यर्मिया 50:19 - लिम्बु19 कर्मेल नु बासानबा चाराम्मादे़न्हाॽओ कुजा चामारे़ लागि याम्मो थिक्ले़ङ् खुने़ॽ कुसिक् एःप्मारे़ लागि हे़क्क्याङ् एफ्राइम नु गिलादबा कोःक्मा फाङ्जङ्ङो, आङ्गाॽ इस्राइले़न् खुने़ॽ आप्फेक् कुलाजेॽओ आङ्गाॽ याम्मो नुःक्तुङ् तारुङ्लो॥” Gade chapit la |
यर्मिया 50:19
36 Referans Kwoze
यरिक् ये़न् एगाङ् खिनिॽ थङ् चोःक्से़ के़म्उःत्तिॽ॥ हे़क्क्याङ् इस्राइलबा मनाहाॽ यरिक् लाजेॽहाॽओलाम् कप्मोबा कोःक्मा फाङ्जङ् थे़गु माङ्वाहाॽओ मे़नुःङ्बा एगाङ् नु ते़न्धङ्लाम् नादङ् पोङ्ङाङ् नुॽमा तामा सनारुङ्नु निङ्वाॽ हाङ्हाङ् मे़युङ्बा ताःन्दिबा ताये़म्मो इस्राइलबा लाजेन् खिनिॽ थङ्ङो के़भत्तुम्ॽ॥
“आसे़वारोबा याकुबे, मे़गिसे़न्ने़ॽओ॥ इस्राइलबा यक्युङ्बासे, किमा यङ्माओ मे़ध्ये़म्मिन्ने़ॽओ॥ खे़ने़ॽ नु खे़ने़ॽ के़मुॽइदाङ्साहाॽ माःङ्घाबा लाजेॽओ के़म्बाङ्घिआङ् के़वयिरो, खे़प्मोलाम् खिनिॽ थे़ॽनिङ्ङाङ् ताःत्निङ्लो॥ याकुबे़न् याम्मो नुॽदाआङ् ताप्थेक् याम्धेक् पोङ्लो॥ हाःत्ले़आङ् खुने़ॽ यङ्मा मे़से़रुन्लो॥
आङ्गाॽ आमे़ल्लुक् लुप्हाॽलाम् के़दाङ्बा के़याःक्पा आङ्गाॽ खे़ङ्हाॽ नाःत्तुङ्देसुङ्सिङ्बा लाजेॽहाॽलाम् खे़ङ्हाॽ सुप्सुङ् तारुङ्सिङ्ॽ हे़क्क्याङ् खे़ङ्हाॽ आबाङे खुन्छिॽ लाजेॽओ नुःक्तुङ् तारुङ्सिङ्ॽ॥ खे़ङ्हाॽरे़ खुन्छिॽ मुॽइदाङ्साहाॽ मे़बोन् मे़धे़ॽर खे़ब्याङ् खे़ङ्हाॽ यरिक् मे़बोङ्ल॥
मुरे़क् खारे़क् थेआङ् के़होप्पा लाजेन् सःत्ताङ् साम्लोरो, खे़न् साॽरिक् कुसिराॽधाङ्ङाङ् अःक्लो॥ खे़ल्ले़ ले़बनानबा कुघे़म्सिङ्मे़न् खोसुरो, हे़क्क्याङ् खे़ल्ले़ कर्मेल कोःक्मान् नु सारोनबा ते़ल्लक्किल्ले़ कुहाङ्वा कुमाङ्वान् खोसुरो॥ खे़ङ्हाॽरे़ यहवे दाङ्बे़ल्ले़ कुमिमिदिङ् नु आनिॽ निङ्वाॽफुमाङ्ङिल्ले़ कुहाङ्वा कुमाङ्वान् मे़निसुरो॥
खाम्घु लाजेन् मे़रिङ् थक् हे़क्क्याङ् मुरे़क् खारे़क् पोङ्लो, ले़बनानबा मनाहाॽरे़ खुन्छिॽ नासाम् थाःॽ खे़म्ब्याङ् इमे़सुॽरो॥ सारोन लाजेॽओ चागे़नुॽबा ने़ने़बादे़न्हाॽ अराबा लाजेॽओ के़ने़बा ये़ःङ्घादे़न् हे़क्तङ्बा पोङ्लो, खे़ब्याङ् बासान लाजेॽओ नु कर्मेल कोःक्माओबा सिङ्बुङ्हाॽओनु ते़त्ले़फे़क्वाहाॽ लुःक्थारो॥
“कर आसे़वारोबा, याकुबे, मे़गिसे़न्ने़ॽओ, इस्राइलए, निङ्साङ्ङो मे़ध्ये़न्ने़ॽओ॥ थेआङ्भे़ल्ले़ माःङ्घाबा लाजेॽलाम् आङ्गाॽ याम्मो हिम्मो ताःत्ने़रो, हे़क्क्याङ् के़स्साहाॽ मे़दे़म्सु मे़देॽरुसिबालाम् याम्मो मे़नुःङ्लो॥ इस्राइले़न् सनारुङ् नु नुॽमा तामाओ नुःङ्लो, खे़ब्याङ् खे़ङ्हाॽ आत्तिल्ले़आङ् यङ्मा मे़से़रुसिन्लो॥”
“आमनाहाॽ के़माबा मे़ल्लुक् मे़बोःक्खे़आङ् मे़वाॽरो, खे़ङ्हाॽरे़ खुन्छिॽ मे़ल्लुक्कम्बाहाॽरे़ खे़ङ्हाॽ लाम्मे़भोःत्छुसिआङ् मे़वाॽरो हे़क्क्याङ् कोःक्मा फाङ्जङ् थे़गु माङ्वाहाॽओ खे़ङ्हाॽ मे़मये़र मे़हिसु मे़देसुसिआङ् मे़वाॽरो॥ खे़ङ्हाॽरे़ खुन्छिॽ लाम्मिन् मे़मासु मे़देसुरो खे़ब्याङ् आप्फेक् मे़ल्लुक् लुप्पो नुःङ्मा तामारे़ लागि खुन्छिॽ लाम्मिन् निङ्वाॽ इःप्मा मे़न्छुक्तुन्लो॥
मे़दे़म्सु मे़देॽरुसिआङ् के़वाॽबा यरिक् यहुदिहाॽ बेबिलोन ते़ङ्गपलाम्बा यरुसले़म नु यहुदाओ मे़नुःक्खे़ हे़क्क्याङ् खुन्छिॽ आबाङे ये़क्यक्हाॽओ मे़बे॥ नबुकदनेसर हाङ्ङिल्ले़ ते़म्सु तेॽरुसिबा ये़म्माङ्धो खे़न् ये़म्मो थारिक् खे़ङ्हाॽरे़ खुन्छिॽ हिम्सयङ्हाॽ बेबिलोनओ मे़याःक्ते़आङ् मे़वये़॥
Piblisite