यर्मिया 50:32 - लिम्‍बु

³² आङ्‌दिङ् के़लॽबा लाजेॽए, खे़ने़ॽ के़दोःक्‍काङ् के़जोःन्‍लो हे़क्‍क्‍याङ् खे़ने़ॽ आत्तिल्‍ले़आङ् के़म्‍भोःङ्‌ने़न्‍लो॥ थेआङ्‌भे़ल्‍ले़ बेबिलोनबा के़ये़क्‌यक्‍हाॽओ आङ्‌गाॽ मिभाःत्‍त्रा केःत्तुङ्‌लो खे़ल्‍ले़ खे़ङ्‌हाॽ खिर्लिबा के़रे़क् पाःन्‍हाॽ मिधिक्‍खुरो॥”

यर्मिया 50:32 Referans Kwoze

यर्मिया 49:27

“हे़क्‍क्‍याङ् दमस्‍कसबा लुङ्‌धाक्‍हाॽओ आङ्‌गाॽ मि फाःत्‍त्रा केःत्तुङ्‌लो खे़ल्‍ले़ बेन-हददबा हाङ्‌हिम्‍हाॽ मिधिक्‍खुरो॥”

यर्मिया 21:14

कर खिनिॽ याःम्‍बक्‍हाॽरे़ लागि खुम्‍दिङ् पिनिङ्‌लो॥ आङ्‌गाॽ खिनिॽ ताम्‍भुङ्‌हाॽओ मि केःत्तुङ्‌लो हे़क्‍क्‍याङ् मिःल्‍ले़ खिनिॽ पिसाङ्‌बा काक् पाःन्‍हाॽ खाप्‍पुथ्‍यःङ् चोगुरो॥ आङ्‌गाॽ यहवे दाङ्‌बे़ल्‍ले़ पाःत्तुङ्‌ङाङ् वाॽरो॥’”

सुफो 18:8

खे़ल्‍ले़चोगुल्‍ले़ थिक् ये़न्‍नोए खे़ल्‍लो सिमे़न्, मे़रिङ् थक्‍मे़न्, हे़क्‍क्‍याङ् साक्‌वाःल्‍ले़न् मिन्‍देॽइन् ताःरो॥ हे़क्‍क्‍याङ् खे़न् मे़न्‍छुमाॽइन् मिःल्‍ले़ खाप्‍पुथ्‍यःङ् पोङ्‌लो, थेआङ्‌भे़ल्‍ले़ खे़न् खुम्‍दिङ् के़बिबा निङ्‌वाॽफुमाङ्‌ङिङ्‌ग मुक्‍साम्‍दाङ्‌बा चोक्‍लो॥’”

आमोस 2:5

आङ्‌गाॽ यहुदाओ मि केःत्तुङ्‌लो, हे़क्‍क्‍याङ् खे़ल्‍ले़ यरुसले़ःम्‍बा यक्‍हाॽ थ्‍यःङ् मिधिक्‍खुरो॥”

आमोस 2:2

आङ्‌गाॽ मोआबओ मि केःत्तुङ्‌लो हे़क्‍क्‍याङ् खे़ल्‍ले़ किर्योतबा यक्‍हाॽ खाप्‍पुथ्‍यःङ् चोगुरो॥ मोआबे़न् हयङ्‌किल्‍लिङ्, यम्‍बा थङ् इक्‍ला हे़क्‍क्‍याङ् थुत्तुरिःप्‍पा लाइक्‍पा इक्‍लाओ मे़क्‍लो॥

आमोस 1:14

आङ्‌गाॽ रब्‍बाबा लुङ्‌धाक्‍हाॽओ मि केःत्तुङ्‌लो, हे़क्‍क्‍याङ् खे़ल्‍ले़ खे़प्‍मोबा यक्‍हाॽ खे़न् थङ् पोङ्‌बा ये़न्‍नो हयङ् किल्‍लिङ्‌नु सोसोरिक् सुरित् केजङ् हुबा ये़न्‍नो खे़न् पयम् यम्‍बा के़इक्‍सिङ्‌बा सुरित् केजङ्‌ङिल्‍ले़ खाप्‍पुथ्‍यःङ् चोगुरो॥

आमोस 1:12

आङ्‌गाॽ तेमानओ मि केःत्तुङ्‌लो, हे़क्‍क्‍याङ् खे़ल्‍ले़ बोज्राबा यक्‍हाॽ खाप्‍पुथ्‍यःङ् मिधिक्‍खुरो॥”

आमोस 1:10

आङ्‌गाॽ तुरोसबा लुङ्‌धाक्‍हाॽओ मि केःत्तुङ्‌लो हे़क्‍क्‍याङ् खे़ल्‍ले़ कुयक्‍हाॽ खाप्‍पुथ्‍यःङ् मिधिक्‍खुरो॥”

