बेबिलोनबा माङ्हाॽरे़ खुन्छिॽ नुप्मे़न् आम्भा कन्लो! थिक् ये़म्मो बेल मे़प्मनाबा नु नेबो मे़प्मनाबा माङ्हाॽ से़वा मे़मे़त्तुसिरो, कर आल्लो खे़ङ्हाॽ पलिःप् पलिःप् लिःप्ल अदङ्हाॽ मे़गुःत्तुसिआङ् वाॽरो, के़नाबा थक्साहाॽरे़ खुन्छिॽ एःक्थाःक्मो खे़ङ्हाॽ साॽरिक् के़लिःप्पा कक् मे़बोःक्खे़आङ् मे़वाॽरो॥
यर्मिया 50:2 - लिम्बु2 यहवे दाङ्बे़ल्ले़ अक्खे पाःत्तुरो, “इक्सादिङ् खाम्बेःक्मोबा के़रे़क् सुवाङ्हाॽ खे़ने़ॽ कन् इङ्घङ्ङिन् मे़त्ते़से़ॽओ, हे़क्क्याङ् थे़मा पाःन्निन्नाङ् मे़माॽरे़न्ने़ॽओ॥ बेबिलोने़न् हुक्काप् पोङ्ॽ फाॽआङ् के़रे़क् मनाहाॽ मे़प्मासिरे़ लागि मिक्सेन् पिमा निसान ये़प्से़ॽओ! खे़ल्ले़ कुजइःत्हाॽ नु नावाइत्लाहाॽ कुम्जिक्मा मे़बोङ्लो॥ खे़ल्ले़ कुमाङ् बेल नु मरोदकहाॽ साॽरिक् कुनामे़न्छाॽ मे़बोङ्लो॥ Gade chapit la |
यर्मिया 50:2
34 Referans Kwoze
ओमे़त्ते़म्मे़ॽ, कुगाप्थिक् अन्ले़ उःङ्सुबा लत्छा लाधासम्धाङ् लत्छा मनाधिक् फे़न्ल पत्लो॥ हे़क्क्याङ् नुगप् पिरुसिर पाःत्तुरो, ‘बेबिलोन ये़क्यक्किन् खाप्पुथ्यःङ् पोःक्खे़रो, खाप्पुथ्यःङ् पोःक्खे़रो, खे़ब्याङ् खे़ॽयो मे़लक्तु मे़घोःन्दुआङ् मे़जोगुसिबा के़रे़क् माङ् नावाइत्लाहाॽ फल्लक् वरक् मे़ए़क्खुसिआङ् खाम्बाङ्ङो मे़गे़ङे़आङ् मे़ने़रो॥’”
हे़क्क्याङ् खे़ल्ले़ पयम् यम्बा इक्लाओ अक्खेलॽरिक् पाःत्तुर अःक्ते़रो, “बेबिलोनिन् मे़गे़रो, पयम् यम्बा ये़क्यक्किन् मे़गे़रो! खे़न् आल्ल लेःत्छाम् फुङ्साम् नु फे़न्साम्हाॽरे़ खुनिॽ वाॽमा ते़न् पोःक्खे़आङ् वाॽ॥ खे़प्मोग काक् परिक्ले़न् सिक्के़ले़ःङ्बा नु आसुत्थो पुहाॽ याङ्मे़धोःक्लो॥
यहुदाबा हाङ् यहोयाकिने़न् मे़दे़म्सु मे़देॽरुबा सुम्बोङ्ङाङ् नुसिगेक्पा तङ्बेओ, एबिल-मरोदके़न् बेबिलोनबा हाङ् पोःक्खे़॥ खे़ल्ले़ यहोयाकिने़न् कुलुङ्माॽ स्याःत् लॽरे़ हे़क्क्याङ् खे़न् तङ्बेबा थिबोङ्ङाङ् ने़त्छिगेक्पा लाःल्ले़ निबोङ्ङाङ् ङासिगेक्पा ये़न्नो खुने़ॽ पुङ्लाहिम्मोलाम् ले़रु॥
