“तोङ् लि के़याङ्बाहाॽ बेबिलोन मे़दार फाॽआङ् खिनिॽ इङ्घङ् हाक्ते़म्सिम्मे़ॽओ॥ ये़क्यक्किन् कब्रिङ् किर्गप् कबे़म्मे़ॽओ हे़क्केलॽरिक् आत्तिन्नाङ् खे़त्छिङ्मा मे़न्छुक्ने़न्लरो॥ खे़ल्ले़ वेॽहाॽ मे़त्तुसिआङ् वये़बा हे़क्केए खिनिॽआङ् खे़न् ताप्फे़ःल्लिक् मे़त्ते़म्मे़ॽओ, थेआङ्भे़ल्ले़ खे़ल्ले़ इस्राइलबा सेसे निङ्वाॽफुमाङ्, यहवे दाङ्बे़ल्ले़ कुदक्ले़ङ्वाओ आसुत्थो चोगुआङ् वाॽरो॥
यर्मिया 50:14 - लिम्बु14 “ओवा, खिनिॽ के़रे़क् पिसाङ्बा सुवाङ्से, बेबिलोने़न् फप्मारे़ लागि मुन्नासिम्मे़ॽओ॥ खिनिॽ तोङ् लि के़आप्पाहाॽरे़ खे़न् मे़आबुररो, तोःङ्हाॽ लत्छाआङ् मे़न्नन्छुन्लरो॥ थेआङ्भे़ल्ले़ यहवे दाङ्बे़ल्ले़ कुदक्ले़ङ्वाओ खे़ल्ले़ लायो लासोत् चोगुआङ् वाॽरो॥ Gade chapit la |
यर्मिया 50:14
21 Referans Kwoze
ले़बनानबा ताम्भुङ्हाॽ खे़ने़ॽ के़ले़ःक्खुआङ् ने़रो, आल्ल खे़ने़ॽ खे़ङ्हाॽरे़ के़म्ले़ःङ्लो॥ खे़प्मोबा थक्साहाॽ खे़ने़ॽ के़से़रुसिरो आल्ल खे़न् थक्साहाॽरे़ खे़ने़ॽ यङ्मा के़म्से़त्लो॥ कन्हाॽ के़रे़क् पोङ्ॽ थेआङ्भे़ल्ले़ मनाहाॽरे़ खुन्छिॽ माक्खिॽ के़से़सुरो, खे़ब्याङ् खे़ने़ॽ लाजेॽहाॽ नु ये़क्यक्हाॽ हे़क्क्याङ् खे़प्मो के़युङ्बाहाॽ के़रे़क् के़मे़क्खुसिरो॥
खे़ङ्हाॽरे़ लिहाॽ नु लाःक्हाॽ फे़जुम्भे़या मे़गत्तुरो॥ खे़ङ्हाॽ के़आःम्बा कुॽइगे़भे़म्बा मे़जोक्लो हे़क्क्याङ् खुन्छिॽ लुङ्माॽ स्याःत् मे़लॽने़न्लो॥ खे़ङ्हाॽरे़ अन्हाॽ मे़युक्तुसिआङ् तगि मे़भे़न्लो, हे़क्केःल्ले़ वरःङ्ङिन् सःक्पा हे़क्के लॽरो॥ खे़ङ्हाॽ थङ् के़जोःक्पा परिक्ले़ मे़भे़न्लो, खे़ने़ॽ बेबिलोने़न् मे़ङ्मा फाॽआङ् मे़मुन्छिङ्लो॥
थेआङ्भे़ल्ले़ थाङ्गे़त् ले़प्माङ्लाम् यम्बा सुवाङ्बा थक्सुबाहाॽ फोःक्खुङ्सिङ्ल पत्तारो॥ बेबिलोने़न् फप्मारे़ लागि थक्सुबाहाॽओ खे़ङ्हाॽ मे़भुङ्सिङ्लो॥ हे़क्क्याङ् खे़न् लाजेन् हुक्को मे़धासुरो॥ निङ्मिहाॽरे़ खुन्छिॽ तोःङ्हाॽ कुदोःप्मा पेःक्लो, खे़ङ्हाॽरे़ मे़सोःक्तुबान् मे़न्याङ्ङे मे़न्आबुन्लो!
