यर्मिया 51:11 - लिम्बु11 तोःङ्हाॽ याराप्ते़म्मे़ॽ! खोहाॽ फोःक्खे़म्मे़ॽओ! थेआङ्भे़ल्ले़ बेबिलोनरे़ कुदक्ले़ङ्वाओ लाङ्घेःक्मा नु खे़न् मे़ङ्मारे़ लागि यहवे दाङ्बे़ल्ले़ मादिबा हाङ्हाॽ हुसुसिआङ् वाॽरो॥ कुहिम् आसुत्थो के़जोःक्पाहाॽरे़ तक्ले़ङ्वाओ कङ्ग खुने़ॽ कुले़क्वा नुःक्मा ये़म्लो॥ Gade chapit la |
यर्मिया 51:11
39 Referans Kwoze
थेआङ्भे़ल्ले़ थाङ्गे़त् ले़प्माङ्लाम् यम्बा सुवाङ्बा थक्सुबाहाॽ फोःक्खुङ्सिङ्ल पत्तारो॥ बेबिलोने़न् फप्मारे़ लागि थक्सुबाहाॽओ खे़ङ्हाॽ मे़भुङ्सिङ्लो॥ हे़क्क्याङ् खे़न् लाजेन् हुक्को मे़धासुरो॥ निङ्मिहाॽरे़ खुन्छिॽ तोःङ्हाॽ कुदोःप्मा पेःक्लो, खे़ङ्हाॽरे़ मे़सोःक्तुबान् मे़न्याङ्ङे मे़न्आबुन्लो!
यरुसले़ःम्मिल्ले़ कुदक्ले़ङ्वाओ थङ् के़जोःक्पा के़रे़क् मे़न्छाम् सुवाङ्हाॽ यहवे दाङ्बे़ल्ले़ अक्तङ्बा लत्छा माङ्दुक्मे़ल्ले़ तरुसिर याःन्दुसिॽ—खे़ङ्हाॽ लाङ्ङिल्ले़ मे़दक्सिङ्ङाङ् मे़ये़प्पा ते़न्नोए खुन्छिॽ ने़क्सान् हर्गिॽ किबेक्, खे़ङ्हाॽरे़ खुन्छिॽ मिक्किन् खुन्छिॽ मिक्हङ्ङोए हर्गिॽ किबेक्, हे़क्क्याङ् खे़ङ्हाॽरे़ खुन्छिॽ ले़सोःत्ते़न् खुन्छिॽ मुराओए किबेःक्लो॥
आङ्गाॽ के़रे़क् मे़न्छाम् सुवाङ्हाॽ यरुसले़मओ थङ् चोःक्मारे़ लागि सुप्सुङ्सिङ्ॽ, हे़क्क्याङ् कन् ये़क्यक्किन् हुक्काप् मे़जोगुॽ, हिम्हाॽओबा चिगक्वाहाॽ मे़नाप्तुसिॽ हे़क्क्याङ् मे़न्छुमाहाॽ मे़दे़म्सुसिआङ् मेःत् मे़मे़त्तुसिॽ॥ ये़क्यक्कोबा कुभ्रे़ःङ् मनाहाॽ मे़दे़म्सुसिआङ् वेॽ लाजेॽओ मे़देॽरुसिॽ, कर के़याःक्पा मनाहाॽग ये़क्यक्कोलाम् लाःत्लाःत् मे़न्देॽरुसिन्ॽ॥
बेबिलोनरे़ कुदक्ले़ङ्वाओ थङ् निसान फोःक्खे़म्मे़ॽओ॥ इक्के़गोबाहाॽ के़धुम्बा चोगे़म्सिम्मे़ॽओ हे़क्क्याङ् इक्के़गोबाहाॽ खे़प्से़म्सिम्मे़ॽओ॥ लत्छा लाःक्युक्मादे़न् चोगे़म्मे़ॽओ, थेआङ्भे़ल्ले़ बेबिलोनरे़ कुदक्ले़वाओ चोःक्मा कोःत्तुबा के़रे़क् पाःन्हाॽ यहवे दाङ्बे़ल्ले़ के़त्तुरो॥
