यर्मिया 50:27 - लिम्बु27 खे़ल्ले़ कुम्बाबा कुबित्हाॽआङ् मे़क्खे़म्सिम्मे़ॽओ खे़ङ्हाॽआङ् खुन्छिॽ लागि किप्मा के़घुबा चोक्लो! खे़ङ्हाॽ के़रे़क् से़राम्सिम्मे़ॽओ! खे़ङ्हाॽग मे़जिःत्ते़ मे़स्ये़रो! थेआङ्भे़ल्ले़ बेबिलोनरे़ कुये़न्निन् निःप्मा ये़म् त्ये़आङ् वाॽरो॥ Gade chapit la |
यर्मिया 50:27
22 Referans Kwoze
“किमा यङ्माओ आत्तिन्हाॽ मे़घे़त्छिङ्ॽ खे़ङ्हाॽ चे़न्नो मे़धारो हे़क्क्याङ् आत्तिन्हाॽ चे़न्नोलाम् मे़भिःन्छिङ्ॽ खे़ङ्हाॽ इस्रुप्पा इजोओ मे़धारो॥ खिनिॽ पेःक्मा के़ङ्घोसिन्बान् आङ्गाॽ ओमे़त्तुङ्लो थेआङ्भे़ल्ले़ खिनिॽ खासे़न् चोःक्मा ये़म्मिन् त्ये़आङ् वाॽरो,” यहवे दाङ्बे़ल्ले़ पाःत्तुआङ् वाॽरो॥
“मनाहाॽरे़ आङ्गाॽ याःत्ताबान् मे़घे़प्सुआङ् वाॽरो, कर आङ्गाॽ हाङ्हाङ् के़मे़प्पा आत्तिन्नाङ् होप्लो॥ आङ्गाॽ के़रे़क् आनिङ्मिहाॽरे़ आये़त्तुक्खेन् मे़घे़प्सुआङ् वाॽरो, आदाङ्बारे़ अक्खे के़जोगुबाओ खे़ङ्हाॽ मे़सःत्लो॥ आदाङ्बारे़ उवा के़जोगुबा ये़न्निन् के़दारुरो, खम्भ्याङ् खे़ङ्हाॽआङ् आङ्गाॽ कुसिङ्बाए मे़बोङ्लरो॥
के़रे़क् मे़न्छाम् सुवाङ्हाॽरे़ खुने़ॽ कुयाःम्बक् मे़जोगुॽ हे़क्क्याङ् खुने़ॽ कुसुवाङ्हाॽरे़ खुन्छिॽ मे़क्मा ये़म्मिन् मे़न्दाए थारिक् खे़ङ्हाॽरे़ खुने़ॽ कुस्सान् नु कुम्मे़न्छाॽइन् याःम्बक् मे़जोगु मे़बिरुसिॽ॥ खे़न् एगाङ् यरिक् सुवाङ्हाॽ नु यम्बयम्बा हाङ्हाॽरे़ बेबिलोने़न् मे़नाःन्दुआङ् खे़प्मो हाङ्युक् मे़जोगुॽ॥
यहवे दाङ्बे़ल्ले़ कुदाभेन् माक्खिॽओ हुमे़आङ् वाॽरो, खे़न् सोःत्ते़ल्ले़ पन्छुआङ् पत्लो— मे़ल्लुक् मे़ःन्दा माक्खिल्ले़ हे़क्क्याङ् मे़ल्लुक् मे़ःन्दा ले़म्भेःप्मोबा सोःत्ते़ल्ले़ खे़न् ताभेन् नाःन्दुआङ् पत्लो॥ थेआङ्भे़ल्ले़ बोज्रा ये़क्यक्को यहवे दाङ्बे़ल्ले़ वयागे़न् सिदुङ्जभा चोगुआङ् वाॽरो, हे़क्क्याङ् एदोम्मो यरिक् माक्खिॽसिवा से़सुआङ् वाॽरो॥
Piblisite