खे़ङ्हाॽ के़दुम्बा के़रे़क्ले़ खे़ङ्हाॽ मे़लरुसिरो॥ खे़ङ्हाॽरे़ खुन्छिॽ निङ्मिहाॽरे़ अक्खे मे़बाःत्तुरो, ‘आनिगे खे़ङ्हाॽ फत्तुम्सिम्बे़बाओ हे़न्नाङ् फे़न् याःम्बक् चोगुम्बे़बा होप्लो, थेआङ्भे़ल्ले़ खे़ङ्हाॽरे़ से़क्खाबा खुन्छिॽ नाःम्सिङ्मादे़न्, यहवे दाङ्बे़ल्ले़ कुदक्ले़ङ्वाओ, हे़क्क्याङ् खुन्छिॽ थाःक्थे़बाहाॽरे़ खुन्छिॽ निङ्साङ्ङिल्ले़ तक्ले़ङ्वाओ खे़ङ्हाॽरे़ लायो मे़जोगुआङ् वाॽरो॥’
“मे़न्छाम् सुवाङ्हाॽओ मिक्सेन् निसान फोःक्खे़म्मे़ॽओ॥ थङ् इक्लान् मुक्खे़म्मे़ॽओ! बेबिलोनरे़ कुदक्ले़ङ्वाओ खे़ङ्हाॽ के़रे़क् मुरा मे़त्ते़म्सिम्मे़ॽओ! खे़ल्ले़ कुदक्ले़ङ्वाओ थक्मारे़ लागि खे़ङ्हाॽ यारिप् चोगे़म्सिम्मे़ॽओ! आरारातबा, मिन्निबा नु असकनजबा थक्सुबाहाॽ खिनिॽ फे़त्ते़म्सिम्मे़ॽओ॥ लत्छा थक्मोबा थिक् युक्तिङ् चोगे़म्मे़ॽओ, निःङ्खुःक्वाःल्ले़ कुबन्ज्याङ्माहाॽ हे़क्के आत्तातान्ने यरिक् अन्हाॽ तारे़म्सिम्मे़ॽओ!
कोःक्मा फाङ्जङ् थे़गु माङ्वाहाॽओ हयङ् किल्लिङ् के़बोङ्बा, यम्बा मनालुप्लि हे़क्तङ्बा इक्लान् खे़प्से़म्मे़ॽओ! हे़क्क्याङ् हाङ्जुम्हाॽओलाम् के़लःम्बा हयङ् किल्लिङ्हाॽ, इक्सादिङ् खाम्बेःक्मोबा मे़न्छाम् सुवाङ्हाॽ थिक्मे़त् मे़भुङ्सिङ्ङिल्ले़ के़लःम्बा इक्लान् खे़प्से़म्मे़ॽओ! मुक्साम्दाङ्बा यहवे दाङ्बे़ल्ले़ थङ् चोःक्मारे़ लागि आबाङे खुने़ॽ कुधक्सुबाहाॽ फुक्खुसिर याक्लो॥
खे़ङ्हाॽरे़ खुन्छिॽ तोःङ्हाॽ हासम्सम्बा चोक्लो, हे़क्क्याङ् थङ् चोःक्मारे़ लागि लिओ मे़घिङ्घुआङ् पत्लो॥ खे़ङ्हाॽरे़ खुन्छिॽ अन्हाॽरे़ लाङ्सुःप्पिन् लुङ्से़रुङ्बा कुइसिक् चोक्लो, खे़म्ब्याङ् खे़ङ्हाॽरे़ खुन्छिॽ अन्लाहाॽरे़ काप्लोःक्किङ्ग सुरित् केजङ् हे़क्के के़सुक्पा चोक्लो॥
हे़क्क्याङ् कुदाःन्दिक् तानाम्सा दाउदरे़ लत्छा मे़ल्लुक् के़गम्बाल्ले़ कुहुक्को मे़ल्लुक्हाॽ ले़रुधसि हे़क्क्याङ् कुजाहाॽ याङ्सिङ्ङाङ् कुम्बा यिसैरे़ मुरामे़त्तुबा याःम्बक्को थासिङ्॥ थक्सुबाहाॽ ते़ङ्धङ्गे़न् उवा चोःक्नु ते़म्बेॽओ मे़बेर मे़बत्छे़ल्ले़ तुरायक्को खे़न् के़रे़॥
Piblisite