Biblia Todo Logo
Bib sou entènèt

- Piblisite -




यर्मिया 50:36 - लिम्‍बु

36 सिक्‍कुम्‍साबा कुसुजासाबाहाॽ ताभेःल्‍ले़ च्‍ये़प्‍तुसिरो, हे़क्‍क्‍याङ् खे़ङ्‌हाॽ अदङ् मे़बोङ्‌लो॥ खे़ल्‍ले़ के़धुम्‍बा कुधक्‍सुबाहाॽ ताभेःल्‍ले़ च्‍ये़प्‍तुसिरो, खे़ब्‍याङ् खे़ङ्‌हाॽ किमा यङ्‌मे़ल्‍ले़ ते़म्‍सुसिरो॥

Gade chapit la Kopi




यर्मिया 50:36
22 Referans Kwoze  

ओमे़त्ते़म्‍मे़ॽ! किःत्‍थे़न् हे़क्‍के निङ्‌मिन् सुःक्‍थारो, बोज्राःल्‍ले़ कुसम्‍धाङ् कुलाप्‍पिन् हम्‍भे़ मे़त्तुरो॥ सागप्‍मा तुङ्‌ङिल्‍ले़ तरुमा मे़न्‍छुमान् कुइसिक् मुक्‍के़गुबा थक्‍सुबाहाॽआङ् खुन्‍छिॽ सक्‍मा पुॽरो॥


खे़ने़ॽ के़धक्‍सुबाहाॽ ओमे़त्ते़से़ॽओ, खे़ङ्‌हाॽ के़रे़क् मे़न्‍छुमारक् मे़वाॽरो॥ खे़ने़ॽ के़लाजेॽओबा यम्‍बा लाम्‍धेःत्‍हाॽग खे़ने़ॽ के़निङ्‌मिहाॽरे़ लागि हङ्‌बे़त् पत्‍लो, खे़ल्‍ले़ कुए़प्‍माहाॽग मिःल्‍ले़ थ्‍यःङ् चोगुआङ् पत्‍लो॥


आङ्‌गाॽ इङ्‌ले़क् माङ्‌निङ्‌वाॽपान् के़बाःप्‍पाहाॽरे़ खुनिॽ मिक्‍सेःन्‍निन् कुसुम् मे़न्‍दम्‍मनाबा चोगुङ्‌लो, हे़क्‍क्‍याङ् थुम्‍म्‍या के़इबाहाॽ अदङ् चोगुसिङ्‌लो॥ आङ्‌गाॽ सिक्‍कुम्‍साबा मनाहाॽरे़ खुन्‍छिॽ ने़हिनिङ्‌वान् खादाःक्‍पा चोगुङ्‌लो, खे़ब्‍याङ् खे़ङ्‌हाॽ खासिङ् मे़न्‍निःप्‍मना मे़बोङ्‌ल चोगुङ्‌सिङ्‌लो॥


कर कोःत्‍चो हे़क्‍तङ्‌बा ये़प्‍ले़क् के़गप्‍पाहाॽ, निङ्‌वाॽ के़माबा कित्‍चाक् के़जोःक्‍पाहाॽ, चागे़राम्‍बाहाॽ, मना के़से़प्‍पाहाॽ, नावाइत्‍ला माङ्‌गे़घबाहाॽ हे़क्‍क्‍याङ् काक् इङ्‌ले़क् पाःप्‍मा खुनिॽ सिराॽ के़धाङ्‌बाहाॽ नु इङ्‌ले़क् के़बाःप्‍पाहाॽ लाःक्‍कात्ते मे़वाॽरो॥


कर किस्रुक्‍पाहाॽ, नसान् मे़न्‍जोःक्‍मनाबाहाॽ, फे़क्‍के़लाॽबाहाॽ, मना के़से़प्‍पाहाॽ, ताप्‍फे़ःम्‍बा याःम्‍बक् के़जोःक्‍पाहाॽ, फे़न्‍साम् मुन्‍धुम् के़नाःप्‍पाहाॽ, नावाइत्‍ला से़वा के़जोःक्‍पाहाॽ नु इङ्‌ले़क् के़बाःप्‍पाहाॽरे़ खुनिॽ वाॽमादे़ङ्‌ग कान्‍धाक् नु मि के़दिःप्‍पार के़बप्‍पा लुम्‍बाःत्तो पोङ्‌लो॥ खे़ङ्‌ग निसिगेक्‍पा सिमे़न्‍लो॥”


