यर्मिया 50:17 - लिम्बु17 “इस्राइलिहाॽग खिरिङ्बाहाॽरे़ मे़से़सुसिआङ् के़वाॽबा मे़ल्लुक्हाॽ हे़क्तङ्बा मे़जोक्लो॥ तगि खे़ङ्हाॽ अस्सुरबा हाङ्ङिल्ले़ चसिरो॥ याङ्सि बेबिलोनबा हाङ् नबुकदनेसररे़ खे़ङ्हाॽरे़ खुन्छिॽ ये़प्पाहाॽ यःप्सु पिरुसिरो॥” Gade chapit la |
यर्मिया 50:17
38 Referans Kwoze
आङ्गाॽ के़रे़क् मे़न्छाम् सुवाङ्हाॽ सुप्सुङ्सिङ्लो, हे़क्क्याङ् खे़ङ्हाॽ यहोसापातबा ने़ने़बादे़न्नो तारुङ्सिङ्लो॥ आङ्गाॽ आमना आलक्खोमा इस्राइलिहाॽ मे़न्छाम् सुवाङ्हाॽरे़ खुन्छिॽ लुम्मो फुत्छिङ्ज्याङ् के़से़बा के़देबा नु आङ्गाॽ आलाजेन् कुलक् कुलक्को के़भःङ्बाहाॽ खे़प्मो खुम्दिङ् पिरुङ्सिङ्लो॥
“आमनाहाॽ के़माबा मे़ल्लुक् मे़बोःक्खे़आङ् मे़वाॽरो, खे़ङ्हाॽरे़ खुन्छिॽ मे़ल्लुक्कम्बाहाॽरे़ खे़ङ्हाॽ लाम्मे़भोःत्छुसिआङ् मे़वाॽरो हे़क्क्याङ् कोःक्मा फाङ्जङ् थे़गु माङ्वाहाॽओ खे़ङ्हाॽ मे़मये़र मे़हिसु मे़देसुसिआङ् मे़वाॽरो॥ खे़ङ्हाॽरे़ खुन्छिॽ लाम्मिन् मे़मासु मे़देसुरो खे़ब्याङ् आप्फेक् मे़ल्लुक् लुप्पो नुःङ्मा तामारे़ लागि खुन्छिॽ लाम्मिन् निङ्वाॽ इःप्मा मे़न्छुक्तुन्लो॥
दानिए़लरे़ कुदक्ले़ङ्वाओ ताप्फे़ःम्बा निङ्वाःल्ले़ आप्तिक् के़गुःप्पा मनाहाॽ हाङ्ङिल्ले़ कुइङ्जाङ्ङो सिगाङ् मे़दारुसि, हे़क्क्याङ् खुन्छिॽ मेःत्हाॽ नु हिन्जाॽबित्छाॽहाॽ सोसोरिक् खिरिङ्बाल्ले़ कुघरओ लाप्मे़भुसु मे़याक्तुसि॥ हे़क्क्याङ् खे़ङ्हाॽ खिरिङ्बाल्ले़ कुघरओबा खाम्बाङ्ङो चुक्मानुःल्ले़ तगिए खिरिङ्बाहाॽरे़ खे़ङ्हाॽ मे़भत्तुसिआङ् खुन्छिॽ ये़प्पाहाॽनु सोसोरिक् युरुप् वरुप् मे़ये़ःक्खु मे़देसुसि॥
फुत्छिङ्ज्याङ् के़बोङ्बा कुमे़ल्लुक्हाॽ के़गोःप्पा मे़ल्लुक्कम्बा हे़क्तङ्बा आङ्गाॽ पोङ्ङारो॥ खे़न् खागे़माक्पा नु खाॽमित् के़दःम्बा ये़न्नो फुत्छिङ्ज्याङ् मे़बोःक्खे़आङ् मे़वये़बा के़रे़क् ते़न्हाॽओलाम् आङ्गाॽ खे़ङ्हाॽ से़ःप्तुङ्सिङ्ॽ हे़क्क्याङ् आङ्गाॽ आमे़ल्लुक्हाॽ खोसुङ्सिङ्ॽ॥
चाराम्मादे़न्नोबा मे़ल्लुक्हाॽ पित्चाक् पित्चाक् पित्तुसिर यर्दनबा तुम्भुङ्लाहाॽओलाम् थे़रिङ्बे़न् लःम्भे़म्बा कुइसिक् आङ्गाॽ ताआरो॥ एदोमे़न् कुलाजेॽलाम् नाःत्तुङ्लो, हे़क्क्याङ् सेगुङ्बा लाम्लोबान् युक्तिङ् चोगुङ्लो॥ थेआङ्भे़ल्ले़ आङ्गाॽ हे़क्तङ्बा हात् वाॽबे? खे़ब्याङ् हाःत्ले़ आङ्गाॽ खे़माॽ साःप्मा सुक्काबे? आत्तिन् युक्साबे़ल्ले़ आनिङ्वान् अप्मा सुक्तुबे?”
