यर्मिया 50:7 - लिम्बु7 खे़ङ्हाॽ के़दुम्बा के़रे़क्ले़ खे़ङ्हाॽ मे़लरुसिरो॥ खे़ङ्हाॽरे़ खुन्छिॽ निङ्मिहाॽरे़ अक्खे मे़बाःत्तुरो, ‘आनिगे खे़ङ्हाॽ फत्तुम्सिम्बे़बाओ हे़न्नाङ् फे़न् याःम्बक् चोगुम्बे़बा होप्लो, थेआङ्भे़ल्ले़ खे़ङ्हाॽरे़ से़क्खाबा खुन्छिॽ नाःम्सिङ्मादे़न्, यहवे दाङ्बे़ल्ले़ कुदक्ले़ङ्वाओ, हे़क्क्याङ् खुन्छिॽ थाःक्थे़बाहाॽरे़ खुन्छिॽ निङ्साङ्ङिल्ले़ तक्ले़ङ्वाओ खे़ङ्हाॽरे़ लायो मे़जोगुआङ् वाॽरो॥’ Gade chapit la |
यर्मिया 50:7
28 Referans Kwoze
खे़ङ्हाॽ के़इङ्बाहाॽरे़ खे़ङ्हाॽ मे़जे़प्तु मे़स्ये़रुसिॽ, खम्भ्याङ् खे़ङ्हाॽ खुम्दिङ् मे़ङ्घोए मे़बेःक्॥ खे़ङ्हाॽरे़ अक्खे मे़बात्तुॽ, ‘यहवे दाङ्बे़ल्ले़ कुनारा पोररो, थेआङ्भे़ल्ले़ आनिगे याङ्साकुन्धेसाबा पोःक्खिगे़!’ के़इङ्बाहाॽरे़ मे़साङुसिबा मे़ल्लुक्कम्बाहाॽरे़आङ् खे़ङ्हाॽ मे़न्दाङ्घुसिन्ॽ॥
इस्राइलबा निङ्वाॽफुमाङ् मुक्साम्दाङ्बा यहवे दाङ्बे़ल्ले़ पाःत्तुॽ, “आङ्गाॽ आमनाहाॽ खुन्छिॽ आबाङे लाजेॽओ नुःक्तुङ् तारुङ्सिङ्, हे़क्केःल्ले़ यहुदा लाजेॽ नु खे़ॽयोबा ये़क्यक्हाॽओ याम्मो थिक्ले़ङ् खे़ङ्हाॽरे़ अक्खे मे़बाःत्तुॽ, ‘यरुसले़ःम्बा सेसे कोःक्माए, साम्योबा के़वाॽबादे़न्ने यहवे दाङ्बे़ल्ले़ हाङ्वागे़न् मुॽइसाम् के़बिररो॥’
नसाःन्नो से़क्खाए आमिःम् आस्सा तिमोथिए, आनिॽ से़न्लप्दाङ्बा निङ्वाॽफुमाङ् नु आनिॽ निङ्साङ् आजोगुम्बा ख्रिस्त ये़सुरे़ कुइङ्जाङ्लाम् इङ्गाॽ कुसेःक्युक्मिबा पावललाम्बा आनिॽ पानुदिङ् पा निङ्वाॽफुमाङ्ङिन् नु आनिॽ दाङ्बा ख्रिस्त ये़सुरे़ खे़ने़ॽग लुङ्गुम्, लुङ्माॽ तुक्मा नु सनारुङ् ओसेःन्गे़धाक्ल फाॽआङ् कन् सक्इङ्घङ्ङिन् हाक्ने़ॽरो॥
कर कम्ब्राङ् के़इःप्पाआङ् के़युङ्बा मे़न्छाम् सुवाङ्हाॽनु आङ्गाॽ साॽरिक् आसिक् पोगे़आङ् वाॽ! आङ्गाॽग यरुसले़म हे़क्क्याङ् सियोने़न्नु आजे़ःत्छिक्लक् आसाक्के़न् पोगे़आङ् वयाङ्, कर यरुसले़ःम्मिन् के़भप्पा खे़न् मे़न्छाम् सुवाङ्हाॽरे़ग आङ्गाॽ इःत्तुङ्बान्नुःल्ले़आङ् यरिक् तुक्खे मे़जाःत्तुसि॥’