आमोस 1:7

आङ्‌गाॽ गाजाबा लुङ्‌धाक्‍हाॽओ मि केःत्तुङ्‌लो, हे़क्‍क्‍याङ् खे़ल्‍ले़ कुयक्‍हाॽ के़रे़क् खाप्‍पुथ्‍यःङ् मिदिक्‍लो॥

आमोस 1:4

आङ्‌गाॽ हजाएलरे़ कुहिम्‍मो मि केःत्तुङ्‌लो हे़क्‍क्‍याङ् खे़ल्‍ले़ बेन-हददरे़ कुयक्‍हाॽ खाप्‍पुथ्‍यःङ् चोगुरो॥

दानिए़ल 5:20

कर खुने़ॽ कुनिङ्‌वान् यम्‍बा हे़न्‍छिङ्‌मारे़ पाःन्‍मे़ङ्‌घे़म्‍मनाबा नु आङ्‌दिङ् के़लॽबा पोःक्‍खे़आङ् हाङ्‌युक्‍नाओलाम् खुने़ॽ मे़लःत्तु मे़देसु हे़क्‍क्‍याङ् कुमिमिदिङ्‌ङिन् खुने़ॽ मे़नाप्‍तु॥

यर्मिया 51:64

खे़ब्‍याङ् मे़त्ते़से़ॽ, ‘आङ्‌गाॽ खे़ल्‍ले़ कुसम्‍धाङ् तारुङ्‌बा मे़क्‍मा सिमे़ल्‍ले़ चोगुल्‍ले़ आम्‍भा कम्‍भलॽरिक्‍के आभे़ल्‍ले़आङ् पोःक्‍मा मे़न्‍छुक्‍के थारिक् बेबिलोने़न् नु कुमनाहाॽ मे़निःम् मे़लात्॥’” यर्मियाःल्‍ले़ कुइङ्‌घङ्‌हाॽ आम्‍भा कप्‍मोए नुप्‍लो॥

यर्मिया 51:26

खे़ने़ॽ सदादिङ्‌ले़ लागि चिजि खक्‍खक् के़बोङ्‌लो॥ खे़ने़ॽओ के़याक्‍पा लुङ्‌हाॽआङ् हिम् चोःक्‍मारे़ लागि आभे़ल्‍ले़आङ् ओगप्‌ मे़बोङ्‌ने़न्‍लो॥ खे़ने़ॽ वरे़ङ्‌ले़ङ् के़म्‍दुःक् के़म्‍देरो,” यहवे दाङ्‌बे़ल्‍ले़ अक्‍खे पाःत्तुरो॥

खाहुन् 18:12

मे़क्‍मानुःल्‍ले़ तगि मनाःल्‍ले़ कुसिक्‍लुङ्‌मे़न् आङ्‌दिङ् लॽरो, कर मिङ्‌सो थाङ्‌सो तामानुःल्‍ले़ तगि चुङ्‌जिगे़न् तारो॥

खाहुन् 16:18

मे़क्‍मानुःल्‍ले़ तगि आङ्‌दिङ् लॽमान् नु खाप्‍पुथ्‍यःङ् पोङ्‌मानुःल्‍ले़ तगि यम्‍बा हे़न्‍छिङ्‌मा याम्‍साम् तारो॥

साम्‌योथिम् इङ् 32:22

थेआङ्‌भे़ल्‍ले़ आसाक्‍के़न्‍निल्‍ले़ मिधुङ् मिराःक् पोगे़रो, खे़ल्‍ले़ सिगाङ् मु सिमे़ल्‍ले़ हाङ्‌जुम्‍मिन् मिधिक्‍खुरो॥ खे़ल्‍ले़ इक्‍सादिङ् खाम्‍बेःक्‍मान् नु खे़प्‍मोबा कुजान् खाप्‍पुथ्‍यःङ् चोगुरो, खम्‍भ्‍याङ् कोःक्‍मा युक्‍नाहाॽओ के़रे़क् मिधुङ्‌दिङ् मिराःक् केःत्तुरो॥

निङ्‌वाॽफु साम्‍लोसुम् 119:78

आङ्‌गाॽ इङ्‌ले़क्‍के फोत्‍या के़गुःप्‍पा के़हे़न्‍छिङ्‌बाहाॽ सिरिङ्‌ममो मे़धाररो, कर आङ्‌गाॽग के़इङ्‌जाङ्‌हाॽओ निङ्‌वाॽ पिरुङ्‌लो॥

आमोस 5:2

“सिसागे़न् मे़न्‍छ्‌या इस्राइले़न् याम्‍मो आभे़ल्‍ले़आङ् पोःक्‍मा मे़न्‍छुक्‍के थारिक् चोःन्‍दे़आङ् ने़रो, खे़न् आप्‍फेक् कुलाजेॽओ मे़नाॽरुआङ् ने़रो, खे़न् के़भोङ्‌बा हाःत्ताङ् मे़होप्‍लो॥”