यर्मिया 51:21 - लिम्‍बु

²¹ आङ्‌गाॽ खे़ने़ॽलाम् अन्‍हाॽ नु अन् के़युक्‍पाहाॽ, हे़क्‍क्‍याङ् अन्‍लाधा नु अन्‍लाधा के़लोङ्‌बाहाॽ चिधक् चिधक् थगुङ्‌सिङ्‌लो॥

यर्मिया 51:21 Referans Kwoze

लाम्‍दिक् 15:1

खे़ब्‍याङ् मोसान् नु इस्राइलिहाॽरे़ यहवे दाङ्‌बे़ल्‍ले़ कुनारा मे़भोसुर साम्‍मे़लोरे़रो— “आङ्‌गाॽ यहवे दाङ्‌बे़ल्‍ले़ कुनारा फोसुङ्‌ल साम्‍लोआरो थेआङ्‌भे़ल्‍ले़ खुने़ॽ मिङ्‌सो थाःङ्‌सोनु थङ् नाःन्‍दुआङ् वाॽरो, खुने़ॽ अन्‍हाॽ नु अन्‍गे़युक्‍पाहाॽ सोरिक् वरःङ्‌ङो लाप्‍फुसु केःत्तुसिआङ् वाॽरो॥

जकरिया 10:5

खे़ङ्‌हाॽनु सोरिक् थङ्‌ङो खुन्‍छिॽ निङ्‌मिहाॽ माराम्‍मोबा ले़क्‌वाओ चिदोॽ चिदोॽ के़दोॽबा मुक्‍साम्‍साबा मनाहाॽ हे़क्‍तङ्‌बा मे़बोङ्‌लो, थेआङ्‌भे़ल्‍ले़ यहवे दाङ्‌बे़न् खे़ङ्‌हाॽनु सोरिक् वाॽरो खे़ङ्‌हाॽ थङ् मे़जोःक्‍काङ् अन्‍गे़युक्‍पाहाॽ नाधामो मे़धासुसिरो॥

जकरिया 12:4

यहवे दाङ्‌बे़ल्‍ले़ पाःत्तुॽ, “खे़न् ये़न्‍नो आङ्‌गाॽ मे़न्‍छाम् सुवाहाॽरे़ खुन्‍छिॽ अन्‍हाॽ मिक्‍फःम्‍बा चोगुङ्‌सिङ्‌ॽ हे़क्‍क्‍याङ् के़रे़क् अन्‍हाॽ साॽरिक् मे़गिमे़सिर याःन्‍दुङ्‌सिङ्‌ॽ हे़क्‍क्‍याङ् अन्‍गे़युक्‍पाहाॽ मे़नाङ्‌ल याःन्‍दुङ्‌सिङ्‌ॽ॥ कर आङ्‌गाॽ यहुदाबा मनाहाॽ ओमे़त्‍तुङ्सिङ्‌ॽ॥

हाग्‍गै 2:22

आङ्‌गाॽ हाङ्‌युक्‍नान् चिल्‍ले़क् ले़क्‍खुङ्‌ॽ हे़क्‍क्‍याङ् वेॽ लाजेॽ हाङ्‌जुम्‍हाॽओबा मुक्‍साम्‍मिन् मे़क्‍खुङ्॥ आङ्‌गाॽ अन्‍लाधाहाॽ नु खे़प्‍मो लाङ्‌गे़घेःक्‍पाहाॽ खत्‍त्रे़क् ले़क्‍खुङ्‌सिङ्‌ॽ॥ अन्‍हाॽ नु अन्‍गे़लोङ्‌बाहाॽ ताभेःल्‍ले़ आबाङे मे़ज्‍ये़प्‍सिङ् मे़से़त्‍छिङ्‌ॽ॥’

नहुम 2:13

मुक्‍साम्‍साबा यहवे दाङ्‌बे़ल्‍ले़ उवा चोगुरो, “खे़प्‍से़ॽओ, आङ्‌गाॽ खे़ने़ॽ के़निङ्‌मिआरो॥ के़अन्‍लाहाॽ मिःक्‍खोॽ सुःङ्‌गु सुःङ्‌गु मिधिक्‍खुङ् पिने़रो, हे़क्‍क्‍याङ् के़वे़म्‍बा के़स्‍सा खिरिङ्‌बाहाॽ ताभेःल्‍ले़ मे़से़रुसिरो॥ आल्‍लआङ्‌धो खे़ने़ॽ लाजेॽओ सा के़न्‍नाःत्‍ने़ल्‍लो, खम्‍भ्‍याङ् खे़ने़ॽ के़इङ्‌घङ्‌साबाहाॽरे़ खुन्‍छिॽ इक्‍लान् आल्‍लआङ्‌धो याम्‍मो खे़म्‍मे़दे़त्‍ने़न्‍लो॥”

