मुक्साम्दाङ्बा यहवे दाङ्बे़ल्ले़ अक्खे पाःत्तुरो, “बेबिलोनबा के़धुङ्बा लुङ्धाक्हाॽ खाम्बाङ्ङो कुदङ्बा ने़ने़ मे़दङ्घुरो, हे़क्क्याङ् खे़ल्ले़ आत्तातान्ने यम्बा कुलाम्धेःप्पाहाॽ मिमे़धिक्खुरो॥ यरिक् लाजेॽहाॽलाम् हिम् के़जोःक्पाहाॽरे़ मे़जोगुबा खुन्छिॽ याःम्बक्किन् हने़रक् पोङ्लो, थेआङ्भे़ल्ले़ खे़ङ्हाॽरे़ खुन्छिॽ याःम्बक्किन् मिःल्ले़ खाप्पुथ्यःङ् चोगुरो!”
यर्मिया 50:15 - लिम्बु15 के़रे़क् पिसाङ्लाम् खे़ल्ले़ कुदक्ले़ङ्वाओ थङ् चोःक्मा इक्लान् लःत्ते़म्मे़ॽओ! ओमे़त्ते़म्मे़ॽ! खुने़ॽ खिनिॽ हुक्को हुक्सुप्सिङ्लो! खे़ल्ले़ कुलुङ्धाक्हाॽ लुःन्दे़आङ् ने़रो॥ कङ्ग यहवे दाङ्बे़ल्ले़ कुले़क्वा नुःक्तुबारो, खे़ल्ले़चोगुल्ले़ खिनिॽ खे़ल्ले़ कुले़क्वा नुःक्ते़म्मे़ॽओ॥ खे़ल्ले़ वेॽहाॽ मे़त्तुसिबा हे़क्केए खिनिॽ खे़न् ताप्फे़ःल्लिक् मे़त्ते़म्मे़ॽओ! Gade chapit la |
यर्मिया 50:15
44 Referans Kwoze
थेआङ्भे़ल्ले़ कङ्ग यहवे दाङ्बे़ल्ले़ कुये़न्लो, मुक्साम्दाङ्बा यहवे दाङ्बे़ल्ले़ कुनिङ्मिहाॽरे़ लागि कुले़क्वा नुःक्मा ये़न्लो॥ ताभेःल्ले़ कुसिक् मे़न्जिम्मे थारिक् ओवा, माक्खिल्ले़ मे़म्मए थारिक्, ताभेःल्ले़ खल्ले़ःङ् ले़ःक्खुसिरो! युफ्रेतिस वहःङ्ङिल्ले़ कुयाओबा थाङ्गे़त् पिसाङ्बा लाजेॽओ यहवे दाङ्बा, मुक्साम्दाङ्बा यहवे दाङ्बे़ल्ले़ आइन् वयागे़न् सिदुङ्जभा यारिप् चोगुर याक्लो॥
मुक्साम्दाङ्बा यहवे दाङ्बान् माङ्हे़क्सिङ्ङाङ् वाॽरो, हे़क्क्याङ् खुने़ॽ कुमिङ्ङो माङ्हे़क् चोगुआङ् वाॽरो— “निःङ्घुक्वा पन्ज्याङ्माहाॽरे़ इक्ताप्हाॽ मे़बन्छुबा कुइसिक् कुये़क्यक्हाॽ निङ्मिहाॽरे़ सधे़क् मे़धिम्सुरो, हे़क्क्याङ् खे़ङ्हाॽ थङ् नाःम्मा इक्लाओ खे़ने़ॽ पिसाङ् तियाहा मे़लॽरो॥”
