यर्मिया 51:27 - लिम्बु27 “मे़न्छाम् सुवाङ्हाॽओ मिक्सेन् निसान फोःक्खे़म्मे़ॽओ॥ थङ् इक्लान् मुक्खे़म्मे़ॽओ! बेबिलोनरे़ कुदक्ले़ङ्वाओ खे़ङ्हाॽ के़रे़क् मुरा मे़त्ते़म्सिम्मे़ॽओ! खे़ल्ले़ कुदक्ले़ङ्वाओ थक्मारे़ लागि खे़ङ्हाॽ यारिप् चोगे़म्सिम्मे़ॽओ! आरारातबा, मिन्निबा नु असकनजबा थक्सुबाहाॽ खिनिॽ फे़त्ते़म्सिम्मे़ॽओ॥ लत्छा थक्मोबा थिक् युक्तिङ् चोगे़म्मे़ॽओ, निःङ्खुःक्वाःल्ले़ कुबन्ज्याङ्माहाॽ हे़क्के आत्तातान्ने यरिक् अन्हाॽ तारे़म्सिम्मे़ॽओ! Gade chapit la |
यर्मिया 51:27
24 Referans Kwoze
बेबिलोनरे़ कुदक्ले़ङ्वाओ थङ् निसान फोःक्खे़म्मे़ॽओ॥ इक्के़गोबाहाॽ के़धुम्बा चोगे़म्सिम्मे़ॽओ हे़क्क्याङ् इक्के़गोबाहाॽ खे़प्से़म्सिम्मे़ॽओ॥ लत्छा लाःक्युक्मादे़न् चोगे़म्मे़ॽओ, थेआङ्भे़ल्ले़ बेबिलोनरे़ कुदक्ले़वाओ चोःक्मा कोःत्तुबा के़रे़क् पाःन्हाॽ यहवे दाङ्बे़ल्ले़ के़त्तुरो॥
यहवे दाङ्बे़ल्ले़ अक्खे पाःत्तुरो, “इक्सादिङ् खाम्बेःक्मोबा के़रे़क् सुवाङ्हाॽ खे़ने़ॽ कन् इङ्घङ्ङिन् मे़त्ते़से़ॽओ, हे़क्क्याङ् थे़मा पाःन्निन्नाङ् मे़माॽरे़न्ने़ॽओ॥ बेबिलोने़न् हुक्काप् पोङ्ॽ फाॽआङ् के़रे़क् मनाहाॽ मे़प्मासिरे़ लागि मिक्सेन् पिमा निसान ये़प्से़ॽओ! खे़ल्ले़ कुजइःत्हाॽ नु नावाइत्लाहाॽ कुम्जिक्मा मे़बोङ्लो॥ खे़ल्ले़ कुमाङ् बेल नु मरोदकहाॽ साॽरिक् कुनामे़न्छाॽ मे़बोङ्लो॥
मुक्साम्दाङ्बा यहवे दाङ्बान् माङ्हे़क्सिङ्ङाङ् वाॽरो, हे़क्क्याङ् खुने़ॽ कुमिङ्ङो माङ्हे़क् चोगुआङ् वाॽरो— “निःङ्घुक्वा पन्ज्याङ्माहाॽरे़ इक्ताप्हाॽ मे़बन्छुबा कुइसिक् कुये़क्यक्हाॽ निङ्मिहाॽरे़ सधे़क् मे़धिम्सुरो, हे़क्क्याङ् खे़ङ्हाॽ थङ् नाःम्मा इक्लाओ खे़ने़ॽ पिसाङ् तियाहा मे़लॽरो॥”
आङ्गाॽ के़रे़क् मे़न्छाम् सुवाङ्हाॽ यरुसले़मओ थङ् चोःक्मारे़ लागि सुप्सुङ्सिङ्ॽ, हे़क्क्याङ् कन् ये़क्यक्किन् हुक्काप् मे़जोगुॽ, हिम्हाॽओबा चिगक्वाहाॽ मे़नाप्तुसिॽ हे़क्क्याङ् मे़न्छुमाहाॽ मे़दे़म्सुसिआङ् मेःत् मे़मे़त्तुसिॽ॥ ये़क्यक्कोबा कुभ्रे़ःङ् मनाहाॽ मे़दे़म्सुसिआङ् वेॽ लाजेॽओ मे़देॽरुसिॽ, कर के़याःक्पा मनाहाॽग ये़क्यक्कोलाम् लाःत्लाःत् मे़न्देॽरुसिन्ॽ॥
“बेन्यामिन मनासे, ताङ्से़ःप्सिङ्मारे़ लागि खे़त्छिङाम्मे़ॽओ यरुसले़ःम्लाम्बा खिनिॽ लःन्दे़म्मे़ॽआङ् खे़त्तासिम्मे़ॽओ! तकोओ मे़ल्लुक् सादाङ्ङिन् मुःत्ते़म्मे़ॽओ! हे़क्क्याङ् बेथ-हक्केरेम्मो मिन् हाःन्दे़म्मे़ॽओ खे़ब्याङ् मिःक्खुलाम् मिक्सेन् पिमा तङ्गाम् चोगे़म्मे़ॽओ! मे़क्मासिमान् खा तार पत्लो, थाङ्गे़त् पिसाङ्लाम् खाप्पुथ्यःङ् आजोःक्चोःक्पान् युर पत्लो॥”
थिक्यान् खुने़ॽ कुमाङ् निस्रोकिल्ले़ कुमाङ्हिम्मो सिदुङ्जभा तोःन्दुर यागे़ल्ले़ खुने़ॽ कुस्सा अद्रम्मलेक नु सरेसेरे़ल्ले़ ताभेःल्ले़ च्ये़प्तु स्ये़रुसि, खे़ब्याङ् खे़त्ने़छिआङ् आरारात लाजेॽओ पेसि॥ खे़न् एगाङ् खुने़ॽ कुले़क्वा कुस्सा एसरहदोने़न् हाङ् पोःक्खे़आङ् युक् चोःक्मा हेःक्तुरो॥
थेआङ्भे़ल्ले़ थाङ्गे़त् ले़प्माङ्लाम् यम्बा सुवाङ्बा थक्सुबाहाॽ फोःक्खुङ्सिङ्ल पत्तारो॥ बेबिलोने़न् फप्मारे़ लागि थक्सुबाहाॽओ खे़ङ्हाॽ मे़भुङ्सिङ्लो॥ हे़क्क्याङ् खे़न् लाजेन् हुक्को मे़धासुरो॥ निङ्मिहाॽरे़ खुन्छिॽ तोःङ्हाॽ कुदोःप्मा पेःक्लो, खे़ङ्हाॽरे़ मे़सोःक्तुबान् मे़न्याङ्ङे मे़न्आबुन्लो!
Piblisite