“मे़न्छाम् सुवाङ्से, यहवे दाङ्बे़ल्ले़ कुइङ्घङ्ङिन् खे़प्से़म्मे़ॽओ हे़क्क्याङ् माःङ्घा माःङ्घा वरःङ्ङिल्ले़ कुयाओ थारिक्पा आङ्गाॽ आबाःन्जाक्किन् साॽरिक् इङ्भन् चोगे़म्मे़ॽओ॥ आङ्गाॽ आमनाहाॽ फुत्छिङ्ज्याःङ् से़सुङ्सिङ्लो कर आङ्गाॽ खे़ङ्हाॽ सुप्सुङ्सिङ्लो हे़क्क्याङ् पित्कम्बाहाॽरे़ पित्हाॽ कम्ब्राङ् मे़मे़त्तुसिबा हे़क्के खे़ङ्हाॽ कम्ब्राङ् मे़त्तुङ्सिङ्लो॥
खे़न् ये़म्मो खिनिॽ अक्खे के़बाःत्तुम्लो, “यहवे दाङ्बान् नुगे़न् पिरे़म्मे़ॽओ, खुने़ॽ पयम् यम्बा चोक् फाॽआङ् यम्बा इक्लाओ इङ्भोसे़म्मे़ॽओ॥ खुने़ॽ चोगुबा याःम्बक्किन् इक्सादिङ् खाम्बेःक्कोबा मे़न्छाम् सुवाङ्हाॽ चे़क्ते़म्सिम्मे़ॽओ, हे़क्क्याङ् खुने़ॽ कुमिङ्ङिन् के़रे़क्नुःल्ले़ यम्बा पोःक्खे़आङ् वाॽ फाॽआङ् उवा चोगे़म्मे़ॽओ॥
बेबिलोनलाम्बा लःन्दे़म्मे़ॽआङ् पेगे़म्मे़ॽओ, बेबिलोनबा मनाहाॽलाम् खे़त्तासिम्मे़ॽओ॥ के़सःप्पा इक्लाःल्ले़ अःक्ताम्मे़ॽर कन् पाःन्निन् उवा चोगे़म्मे़ॽओ॥ इक्सादिङ् खाम्बेःक्माल्ले़ नासमा कुयाओ थारिक् कन् पाःन्निन् चे़क्ताम्सिम्मे़ॽओ॥ “यहवे दाङ्बे़ल्ले़ आबाङे कुसे़वारोबा याकुबे़न् चोःक्युम्भो पिरुआङ् वाॽ” पाःत्ताम्मे़ॽओ॥
बेबिलोनरे़ कुदक्ले़ङ्वाओ थङ् निसान फोःक्खे़म्मे़ॽओ॥ इक्के़गोबाहाॽ के़धुम्बा चोगे़म्सिम्मे़ॽओ हे़क्क्याङ् इक्के़गोबाहाॽ खे़प्से़म्सिम्मे़ॽओ॥ लत्छा लाःक्युक्मादे़न् चोगे़म्मे़ॽओ, थेआङ्भे़ल्ले़ बेबिलोनरे़ कुदक्ले़वाओ चोःक्मा कोःत्तुबा के़रे़क् पाःन्हाॽ यहवे दाङ्बे़ल्ले़ के़त्तुरो॥
“मे़न्छाम् सुवाङ्हाॽओ मिक्सेन् निसान फोःक्खे़म्मे़ॽओ॥ थङ् इक्लान् मुक्खे़म्मे़ॽओ! बेबिलोनरे़ कुदक्ले़ङ्वाओ खे़ङ्हाॽ के़रे़क् मुरा मे़त्ते़म्सिम्मे़ॽओ! खे़ल्ले़ कुदक्ले़ङ्वाओ थक्मारे़ लागि खे़ङ्हाॽ यारिप् चोगे़म्सिम्मे़ॽओ! आरारातबा, मिन्निबा नु असकनजबा थक्सुबाहाॽ खिनिॽ फे़त्ते़म्सिम्मे़ॽओ॥ लत्छा थक्मोबा थिक् युक्तिङ् चोगे़म्मे़ॽओ, निःङ्खुःक्वाःल्ले़ कुबन्ज्याङ्माहाॽ हे़क्के आत्तातान्ने यरिक् अन्हाॽ तारे़म्सिम्मे़ॽओ!
Piblisite