के़मे़ङ्बा निङ्मिहाॽ बेबिलोनरे़ कुदक्ले़ङ्वाओ मे़दारो, के़धुम्बा कुधक्सुबाहाॽ मे़दे़म्सुसिरो, हे़क्क्याङ् खुन्छिॽ फे़जुम्भे़या खजुम्घयाहाॽ खे़ङ्हाॽरे़ खुन्छिॽ हुक्कोए मे़ए़क्खु मे़बिरुसिरो॥ थेआङ्भे़ल्ले़ यहवे दाङ्बा निङ्वाॽफुमाङ्ङिन् साम्योबा खुम्दिङ् के़बिबारो, कुले़क्वाग आभे़ल्ले़साङ् के़रे़क् के़नुःक्पा चोक्लो॥
यर्मिया 50:29 - लिम्बु29 “तोङ् लि के़याङ्बाहाॽ बेबिलोन मे़दार फाॽआङ् खिनिॽ इङ्घङ् हाक्ते़म्सिम्मे़ॽओ॥ ये़क्यक्किन् कब्रिङ् किर्गप् कबे़म्मे़ॽओ हे़क्केलॽरिक् आत्तिन्नाङ् खे़त्छिङ्मा मे़न्छुक्ने़न्लरो॥ खे़ल्ले़ वेॽहाॽ मे़त्तुसिआङ् वये़बा हे़क्केए खिनिॽआङ् खे़न् ताप्फे़ःल्लिक् मे़त्ते़म्मे़ॽओ, थेआङ्भे़ल्ले़ खे़ल्ले़ इस्राइलबा सेसे निङ्वाॽफुमाङ्, यहवे दाङ्बे़ल्ले़ कुदक्ले़ङ्वाओ आसुत्थो चोगुआङ् वाॽरो॥ Gade chapit la |
यर्मिया 50:29
28 Referans Kwoze
“खे़ने़ॽ आबाङे के़भे़न्याःम्बक्किल्ले़ से़ःप्पा लॽरिक् निःन्धो के़जोगुआङ् के़वाॽरो, हे़क्क्याङ् ‘आङ्गाॽ हाःत्ले़आङ् मे़निआन्’ के़लॽरे़आङ् के़वाॽरो॥ खे़ने़ॽ के़ने़हि नु के़निङ्वाःल्ले़ लाम् के़भोःत्ते़आङ् के़वाॽरो, खे़ने़ॽ के़निङ्वाॽओ अक्खे के़लॽरो, ‘आङ्गाॽएरो, आङ्गाॽनुःल्ले़ वेॽ हाःत्ताङ् होप्लो॥’
आल्ल आङ्गाॽ, नबुकदनेसररे़ साङ्ग्राम्पेदाङ्बा पयम् हाङ्ङिल्ले़ कुनारा, कुमिङ्सो कुधाःङ्सो फोसुङ्ॽ हे़क्क्याङ् मिमिदिङ् पिरुङ्ॽ, थेआङ्भे़ल्ले़ खुने़ॽ थे़मा चोगुसाङ् नुबा चोगुॽ, हे़क्क्याङ् कुयाःम्बक्हाॽ के़रे़क् कुदोःप्मा चोक्॥ हे़क्क्याङ् खुने़ॽ यम्बा के़हे़न्छिङ्बाहाॽ नःम्नःम्बा चोःक्मा सुक्तुसिरो॥
कल्ले़चोगुल्ले़ मोसान् नु हारुने़न् फारोओ पेसे़त्छिआङ् मे़त्ते़सु, “हिब्रुहाॽरे़ खुनिॽ निङ्वाॽफुमाङ् यहवे दाङ्बाल्ले़ पाःत्तुॽ, ‘आप्फाल्ले़ थारिक् खे़ने़ॽ आङ्गाॽ आदगि नःम्सिङ्मा के़न्दे़न्ने़म्बाबे? आङ्गाॽ आमनाहाॽ पेःक्मा फाःक्ते़से़ॽ हे़क्क्याङ् खे़ङ्हाॽ मे़बेःक्काङ् आङ्गाॽ माङ्से़वा मे़मे़त्तार॥
“थाङ्गे़त् पिसाङ्बा हाङ्ङिल्ले़ थे चोःक्मा कुसिराॽथाङ् हाबा खे़न्ने चोगुॽ॥ खुने़ॽ आप्फेक् के़रे़क् माङ्हाॽनुःल्ले़ थो यम्बा चोःक्सिङ्ॽ हे़क्क्याङ् के़रे़क्नुःल्ले़ यम्बा निङ्वाॽफुमाङ्ङिल्ले़ कुदक्ले़ङ्वाओ आप्फाल्ले़आङ् मे़ङ्घे़म्मेबा पान् पाःत्तुॽ॥ निङ्वाॽफुमाङ्ङिल्ले़ कुसिक् पोःक्मा ये़म्मिन् मे़न्नुप्पे थारिक् खे़न् कुलिङ्दो के़गे़प्पा पोङ्ॽ, थेआङ्भे़ल्ले़ थे़मा पाःन्निन् निःन्धो पोःक्खे़आङ् वाॽ, खे़न् पाःन्निन् के़प्माए पोङ्ॽ॥
