यर्मिया 50:6 - लिम्बु6 “आमनाहाॽ के़माबा मे़ल्लुक् मे़बोःक्खे़आङ् मे़वाॽरो, खे़ङ्हाॽरे़ खुन्छिॽ मे़ल्लुक्कम्बाहाॽरे़ खे़ङ्हाॽ लाम्मे़भोःत्छुसिआङ् मे़वाॽरो हे़क्क्याङ् कोःक्मा फाङ्जङ् थे़गु माङ्वाहाॽओ खे़ङ्हाॽ मे़मये़र मे़हिसु मे़देसुसिआङ् मे़वाॽरो॥ खे़ङ्हाॽरे़ खुन्छिॽ लाम्मिन् मे़मासु मे़देसुरो खे़ब्याङ् आप्फेक् मे़ल्लुक् लुप्पो नुःङ्मा तामारे़ लागि खुन्छिॽ लाम्मिन् निङ्वाॽ इःप्मा मे़न्छुक्तुन्लो॥ Gade chapit la |
यर्मिया 50:6
36 Referans Kwoze
ओवा, आङ्गाॽ खे़ङ्हाॽ इस्राइबा चन्जम्बा कोःक्मा फाङ्जङ् थे़गु माङ्वाहाॽओबा नुबा चाराम्मादे़न्हाॽ पिरुङ्सिङ्ॽ॥ खे़ङ्हाॽ खे़ॽयोबा सिराॽ पधाङ्गे़धाङ्बा ते़न्हाॽओ के़ङ्ग्रोबा मे़जाआङ् मे़ने़रो हे़क्क्याङ् कोःक्मा फाङ्जङ् थे़गु माङ्वाहाॽओबा सरेःक्याप्पा चाराम्मादे़न्हाॽओ चामे़लाम्॥
योसियाहन् हाङ् वये़ल्ले़ यहवे दाङ्बे़ल्ले़ आङ्गाॽ मे़त्ताङ्, “याम्बोःप्मा याःम्बक् के़जोःक्मा मे़न्छुमाःल्ले़ हे़क्के इस्राइलरे़ थेधे चोगु, थे खे़ने़ॽ के़निसुबि? खे़ल्ले़ आङ्गाॽ ले़प्माङ् आबाङे कुएःक्थाःक्मान् हिसाङ् पिराङ् हे़क्क्याङ् के़रे़क् कोःक्मा फाङ्जङ् थे़गु माङ्वाहाॽओ नु के़रे़क् सरेःक्याःप्पा सिङ्बुङ् सिगाङ् याम्बोःप्मा याःम्बक् चोगु॥
आनिगे लाम्लोबाहाॽ खासिङ् मे़न्निःप्मनाबा मे़ल्लुक्कम्बा हे़क्के मे़लॽरो॥ यहवे दाङ्बे़ल्ले़ लाम् ओसेःन्आधाक्ल फाॽआङ् खे़ङ्हाॽ पेलि मे़म्भाक्ने़न्लो॥ खे़ल्ले़चोगुल्ले़ खे़ङ्हाॽ कुलिङ्दो मे़ङ्गे़रे़न्लो हे़क्क्याङ् आनिगे मनाहाॽ के़रे़क् पिसाङ् मे़ल्लुक् हे़क्के मे़से़रे़आङ् मे़वाॽरो!
