यर्मिया 50:46 - लिम्बु46 अक्तङ्बा अःक्मा इक्लाःल्ले़ योॽबान् यङ्लो, बेबिलोने़न् मे़देॽरुआङ् वाॽरो! हे़क्क्याङ् कल्ले़ कुगिमा कुयङ्मा इक्लान् इक्सादिङ् खाम्बेःक्मो के़रे़क् खे़म्दे़त्लो॥” Gade chapit la |
यर्मिया 50:46
14 Referans Kwoze
कन् चोःन्दे़बा इक्लाःल्ले़ आङ्गाॽ मे़न्छाम् सुवाङ्हाॽ किमे़ल्ले़ थे़गक्कक्ना मे़यक्खे़र चोगुङ्, थेआङ्भे़ल्ले़ खे़मादिङ् यङ्सङ्ङो के़धासिङ्बा वेॽ के़रे़क्नु सोरिक् इपुङ्ङो आङ्गाॽ कन् मु पाङ्घुङ्॥ हे़क्क्याङ् अदनबा के़रे़क् सिङ्बुङ्हाॽ, ले़बनानबा साॽरिक् नुबा नु चाॽरिक् के़घे़म्सिङ्बा यरिक् च्वाःत्हाॽओ थारिक् के़बेःक्पा सिङ्बुङ्हाॽरे़, इक्सादिङ् खाम्बेःक्मोबा लुम्बाःत्हाॽनु हाङ्हाङ् मे़त्छिङ्मा मे़घोसु॥
ओरो, आङ्गाॽ यरिक् लाजेॽहाॽ चिजिङ् यङ्मा से़रुङ्सिङ्लो, हे़क्क्याङ् खे़ने़ॽ के़दॽयान् फे़म्मो खे़प्मोबा हाङ्हाॽ किमा यङ्माओ मे़धारो॥ खे़ने़ॽ के़मे़क्मा ये़न्नो आङ्गाॽ खे़ङ्हाॽरे़ खुन्छिॽ तगि आदाभेन् से़ल्ले़ङ् से़ल्ले़ङ् हिक्खुङ्ङिल्ले़ खे़ङ्हाॽ आसे़त् फाॽआङ् किमे़ल्ले़ चिरिम्लिम्ना मे़यङ्लो॥
मुक्साम्दाङ्बा यहवे दाङ्बे़ल्ले़ कुजे़ल्ले़क्सेॽ इक्किङ्ग इस्राइलबा हिम्सयङ्लो, हे़क्क्याङ् यहुदाबा मनाहाॽग खुने़ॽ कुयाम्नाःम्मिल्ले़ सिङ्सेॽ इक्लो॥ खुने़ॽग नुबा खासे़न् पोङ् के़लॽबा निङ्साङ् चोगुरो, कर माक्खिॽ वरक् पोःक्खे़रो, साम्योबा पोङ् के़लॽबा निङ्साङ् चोगुरो, कर तुक्खेलाक्खे नु मे़रिङ् पोःक्खे़रो॥
मोआबरे़ कुलागि आङ्गाॽ आनिङ्वान् हाःप्लो, थेआङ्भे़ल्ले़ कन् मोआब के़युङ्बा अप्मिबाहाॽ सोअर थारिक् नु एग्लत-सलिसिया थारिक्के मे़घे़त्छिङ्ङाङ् मे़बेःक्लो॥ लुहितबा थाम्माङ्बा लाम्मो खे़ङ्हाॽ मे़हाःप्ल मे़धोःक्सिङ्लो हे़क्क्याङ् होरोनैमबा लाम्मो खे़ङ्हाॽरे़ आबाङे खुन्छिॽ मे़क्मा सिमे़न्ले़ कुयाःम्बेॽओ मे़रिङ् मे़धक्लो॥
कर यहवे दाङ्बाए, खे़ने़ॽग से़क्खाबा निङ्वाॽफुमाङ्ने़रो, खे़ने़ॽग कुहिङ्वे़त् निङ्वाॽफुमाङ्ने़रो हे़क्क्याङ् नुप्मे़न्दिङ्बा पयम् यम्बा हाङ्ने़रो॥ खे़ने़ॽ के़याःक्ले़ॽइल्ले़ इक्सादिङ् खाम्बेःक्मान् लोःक्खुरो॥ इक्सादिङ् खाम्बेःक्मोबा आत्तिन् मे़न्छाम् सुवाङ्हाॽआङ् के़सिक् पोःक्किल्ले़ के़दगि ये़प्मा मे़न्छुक्ने़न्लो॥”
चाराम्मादे़न्नोबा मे़ल्लुक्हाॽ पित्चाक् पित्चाक् पित्तुसिर यर्दनबा तुम्भुङ्लाहाॽओलाम् थे़रिङ्बे़न् लःम्भे़म्बा कुइसिक् आङ्गाॽ ताआरो॥ एदोमे़न् कुलाजेॽलाम् नाःत्तुङ्लो, हे़क्क्याङ् सेगुङ्बा लाम्लोबान् युक्तिङ् चोगुङ्लो॥ थेआङ्भे़ल्ले़ आङ्गाॽ हे़क्तङ्बा हात् वाॽबे? खे़ब्याङ् हाःत्ले़ आङ्गाॽ खे़माॽ साःप्मा सुक्काबे? आत्तिन् युक्साबे़ल्ले़ आनिङ्वान् अप्मा सुक्तुबे?”
Piblisite