यर्मिया 50:42 - लिम्बु42 खे़ङ्हाॽरे़ लिहाॽ नु लाःक्हाॽ फे़जुम्भे़या मे़गत्तुरो॥ खे़ङ्हाॽ के़आःम्बा कुॽइगे़भे़म्बा मे़जोक्लो हे़क्क्याङ् खुन्छिॽ लुङ्माॽ स्याःत् मे़लॽने़न्लो॥ खे़ङ्हाॽरे़ अन्हाॽ मे़युक्तुसिआङ् तगि मे़भे़न्लो, हे़क्केःल्ले़ वरःङ्ङिन् सःक्पा हे़क्के लॽरो॥ खे़ङ्हाॽ थङ् के़जोःक्पा परिक्ले़ मे़भे़न्लो, खे़ने़ॽ बेबिलोने़न् मे़ङ्मा फाॽआङ् मे़मुन्छिङ्लो॥ Gade chapit la |
यर्मिया 50:42
23 Referans Kwoze
आनिगे निङ्मिहाॽ दानबा ये़क्यक्को मे़गे़रे़ मे़द्ये़रो, खे़ङ्हाॽरे़ खुन्छिॽ अन्हाॽ हे़ःक्हे़ःक् मे़लॽरे़बा आनिगे खे़प्सुम्बे़रो॥ खे़न् अन्हाॽ इहे़हे़ मे़लॽइल्ले़ काक् लाजेन् लोःक्खुरो॥ खे़ङ्हाॽ आनिगे लाजेॽओ के़वाॽबा के़रे़क् पाःन्हाॽ, आनिगे ये़क्यक् नु खे़प्मोबा के़रे़क् यक्युङ्बाहाॽ मे़ङ्मासिरे़ लागि खे़ङ्हाॽ कप्मो मे़द्ये़आङ् मे़वाॽरो॥”
आङ्गाॽ सेगुङ्सिङ्बा आमनाहाॽनु आयाक् ले़ॽरे़आङ् वयाङ्लो, हे़क्क्याङ् आङ्गाॽ खे़ङ्हाॽ आबाङे आमना हे़क्के नुरिक् मे़म्मे़प्पासिरो॥ आङ्गाॽ खे़ङ्हाॽ खे़ने़ॽ के़हुक्को थासुङ्सिङ्लो, कर खे़ङ्हाॽ खे़ने़ॽ लुङ्माॽ के़न्दुक्तुसिल्लो॥ काप्पोबा काप्मुमाहाॽआङ् खे़ने़ॽ साॽरिक् के़लिःप्पा के़गक्किन् के़गुःत्तुसिरो॥
खे़ङ्हाॽरे़ खुन्छिॽ तोःङ्हाॽ हासम्सम्बा चोक्लो, हे़क्क्याङ् थङ् चोःक्मारे़ लागि लिओ मे़घिङ्घुआङ् पत्लो॥ खे़ङ्हाॽरे़ खुन्छिॽ अन्हाॽरे़ लाङ्सुःप्पिन् लुङ्से़रुङ्बा कुइसिक् चोक्लो, खे़म्ब्याङ् खे़ङ्हाॽरे़ खुन्छिॽ अन्लाहाॽरे़ काप्लोःक्किङ्ग सुरित् केजङ् हे़क्के के़सुक्पा चोक्लो॥
खिनिॽ लुङ्माॽ के़दुक्पा के़रे़क्ले़ खिनिॽ निङ्वाॽ के़म्भेःत्छिरो, खे़ङ्हाॽरे़ खिनिॽ थेआङ् कम्ब्राङ् के़मे़म्मे़त्तिन्लो॥ आङ्गाॽ निङ्मिहाॽ कुइसिक् खिनिॽ तुक्खे चाःत्निङ्लो॥ खिनिॽ सम्धाङ् के़साक्पा खुम्दिङ्ङिन् चुक्ते़आङ् वाॽरो थेआङ्भे़ल्ले़ खिनिॽ लायोहाॽ यरिक् वाॽरो हे़क्क्याङ् खिनिॽ कुॽइभे़म्मे़न् साॽरिक् यम्बा चोक्लो॥
थेआङ्भे़ल्ले़ थाङ्गे़त् ले़प्माङ्लाम् यम्बा सुवाङ्बा थक्सुबाहाॽ फोःक्खुङ्सिङ्ल पत्तारो॥ बेबिलोने़न् फप्मारे़ लागि थक्सुबाहाॽओ खे़ङ्हाॽ मे़भुङ्सिङ्लो॥ हे़क्क्याङ् खे़न् लाजेन् हुक्को मे़धासुरो॥ निङ्मिहाॽरे़ खुन्छिॽ तोःङ्हाॽ कुदोःप्मा पेःक्लो, खे़ङ्हाॽरे़ मे़सोःक्तुबान् मे़न्याङ्ङे मे़न्आबुन्लो!
“मे़न्छाम् सुवाङ्हाॽओ मिक्सेन् निसान फोःक्खे़म्मे़ॽओ॥ थङ् इक्लान् मुक्खे़म्मे़ॽओ! बेबिलोनरे़ कुदक्ले़ङ्वाओ खे़ङ्हाॽ के़रे़क् मुरा मे़त्ते़म्सिम्मे़ॽओ! खे़ल्ले़ कुदक्ले़ङ्वाओ थक्मारे़ लागि खे़ङ्हाॽ यारिप् चोगे़म्सिम्मे़ॽओ! आरारातबा, मिन्निबा नु असकनजबा थक्सुबाहाॽ खिनिॽ फे़त्ते़म्सिम्मे़ॽओ॥ लत्छा थक्मोबा थिक् युक्तिङ् चोगे़म्मे़ॽओ, निःङ्खुःक्वाःल्ले़ कुबन्ज्याङ्माहाॽ हे़क्के आत्तातान्ने यरिक् अन्हाॽ तारे़म्सिम्मे़ॽओ!
“खे़ल्ले़चोगुल्ले़, आङ्गाॽ मुक्साम्दाङ्बा यहवे दाङ्बे़ल्ले़ अक्खे पाःत्तुङ्ॽ—तुरोस ये़क्यक्के, आङ्गाॽ खे़ने़ॽ के़निङ्मिआ, खे़ने़ॽ के़वःरङ्ङिङिल्ले़ कुयाओ तुङ्गोदिङ् वरःङ्ङोबा वाभे़ल्ले़ङ्ङिन् हुःक्तुबा कुइसिक् आङ्गाॽ खे़ने़ॽ के़दक्ले़ङ्वाओ यरिक् मे़न्छाम् सुवाङ्हाॽ तारुङ्सिङ्ॽ॥
Piblisite