यहवे दाङ्बे़ल्ले़ अक्खे पाःत्तुरो, “इस्राइलए, यरिक् ये़म्माङ्धो खे़ने़ॽ आङ्गाॽ आयुक्किन् के़नाॽरुरो, खे़ने़ॽ आइङ्जाङ्ङिन् इःप्मा नाःप्मा नु आङ्गाॽ माङ्से़वा मे़प्मा के़ले़राङ्लो॥ के़रे़क् केःम्बा कोःक्मा फाङ्जङ् थे़गु माङ्वाहाॽओ हे़क्क्याङ् के़रे़क् सरेःक्क्याःप्पा सिङ्बुङ् सिगाङ् खे़ने़ॽ वेॽ माङ् साम्माङ्हाॽनु के़त्निमा हे़क्के ताप्फे़ःम्बा याःम्बक् के़जोगुरो॥
खे़ङ्हाॽ सुरित् केजङ्लाम् वइःम्सिङ्मा नु खइक् खइक् के़इक्सिङ्बा वहित् साम्मिःत्लाम् इःम्सिङ्मादे़न् कुसिङ्बा मे़बोङ्लो॥ खे़म्ब्याङ् थेआङ् के़होप्पा मुरे़क् खारे़क्पा ये़ःङ्घादे़न्नो च्वाःत् लाङ्गे़घेःक्पा वहःङ् हे़क्तङ्बा मे़बोङ्लो, च्वाःत् के़हेबा खाम्बाङ्ङो यम्बा याक्पेओबा नाम्इःक्खङ् हे़क्तङ्बा मे़बोङ्लो॥
खुने़ॽ खामाक्मान् ताःप्मानुःल्ले़ तगिए, युःन्छिक्पा खाधाम्मो थे़गु माङ्वाहाॽओ खिनिॽ लाङ्हाॽ तोःक्मानुःल्ले़ तगिए यहवे दाङ्बा खिनिॽ निङ्वाॽफुमाङ्ङिन् मिङ्सो इङ्धाङ् पिरे़म्मे़ॽओ॥ खिनिॽग से़न्दाङ्गे़न् ओःत्तिःन् ओमे़प्मा निङ्वाॽ के़जोगुम्लो कर खुने़ॽ खे़न् खामाक्मो ले़क्खुआङ् माक्सिःङ्ग्याःप्पा चोगुरो॥
“‘कन् कुनिङ्वाॽ के़जिःप्पा माङ्निङ्वाॽपान् के़बाःप्पाहाॽरे़ नुॽमादामा सनारुङ् होप्माए होःप्साङ् आङ्गाॽ आमनाहाॽ अक्खे मे़मे़त्तुसिआङ् इङ्मे़ले़क्तुसिॽ, “के़रे़क् पाःन्हाॽओ नुॽमादामा सनारुङ् वाॽ” खे़ल्ले़चोगुल्ले़ अक्खे पोङ्ॽ! कङ्ग मनाहाॽरे़ चे़ल्लुङ्गेःक्वा लुङ्धाक् मे़से़त्तुआङ् ये़प्पा कुइसिक् चोक् हे़क्क्याङ् कन् माङ्निङ्वाॽपान् के़बाःप्पाहाॽरे़ आल्लसाङ् कुभरा खाम्मिल्ले़ हिप्मा मे़गोःत्तुॽ!
के़माबा, खे़न् के़ले़ङ्बा के़बेःक्पाहाॽ आङ्गाॽ कोःत्तुङ्सिङ्ॽ, हे़क्क्याङ् से़ःप्तुङ्सिङ्ङाङ् खे़ङ्हाॽ याम्मो हिम्मो तारुङ्सिङ्ॽ॥ आङ्गाॽ के़गाःम्बाहाॽ सिदाॽपाङ्दाॽ खेःक्खुङ् पिरुङ्सिङ्ॽ हे़क्क्याङ् मे़न्धुम्मनाबाहाॽ के़धुम्बा चोगुङ्सिङ्ॽ॥ कर आङ्गाॽ खे़न् के़मे़ॽबाहाॽ नु के़धुम्बाहाॽ मे़क्खुङ्सिङ्ॽ॥ आङ्गाॽ खे़ङ्हाॽ कुजा चाःत्तुङ्सिङ्ॽ, ओवा आङ्गाॽ खे़ङ्हाॽ कुदोःप्मा खासे़न् चोगुङ्सिङ्ॽ!
Piblisite