खिनिॽ पाधे़बाहाॽ हे़क्के खिनिॽआङ् पान् मे़ङ्घे़म्मनाबा मे़बोःक्खे़म्मिन्ने़ॽ॥ यहवे दाङ्बाओ खिनिॽ आप्फेक् तोःन्नासिम्मे़ॽआङ् खुने़ॽ आभे़ल्ले़साङ् सदादिङ्ले़ लागि सेसे चोगुबा खुने़ॽ कुसेसेदे़न्नो लासाम्मे़ॽ॥ यहवे दाङ्बा खिनिॽ निङ्वाॽफुमाङ्ङिन् माङ्से़वा मे़त्ते़म्मे़ॽ, हे़क्क्याङ् खुने़ॽ किप्मा पघुगे़घुबा कुसाक्के़न्निन् खिनिॽलाम् थिक्नाहाङ् हिसिङ् पेःक्ल॥
थेआङ्भे़ल्ले़ कुघासे़न्निङ्ग से़क्खाबा नु नुबा चोक्लो, हे़क्क्याङ् याम्बोःप्मा कुयाःम्बक्किल्ले़ इक्सादिङ् खाम्बेःक्मान् के़जिःम्मा खे़न् पयम् यम्मा के़त्निमान् खुम्दिङ् पिरुरो॥ निङ्वाॽफुमाङ्ङिल्ले़ कुसे़वारोबाहाॽ खे़ल्ले़ से़रुसिबाल्ले़ चोगुल्ले़ खे़न् खुम्दिङ् पिरुआङ् वाॽरो॥”
आमिःम् आन्जुम्से, फे़न् पाःन्निल्ले़ कुले़क्वा आप्फाल्ले़आङ् ताप्फे़ःम्बा मे़जोगे़म्मिन्ने़ॽओ, कर निङ्वाॽफुमाङ्ङिल्ले़ कुसाक्के़न्नो ले़रे़म्मे़ॽओ, थेआङ्भे़ल्ले़ साम्योसाप्लाओ अक्खे साप्ते़आङ् पत्, “ताप्फे़ःम्बा याःम्बक् के़जोक्पे़न् खुम्दिङ् पिमाग आलक्लो॥ इङ्गाॽए कुले़क्वा नुःक्तुङ् पिरुङ् लॽरिक् यहवे दाङ्बाल्ले़ पाःत्तुरो॥”
यहवे दाङ्बे़ङ्ग कुनागे़हे़म्बा चोक्लो हे़क्क्याङ् कुले़क्वा के़नुःक्पा निङ्वाॽफुमाङ्लो, यहवे दाङ्बे़ल्ले़ कुले़क्वा नुःक्तु पिरुसिरो खुने़ॽ कुसाक्के़न् इसेःङ्बा चोक्लो॥ यहवे दाङ्बे़ल्ले़ कुनिङ्मिहाॽओ कुले़क्वा नुःक्तुरो, हे़क्क्याङ् खुने़ॽ के़अप्पाहाॽओ कुसाक्के़न्निन् थासुरो॥
खुने़ॽ कुजुप्साङ् ले़प्माङ् के़ये़प्पा खागे़इक्पाल्ले़ पाःत्तुॽ, ‘यरुसले़म!’ लुङ्धाक् लुःम्मा सिङ्आःत्हाॽनु, मनाहाॽ से़प्मासि यम्बा इक्लाओ मे़अःक्ल, यम्बा लाम्धेःप्पाहाॽरे़ कुदक्ले़ङ्वाओ खुने़ॽ कुधक्सुबाहाॽ मे़भे़न्ॽ॥ खे़ङ्हाॽरे़ किर्गप् कप्मा चङ्हिम्हाॽ मे़ये़प्सुॽ, हे़क्क्याङ् लुङ्धाक्हाॽ लुःम्मारे़ लागि खाम्लुङ्हाॽ थो मे़भोःक्खुॽ॥