यहवे दाङ्बे़ल्ले़ कोरेसे़न् हाङ् पोङ्मारे़ लागि माङ्थोःक्ना चोगुआङ् वाॽरो॥ खुने़ॽ खे़न् इक्सादिङ् खाम्बेःक्मोबा मे़न्छाम् सुवाङ्हाॽ नाःम्मासिरे़ लागि युक्तिङ् चोगुआङ् वाॽरो॥ खुने़ॽ खे़न् हाङ्हाॽरे़ खुन्छिॽ हुक्कोलाम् युक् नाप्मासिरे़ लागि पाङ्घुरो, यहवे दाङ्बे़ल्ले़ खे़ल्ले़ कुलागि ये़क्यक् पाङ्जुम्बा मालाम्धेःत्हाॽ मे़सुबुन्लो॥ यहवे दाङ्बे़ल्ले़ कोरेसे़न् अक्खे मे़त्तुरो—
किप्मा के़घुबा लत्छा सुफोधिक् आङ्गाॽ ओसेःन्मे़धाक्ताङ्लो— इङ्ले़क् के़जोःक्पे़ल्ले़ इङ्ले़क्के चोगुरो, हे़क्क्याङ् के़मे़ङ्बे़ल्ले़ मे़क्खुरो॥ एलामबा थक्सुबासे, ते़न्धङ् चोगे़म्मे़ॽओ, मादिबा थक्सुबासे, ये़क्यक्हाॽ कब्रिङ् कबाम्सिम्मे़ॽओ बेबिलोनबाहाॽरे़ मे़याःत्ल मे़याःन्दुसिबान् आङ्गाॽ नुप्सुङ् पिरुङ्सिङ्लो॥
फारसबा हाङ् कोरेसे़ल्ले़ हाङ्युक् चोगुबा थिक्सिगेक्पा तङ्बेओ यर्मियाःल्ले़ पाःत्तुबा यहवे दाङ्बे़ल्ले़ कुबाःन्जाक्के़न् के़प्मारे़ लागि यहवे दाङ्बे़ल्ले़ फारसबा हाङ् कोरेसे़न् कुसिक् के़सम्बा चोगु॥ हे़क्क्याङ् खुने़ॽ कुहाङ्जुम्मो के़रे़क् कुम्ब्राःल्ले़ए पाःत्तुआङ् हे़क्क्याङ् साप्तुआङ् अक्तङ्बा उवा चोगुरो—
कल्ले़चोगुल्ले़ इस्राइलबा निङ्वाॽफुमाङ्ङिल्ले़ अस्सुरबा हाङ् पुल इग्र अस्सुरबा हाङ् तिग्लत-पिलेसेरे़न् हुसु, खम्भ्याङ् खुने़ॽ रुबेन, गाद नु मनस्सेरे़ कुभ्रे़ःङ् थाःक्कोबा मनाहाॽ ते़म्सुदेॽरुसि॥ खुने़ॽ खे़ङ्हाॽ हलह, हाबोर, हारा नु गोजान वहःङ्ङिल्ले़ कुयाओ तेॽरुसि, हे़क्क्याङ् खे़ङ्हाॽ खे़प्मो आइन्बा ये़न् थारिक् मे़युङ्लो॥
आङ्गाॽ खिनिॽ सम्धाङ् ते़न्धङ्हाॽ तारुङ्ॽ, हे़क्क्याङ् आङ्गाॽ चोगुङ्बा माङ्हुप्पिन् के़भेःन्दुम्बाल्ले़ कुले़क्वा नुःक्तुङ्ॽ॥ खिनिॽ आप्फेक् आप्फेक् ये़क्यक्हाॽओ के़जुप्सिॽ, आङ्गाॽ खे़प्मोआङ् खिनिॽ लुम्मो तुक्मा लाःक्मा पाङ्घुङ्ॽ, खे़ब्याङ् खिनिॽ निङ्मिहाॽरे़ खुन्छिॽ हुक्को के़ध्ये़ॽइ॥
Piblisite