खे़ल्ले़चोगुल्ले़ ताम्भुङ्ङोबा खिरिङ्बाहाॽरे़ खे़ङ्हाॽ मे़से़रुसिरो, मुरे़क् खारे़क्पोबा पराबाहाॽरे़ खे़ङ्हाॽ मे़धे़ःक्खु मे़से़रुसिरो हे़क्क्याङ् थे़रिङ्बाहाॽ खुन्छिॽ ये़क्यक् हे़ङ्गात्ति ताक्मे़गन्लो॥ कुभा लाःक्कात् मे़बेःक्ने़भग्र खे़ङ्हाॽ कुज्रिङ् कुज्रिङ् मे़बोङ्लो थेआङ्भे़ल्ले़ खे़ङ्हाॽरे़ निःत्मे़न्दे़त्ते यरिक् लायो मे़जोगुआङ् वाॽरो हे़क्क्याङ् खे़ङ्हाॽरे़ निङ्वाॽफुमाङ्ङिन् ए़त्ले़ङ् के़म्नाॽरे़आङ् वाॽरो॥
कुघाओलाम्बा लत्छा खिरिङ्बाधिक् लःन्दे़आङ् वाॽरो इक्सादिङ् खाम्बेःक्मोबा मे़न्छाम् याप्मिहाॽ के़मे़ङ्बान् लःन्दे़आङ् वाॽरो॥ यहुदाबा ये़क्यक्हाॽ खाप्पुथ्यःङ् चोःक्से़ खे़न् तार पत्लो॥ खिनिॽ ये़क्यक्हाॽ थुप्पाङ् लुःम्बेःक्लो हे़क्क्याङ् खे़प्मो आत्तिन्हाॽआङ् वाॽमा मे़न्छुक्ने़न्लो॥
आङ्गाॽ सेगुङ्सिङ्बा आमनाहाॽनु आयाक् ले़ॽरे़आङ् वयाङ्लो, हे़क्क्याङ् आङ्गाॽ खे़ङ्हाॽ आबाङे आमना हे़क्के नुरिक् मे़म्मे़प्पासिरो॥ आङ्गाॽ खे़ङ्हाॽ खे़ने़ॽ के़हुक्को थासुङ्सिङ्लो, कर खे़ङ्हाॽ खे़ने़ॽ लुङ्माॽ के़न्दुक्तुसिल्लो॥ काप्पोबा काप्मुमाहाॽआङ् खे़ने़ॽ साॽरिक् के़लिःप्पा के़गक्किन् के़गुःत्तुसिरो॥
कल्ले़चोगुल्ले़ सिदकियाह हाङ्ङिल्ले़ हाङ्युक् चोगुबा फाङ्सिगेक्पा तङ्बे थिबोङ्गेक्पा ला थिबोङ्गेक्पा ये़न्नो बेबिलोनबा हाङ् नबुकदनेसरे़न् खुने़ॽ के़रे़क् कुधक्सुबाहाॽनु सोरिक् यरुसले़ःम्मिल्ले़ कुदक्ले़ङ्वाओ तगि थासिङ्ङाङ् फे़रे़, हे़क्क्याङ् खे़न् किर्गप् कबुआङ् थक्सुबा ने़त्ना साःङ्गाहिम् नु चन्छिङ्मा खाम्लुङ्हाॽ फोःक्खु॥
खे़ङ्हाॽरे़ खिनिॽ पोगुगे़न् कुजा नु चामा कुजाहाॽ मे़जमे़देसुरो खिनिॽ मे़न्छुमा ये़म्बित्छासाहाॽ मे़ज मे़देसुसिरो॥ खिनिॽ मे़ल्लुक् मे़ःन्दा नु पित्थक्साहाॽ मे़ज मे़देसुसिरो हे़क्क्याङ् खिनिॽ चे़ल्ले़क्सेॽइन् नु पःत्छेॽबुङ्माहाॽ मे़जमे़देसुरो॥ आधेःक्ल फाॽआङ् निङ्वाॽ के़इःत्तुम्बा लुङ्धाक्किल्ले़ मे़भाङुबा ये़क्यक्हाॽ मे़लुःन्दुरो॥”
कर खे़ने़ॽ यहुदाबा हाङ् सिदकियाहःन्, खे़ने़ॽ के़युक्साबाहाॽ, हे़क्क्याङ् ते़न्धङ्, साक्वान् नु मिङ्देॽलाम् के़हिङ्बा मनाहाॽ खक्पे़त् आङ्गाॽ नबुकदनेसर हाङ्ङिन् नु के़निङ्मिहाॽ, खे़ब्याङ् खिनिॽ मे़ङ्मा निङ्वाॽ के़जोःक्पाहाॽरे़ के़म्दे़म्सि के़म्देॽरिर चोगुङ्ॽ॥ खे़ल्ले़ खिनिॽ आत्तिन्नाङ् कुहिङ्वे़त् के़न्ले़रिन्ॽ इग्र कुलुङ्माॽ स्याःत् के़ल्लॽरिन्, कुलुङ्माॽ फ्याःङ् के़ल्लॽरिन् हे़क्क्याङ् लुङ्माॽआङ् के़न्दुक्तिन्ॽ॥ आङ्गाॽ यहवे दाङ्बे़ल्ले़ पाःत्तुङ्ङाङ् वाॽ॥’
Piblisite