“इक्सादिङ् खाम्बेःक्मान् के़मे़ङ्बा मुक्साम्बा नाङ्जङ्लुङ्ङे़, ओमे़त्ते़ॽओ! आङ्गाॽ खे़ने़ॽ के़निङ्मिआ,” यहवे दाङ्बे़ल्ले़ पाःत्तुरो॥ “चन्जम्बादे़न्हाॽलाम् यो हिप्मा थामारे़ लागि आङ्गाॽ के़दक्ले़ङ्वाओ आहुक्किल्ले़ साःम्ने़रो॥ आङ्गाॽ मे़ङ्ने़सुःत्ने़आङ्, खे़ने़ॽ थे़माआङ् के़म्बोङ्ने़न्लो कर मिगे़दिक्पाआङ् के़लुम्सिङ्बा कुम्जिक् के़बोङ्लो॥
आल्ल निङ्वाॽफुसाम्बाहाॽरे़ सादाङ्हाॽ मे़मुःत्तु, खे़ब्याङ् मनाहाॽ मे़अःक्ते़, हे़क्क्याङ् सादाङ्ङिल्ले़ कुइक्लान् मे़घे़प्सुनुमे़ःन्ने खे़ङ्हाॽ यम्बा इक्लाओ मे़अःक्ते़ल्ले़ खे़न् लुङ्धाक्किन् कुबुङ् थे़र्ले़ पुरुङ् लुःन्दे़, हे़क्क्याङ् के़रे़क् मनाहाॽ कुदोःप्मा तगि मे़बोरे़आङ् के़रे़क् ये़क्यक्को मे़लासे़ हे़क्क्याङ् खे़न् हुक्काप् मे़जोगु॥
हे़क्क्याङ् आल्ल खे़ङ्हाॽरे़ थुःम्बा सादाङ्ङिन् माङ्भा इरिक् मे़मुःत्तुॽ, खे़ब्याङ् खिनिॽ सादाङ्ङिन् मुक्पा इक्लान् के़घे़प्सुम्नुमे़ःन्ने के़रे़क् मनाहाॽ यम्बा इक्लाओ मे़अःक्ल॥ हे़क्क्याङ् ये़क्यक्कोबा लुङ्धाक्किन् कुबुङ् थे़र्ले़ चोन्, हे़क्क्याङ् के़रे़क् मनाहाॽ ये़क्यक्को कुदोःप्मा मे़लोक् मे़लाःत्ल॥”
“चाराम्मादे़न्नोबा मे़ल्लुक्हाॽ पित्चाक् पित्चाक् पित्तुसिर यर्दनबा तुम्भुङ्लाहाॽओलाम् खिरिङ्बान् लःम्भे़म्बा कुइसिक् आङ्गाॽ ताआरो॥ बेबिलोने़न् कुलाजेॽलाम् नाःत्तुङ्लो, हे़क्क्याङ् सेगुङ्बा लाम्लोबान् युक्तिङ् चोगुङ्लो॥ थेआङ्भे़ल्ले़ आङ्गाॽ हे़क्तङ्बा हात् वाॽबे? खे़ब्याङ् हाःत्ले़ आङ्गाॽ खे़माॽ साःप्मा सुक्काबे? आत्तिन् युक्साबे़ल्ले़ आनिङ्वान् अप्मा सुक्तुबे?
खे़ल्ले़ मुक्कुम्बा कुधक्सुबाहाॽ याम्मो थङ् मे़न्जोःक्ने़न्लो॥ खे़ङ्हाॽ थक्सुबा यक्हाॽओ मे़युङ् मे़गन्लो, खे़ङ्हाॽरे़ खुन्छिॽ आःन्छिङ्मान् मये़बेरो॥ खे़ङ्हाॽ मे़न्छुमा हे़क्तङ्मा मे़बोःक्खे़आङ् मे़वाॽरो॥ लाजेॽ के़लिबाहाॽरे़ हिम्हाॽ मिमे़धिक्खुआङ् ने़रो हे़क्क्याङ् ये़क्यक्कोबा पयम् लाम्धेःप्पाहाॽ मे़लुःन्दुरो॥
Piblisite