जिङ् मुन्जिङ् लॽरो॥ ते़हे़ॽहे़ॽबा याक्माहिम्मिन् सुरिःत्तिल्ले़ वाःन्दुबा हे़क्के इक्सादिङ् खाम्बेःक्मान् ना नु कत्ना मुन्लो॥ खुन्छिॽ आबाङे पिफ्युङ्ङिन् खे़न् इक्सा खाम्बेक् सम्धाङ् साॽरिक् लिःप्पाङ् पत्लो खे़ल्ले़चोगुल्ले़ खे़न् आफाल्ले़आङ् पोःक्मा मे़न्छुक्के चोःन्लो॥