खे़न्नुःल्ले़ग साङ्ग्राम्पेदाङ्बा यहवे दाङ्बे़ल्ले़ कुदक्ले़ङ्वाओ आप्फेक् के़बोगे़आङ् के़वाॽ॥ आदाङ्बारे़ खुने़ॽ कुहिम्मोबा चल्लाङ्ना खोर्याहाॽ खे़ने़ॽओ ताःप्मा के़बाङ्घुसि, हे़क्क्याङ् आदाङ्बा नु आदाङ्बारे़ के़सुहाङ्युक्पाहाॽ, आदाङ्बारे़ के़मेःत्हाॽ नु के़जक्मेःत्हाॽरे़ खे़न् सामाहाॽओ चे़ल्ले़क्सेॽ थि के़धुङुम्॥ खे़ब्याङ् मिक्मे़न्निमनाबा, नामे़ङ्घे़म्मनाबा नु खासिङ् मे़न्निःप्नाबा युप्पा, साम्म्याङ् कासा, फे़न्जेॽ, सिङ् नु लुङ् माङ्हाॽ मिङ्सो इङ्धाङ् के़बिरुम्सिम्॥ कर आदाङ्बारे़ के़हिङ्मन् नु आदाङ्बारे़ के़लाम्हाॽ हुक्को के़गप्पा कन् निङ्वाॽफुमाङ्ङिन् आदाङ्बारे़ मिङ्सो इङ्धाङ् के़म्बिरुन्॥
ओवा, माःङ्घा माःङ्घाबा लाजेॽहाॽलाम् खे़ल्ले़ कुदक्ले़ङ्वाओ त्ये़म्मे़ॽओ॥ खे़ल्ले़ कुजा युङ्मा थाःङ्हाॽ यसे़म् पिरे़म्मे़ॽओ॥ खे़ल्ले़ कुहिम्हाॽ नु कुलुङ्धाक्हाॽ उःक्पे़त् लुम्सिङ्ङाङ् ने़र लुःन्दे़म्देसे़म्मे़ॽओ॥ खे़न् युम्रे़क् मे़क्खे़म्मे़ॽओ, खे़ब्याङ् कुधे़माधिक्काङ् मे़ले़रे़म्मिन्ने़ॽओ!
थेआङ्भे़ल्ले़ थाङ्गे़त् ले़प्माङ्लाम् यम्बा सुवाङ्बा थक्सुबाहाॽ फोःक्खुङ्सिङ्ल पत्तारो॥ बेबिलोने़न् फप्मारे़ लागि थक्सुबाहाॽओ खे़ङ्हाॽ मे़भुङ्सिङ्लो॥ हे़क्क्याङ् खे़न् लाजेन् हुक्को मे़धासुरो॥ निङ्मिहाॽरे़ खुन्छिॽ तोःङ्हाॽ कुदोःप्मा पेःक्लो, खे़ङ्हाॽरे़ मे़सोःक्तुबान् मे़न्याङ्ङे मे़न्आबुन्लो!
किमा यङ्मालाम् इङ्ले़क्को के़ध्ये़रो, के़आङ्दिङ् के़लॽमालाम् वेॽहाॽ के़लिःक्तुसिरो॥ खे़ने़ॽ लुङ्याङ्पेॽ हाङ्यक्को के़युङ्लो हे़क्क्याङ् चन्जन्लुङ् कोःक्मा फाङ्जङ्हाॽ के़युक्तुरो॥ कर खे़ने़ॽ किःत्थहाॽनु सोसोरिक् थे़गु माङ्वाहाॽरे़ कुसम्मो हाप् के़जोगुसाङ्, आङ्गाॽ यो मक्थाःन्ने थाने़रो,” यहवे दाङ्बे़ल्ले़ पाःत्तुआङ् वाॽरो॥
खे़ल्ले़ कुजिःन्जिःन्घुमान् कुसिम्मो खिप्तुरो, खे़ल्ले़ के़दाबा ताप्फे़ःम्बा कुये़न्निन् निङ्वाॽ मे़इःत्तुन्लो॥ खे़ल्ले़ कुमे़क्मे़न् किप्मा के़घुबा चोगे़रो, खे़न् हाङ्हाङ् के़मे़प्पा हाःत्ताङ् होःप्ते़रो॥ “यहवे दाङ्बाए, आङ्गाॽ तुक्खे तुमुङ्बे़न् ओमे़त्ते़ॽओ, थेआङ्भे़ल्ले़ निङ्मिहाॽ के़नाःम्बा मे़बोःक्खे़आङ् वाॽरो॥”
Piblisite