हे़क्‍क्‍याङ् खे़न् किप्‍मा के़घुबा थक्‍सान् नु खुने़ॽ कुदगि निङ्‌वाॽ के़माबा याःम्‍बक् के़जोःक्‍पा खे़न् इङ्‌ले़क्‍पा माङ्‌निङ्‌वाॽपान् के़बाःप्‍पे़न् मे़दे़म्‍सुसिरो॥ खे़ल्‍ले़ मुक्‍साम्‌रे़ कुधिम्‍बा निङ्‌वाॽ के़माबा याःम्‍बक्‍हाॽरे़ खे़न् किप्‍मा के़घुबा थक्‍साःल्‍ले़ इबुगे़न् कुमिक्‍सेन् के़लक्‍पा नु कुनावाइत्‍लान् से़वा के़जोःक्‍पाहाॽ इङ्‌ले़क्‍तुसिआङ् वये़रो॥ खे़ङ्‌हाॽ ने़प्‍माङ् कुहिङ्‌वे़त्ते कान्‍धाक् के़दिःप्‍पा मिराःक् लुम्‍बाःत्तो लाप्‍मे़भुसुसिरो॥


खे़ङ्‌ग आङ्‌दिङ् लॽमारे़ यम्‍बा ले़ङ्‌सिङ्‌ङाङ् वाॽ, हे़क्‍क्‍याङ् खे़ल्‍ले़ थेआङ् मे़ले़स्‍सुन्‍लो॥ कर कुबुङ्‌ना कुसम्‍बा पाःन्‍सुत्‍लाओ पाःन्‍थक्‍काङ् खे़माॽ चोगुरो॥ हे़क्‍क्‍याङ् खे़न् पाःन्‍निल्‍ले़ नाहे़म्‍मा, खे़माॽ, चाःत्‍थि पेःक्‍मा नु ताप्‍फे़ःम्‍बा चप्‍चिहाॽरक् तारुरो॥


कन् निसाम्‍हाॽग निङ्‌वाॽ के़जिःप्‍पा इङ्‌ले़क् के़बाःप्‍पाहाॽलाम् ताःरो॥ खे़ङ्‌हाॽरे़ खुनिॽ खासिङ्‌ङिङ्‌ग के़गोबा फे़न्‍जेॽइल्‍ले़ ये़म्‍माआङ् के़धःप्‍पा के़बोङ्‌बा कुइसिक् थेआङ् निङ्‌वाॽ मे़ङ्‌घोम्‍नाबा पोङ्‌लो॥


खे़ने़ॽ के़निबाहाॽ के़रे़क् खे़ने़ॽलाम्‍बा मे़घे़त्‍छिङ्‌लो, हे़क्‍क्‍याङ् खे़ङ्‌हाॽरे़ अक्‍खे मे़बाःत्तुरो, ‘निनबेःङ्‌ग खाप्‍पुथ्‍यःङ् पोःक्‍खे़आङ् ने़रो॥ खे़ल्‍ले़ कुलागि हात् मे़रिङ् थक्‍पाबे?’ खे़ने़ॽ सनारुङ् के़बिबा मना आङ्‌गाॽ आत्ति खोमाबे?”


निनबेबा मनाहाॽग वरक्‍कोबा च्‍वाःत्तिन् हबेःक्‍पा कुइसिक् मे़जोक्‍लो, “सप्‍फारो! सप्‍फारो, मे़घे़त्तासिम्‍मिन्‍ने़ॽ!” लॽरिक् खे़ल्‍ले़ मे़त्तुसिरो, कर आत्तिन्‍नाङ्‌ एगाङ् मे़हिसिङ्‌ङिन्‍लो॥


के़रे़क् खे़त्‍छिङ्‌मा लाम्‍हाॽ मे़साक्‍तुआङ् ने़रो॥ वजिम्‍बेॽहाॽओ मि मे़गेःत्तुआङ् ने़रो, हे़क्‍क्‍याङ् थक्‍सुबाहाॽ साॽरिक् मे़गि मे़यङ्‌लो॥”


खे़ल्‍ले़ मुक्‍कुम्‍बा कुधक्‍सुबाहाॽ याम्‍मो थङ् मे़न्‍जोःक्‍ने़न्‍लो॥ खे़ङ्‌हाॽ थक्‍सुबा यक्‍हाॽओ मे़युङ् मे़गन्‍लो, खे़ङ्‌हाॽरे़ खुन्‍छिॽ आःन्‍छिङ्‌मान् मये़बेरो॥ खे़ङ्‌हाॽ मे़न्‍छुमा हे़क्‍तङ्‌मा मे़बोःक्‍खे़आङ् मे़वाॽरो॥ लाजेॽ के़लिबाहाॽरे़ हिम्‍हाॽ मिमे़धिक्‍खुआङ् ने़रो हे़क्‍क्‍याङ् ये़क्‌यक्‍कोबा पयम् लाम्‍धेःप्‍पाहाॽ मे़लुःन्‍दुरो॥