दाङ्बे, खे़ने़ॽ साम्योबा के़याःम्बक् कुइसिक् खे़ने़ॽ के़साक्के़न्निन् नु के़सिक् पोःक्मान् खे़ने़ॽ के़ये़क्यक्, के़सेसे कोःक्मा यरुसले़मलाम् खे़त्ते़देसे़ॽओ॥ आनिगे लायो नु आनिगे पाधे़बाहाॽरे़ खुन्छिॽ फे़न्याःम्बक्किल्ले़ चोगुल्ले़ आनिगे कब्रिङ् पिसाङ्बा मनाहाॽरे़ खुन्छिॽ तगि यरुसले़म नु खे़ने़ॽ के़मनाहाॽ कुनामे़न्छाॽ मे़प्मा चाहाक् पोःक्खिगे़आङ् वयिगे़रो॥
आङ्गाॽ सेगुङ्सिङ्बा आमनाहाॽनु आयाक् ले़ॽरे़आङ् वयाङ्लो, हे़क्क्याङ् आङ्गाॽ खे़ङ्हाॽ आबाङे आमना हे़क्के नुरिक् मे़म्मे़प्पासिरो॥ आङ्गाॽ खे़ङ्हाॽ खे़ने़ॽ के़हुक्को थासुङ्सिङ्लो, कर खे़ङ्हाॽ खे़ने़ॽ लुङ्माॽ के़न्दुक्तुसिल्लो॥ काप्पोबा काप्मुमाहाॽआङ् खे़ने़ॽ साॽरिक् के़लिःप्पा के़गक्किन् के़गुःत्तुसिरो॥
अरामिहाॽरे़ तॽइ नाङ्गे़न् पिसाङ्लाम्बा हे़क्क्याङ् पलिस्तिहाॽरे़ नाम्धा पिसाङ्लाम्बा खे़ङ्हाॽरे़ खुन्छिॽ मुरान् हा मे़मे़त्तुआङ् इस्राइलि मनाहाॽ मे़लरु मे़देसुसिरो॥ कम्भ्यारिक्काङ्साङ् खुने़ॽ कुसिक्के़न् मे़न्जिप्पे वाॽरो, खे़ब्याङ् आल्लसाङ् खुने़ॽ कुहुक्किल्ले़ खे़ङ्हाॽ साःप्सुसिआङ् पत्लो॥
खे़ङ्हाॽरे़ खिनिॽ पोगुगे़न् कुजा नु चामा कुजाहाॽ मे़जमे़देसुरो खिनिॽ मे़न्छुमा ये़म्बित्छासाहाॽ मे़ज मे़देसुसिरो॥ खिनिॽ मे़ल्लुक् मे़ःन्दा नु पित्थक्साहाॽ मे़ज मे़देसुसिरो हे़क्क्याङ् खिनिॽ चे़ल्ले़क्सेॽइन् नु पःत्छेॽबुङ्माहाॽ मे़जमे़देसुरो॥ आधेःक्ल फाॽआङ् निङ्वाॽ के़इःत्तुम्बा लुङ्धाक्किल्ले़ मे़भाङुबा ये़क्यक्हाॽ मे़लुःन्दुरो॥”
खे़ब्याङ् इस्राइलबा कोःक्मा फाङ्जङ् थे़गु माङ्वाहाॽरे़ कुदक्ले़ङ्वाओ खिनिॽ के़बाःत्तुम्बा के़रे़क् कुनामे़न्छाॽ पाःन्हाॽ आङ्गाॽ यहवे दाङ्बे़ल्ले़ खे़प्सुङ्ङाङ् वाॽ फाॽआङ् खिनिॽ निङ्वाॽ के़घोसुम्ॽ॥ थेआङ्भे़ल्ले़ खिनिॽ अक्खे के़बाःत्तुम्, ‘खे़ङ्हाॽ मुरे़क् खारे़क् चिजि खक्खक् पोःक्खे़आङ् ने़रो, आनिॽ खे़ङ्हाॽ युक्मारे़ लागि चामा कुजा कुइसिक् आम्बिरे़आङ् ने़रो!’
Piblisite