मिका 5:10

यहवे दाङ्‌बे़ल्‍ले़ अक्‍खेलॽरिक् उवा चोगुरो, “खे़न् ये़न्‍नो आङ्‌गाॽ आइङ्‌जाङ् मे़न्‍इःप्‍मनाबा सुवाङ्‌हाॽरे़ खिनिॽ अन्‍हाॽ नु अन्‍लाधाहाॽ खाप्‍पुथ्‍यःङ् चोगुङ्‌सिङ्‌ङाङ् युम्रे़क् मे़क्‍खुङ्‌सिङ्‌लो,

सुफो 19:18

हाङ्‌हाॽ, थक्‍तुम्‍बाहाॽ, थक्‍सुबाहाॽ, हे़क्‍क्‍याङ् अन्‍हाॽ नु अन् के़युक्‍पाहाॽ, हे़क्‍क्‍याङ् योःक्‍पा नु चोःक्‌युम्‍भोबाहाॽ, चुक्‍पा नु यम्‍बाहाॽरे़ खुनिॽ ने़क्‍सान् चासे़ त्‍ये़म्‍मे़ॽओ॥”

निङ्‌वाॽफु साम्‍लोसुम् 46:9

खुने़ॽ काक् इक्‍सादिङ् खाम्‍बेःक्‍मो थङ् पोङ्‌मा मे़भाःक्‍तुन्‍लो॥ खुने़ॽग लि तोङ् नु ये़न्‍हाॽ ए़क्‍खुरो, हे़क्‍क्‍याङ् खोहाॽ मिओ हाःन्‍दुदेसुरो॥

इजकिएल 39:20

आङ्‌गाॽ आभत्‍यार चोःक्‍मा चप्‍ते़न्‍नो अन्‍हाॽरे़ लागि नु अन्‍गे़लोङ्‌बाहाॽरे़ लागि, मुक्‍साम्‍बा मनाहाॽरे़ लागि नु के़रे़क् मे़ङ्‌गिमनाबा थक्‍सुबाहाॽरे़ लागि खिनिॽ साभःङ्‌जा च्‍ये़म्‍मे़ॽ,’ मुक्‍साम्‍दाङ्‌बा यहवे दाङ्‌बे़ल्‍ले़ पाःत्तुरो॥”

यर्मिया 50:37

ताभेःल्‍ले़ कुअन्‍हाॽ च्‍ये़प्‍तुसिरो हे़क्‍क्‍याङ् कुअन्‍लाधाहाॽ नु वेॽ लाजेॽहाॽ लाम्‍बाबा कुन्‍जुम्‍हाॽ च्‍ये़प्‍तुसिरो, खम्‍भ्‍याङ् खे़ङ्‌हाॽ के़रे़क् मे़न्‍छुमा हे़क्‍तङ्‌मा मे़बोङ्‌लो॥ ताभेःल्‍ले़ खे़ल्‍ले़ कुयाङ् के़युङ्‌बाहाॽ च्‍ये़प्‍तुसिरो, हे़क्‍क्‍याङ् खे़ङ्‌हाॽ के़रे़क् मे़नाप्‍तुसिरो॥

निङ्‌वाॽफु साम्‍लोसुम् 76:6

याकुबरे़ कुनिङ्‌वाॽफुमाङ्‌ङे, खे़ने़ॽ के़भे़ःक्‍तुसिल्‍ले़ अन् के़युक्‍पाहाॽ मक्‍मे़ध्‍ये़रो हे़क्‍क्‍याङ् अन्‍हाॽ नु मनाहाॽ मे़ले़क्‍खे़ मे़स्‍ये़रो॥

लाम्‍दिक् 15:21

मिरियम्‍मिन् अक्‍खेलॽरिक् साम्‍लोरे़रो— “यहवे दाङ्‌बान् कुनारा फोसे़म्‍मे़र साम्‍लोरे़म्‍मे़ॽओ, थेआङ्‌भे़ल्‍ले़ खुने़ॽ मिमिदिङ्‌गे़न् थङ् नाःन्‍दुआङ् वाॽरो, खुने़ॽ अन्‍हाॽ अन्‍गे़युक्‍पाहाॽनु सोरिक् वरःङ्‌ङो लाप्‍फुसु याक्‍तुसिरो॥”

लाम्‍दिक् 15:4

फारोल्‍ले़ कुधक्‍सुबाहाॽ नु कुअन्‍लाधाहाॽ खुने़ॽ वरःङ्‌ङो लाप्‍फुसुसिरो, फारोल्‍ले़ के़रे़क्‍नुःल्‍ले़ नुबा थोधोक्‍पा कुसुहाङ्‌गे़म्‍बाहाॽ हे़ःत्ताङ्‌बा वरःङ्‌ङो मे़हुमे़रो॥

यसैया 43:17

अन्‍लाधाहाॽ, अन्‍हाॽ नु थक्‍सुबाहाॽ खुने़ॽ मे़क्‍खुसिरो, खे़ङ्‌हाॽ आभे़ल्‍ले़आङ् पोःक्‍मा मे़न्‍छुक्‍के मे़जोन्‍लो, छक्‍कङ्‌ङो हाःम्‍मनाबा सेमिन् सिबा हे़क्‍केए खे़ङ्‌हाॽ मे़सिरो॥