खे़ने़ॽलाम् मे़ल्‍लुक्‍कम्‍बाहाॽ नु मे़ल्‍लुक् लुप्‍हाॽ, याःन्‍गे़मबा के़जाबाहाॽ नु से़गम्‍बा कुगाप्‍हाॽ, सुहाङ्‌युक्‍पाहाॽ नु सुहाङ्‌गे़म्‍बाहाॽ चिधक् चिधक् थगुङ्‌सिङ्‌लो॥


खे़ल्‍ले़ थाङ्‌बे़न् कुमनाहाॽ माराम्‍हाॽओ मे़जोन्‍लो, खे़न् ये़न्‍नो खे़ल्‍ले़ कुधक्‍सुबाहाॽ मे़से़रुसिरो,” यहवे दाङ्‌बे़ल्‍ले़ पाःत्तुरो॥


यहवे दाङ्‌बे़ल्‍ले़ अक्‍खे पाःत्तुरो, “खे़ल्‍ले़ कुसाक्‍साक् लॽमे़न् आङ्‌गाॽ निसुङ्‌लो, कर खे़ल्‍ले़ कुहे़न्‍छिङ्‌माङ्‌ग खुने़ॽ चोगुबा थेनाधेबा कुयाःम्‍बक्‍हाॽ हे़क्‍तङ्‌बा चोक्‍लो॥


इस्राइलबा सेसेबा निङ्‌वाॽफुमाङ्, खे़निॽ ताङ्‌गे़से़ःप्‍पा यहवे दाङ्‌बे़ल्‍ले़ अक्‍के पाःत्तुरो, “खे़निॽ ताङ्‌से़ःप्‍मारे़ लागि बेबिलोन ये़क्‌यक्‍किल्‍ले़ कुदक्‍ले़ङ्‌वाओ थक्‍सुबाहाॽ पाङ्‌घुङ्‌सिङ्‌लो, आङ्‌गाॽ खे़न् साॽरिक् आङ्‌दिङ् के़लॽबा बेबिलोनिहाॽ वालाधाहाॽओ मे़घे़त्‍छिङ्‌ल याःन्‍दुङ्‌सिङ्‌लो हे़क्‍क्‍याङ् खे़ॽयोबा मनाहाॽ मे़हाःप् मे़जिःङ्‌लो॥


खे़न् मनाःन् पारे़आङ् पत्‍छे़ल्‍ले़ अमस्‍याह हाङ्‌ङिल्‍ले़ खुने़ॽ मे़त्तु, “थे आनिगे खे़ने़ॽ हाङ्‌जुम्‍मोबा सुजासाबा युक्‍तिङ् चोःक्‍कासिगे़आङ् वये़बि? मे़म्‍बाःत्ते स्‍वाःत्! थेआङ् खे़ने़ॽ के़हिङ्‌मे़न् के़साक्‍पो के़धासु?” खे़न् माङ्‌निङ्‌वाॽपान् के़बाःप्‍पे़न् पाःप्‍मा नाॽमानुःल्‍ले़ तगि अक्‍खे लॽरे़, “आदाङ्‌बारे़ अक्‍खे के़जोगुआङ् आङ्‌गाॽ आसुजान् के़ङ्‌घे़प्‍सुम्‍बे़ल्‍ले़ चोगुल्‍ले़ निङ्‌वाॽफुमाङ्‌ङिल्‍ले़ आदाङ्‌बा मे़ङ्‌मा निःन्‍धो चोगुआङ् वाॽ के़लॽबा आङ्‌गाॽ निसुङ्‌ङाङ् वाॽरो॥”


हे़क्‍क्‍याङ् अब्‍सालोम नु इस्राइलबा के़रे़क् मनाहाॽरे़ मे़बाःत्तु, “अरकि हुसैःल्‍ले़ अहितोपेलनुःल्‍ले़आङ् नुबा सुजा आबिरे़आङ् वाॽ॥” कङ्‌ग अहितोपेलरे़ कुसुजान् फे़त्‍लाःम्‍मा नु अब्‍सालोमरे़ कुमे़क्‍मे़न् यहवे दाङ्‌बे़ल्‍ले़ कुनिङ्‌वाॽ वये़रो॥


हे़क्‍क्‍याङ् दाउदे़न् कुभारे़ मे़मे़त्तु, “अहितोपेले़न् चे़म्‍भन् के़जोःक्‍पाहाॽनु अब्‍सालोम ले़प्‍माङ् लासे़आङ् वाॽ॥” हे़क्‍केःल्‍ले़ दाउदरे़ अक्‍खेलॽरिक् तुवा चोगे़, “यहवे दाङ्‌बाए, अहितोपेलरे़ कुसुजान् हने़बा चोगे़ॽओ॥”


Swiv nou:

Piblisite


Piblisite