यर्मिया 5:9 - लिम्बु9 थे अक्तङ्बा लायोरे़ लागि आङ्गाॽ खे़ङ्हाॽ खुम्दिङ् मे़बिरुङ्सिङ्ङिन्बि? हे़क्क्याङ् थे आङ्गाॽ कन् सुवाङ्हाॽ सम्धाङ् कुले़क्वा मे़हुङ्ङान्बि? Gade chapit la |
यर्मिया 5:9
23 Referans Kwoze
यहवे दाङ्बे़ङ्ग कुनागे़हे़म्बा चोक्लो हे़क्क्याङ् कुले़क्वा के़नुःक्पा निङ्वाॽफुमाङ्लो, यहवे दाङ्बे़ल्ले़ कुले़क्वा नुःक्तु पिरुसिरो खुने़ॽ कुसाक्के़न् इसेःङ्बा चोक्लो॥ यहवे दाङ्बे़ल्ले़ कुनिङ्मिहाॽओ कुले़क्वा नुःक्तुरो, हे़क्क्याङ् खुने़ॽ के़अप्पाहाॽओ कुसाक्के़न्निन् थासुरो॥
आङ्गाॽ मे़बिराङ्बा सिदुङ्जभाहाॽ खे़ङ्हाॽरे़ मे़दोन्दुरो हे़क्क्याङ् सिदुङ्जभा सान् खे़ङ्हाॽरे़ मे़जरो, कर यहवे दाङ्बे़न् खे़ङ्हाॽनु कुनिङ्वाॽ मे़दाने़न्लो॥ आल्ल खुने़ॽ खे़ङ्हाॽरे़ खुन्छिॽ फे़न्याःम्बक्किन् निङ्वाॽ इःत्तुरो हे़क्क्याङ् खुन्छिॽ लायोल्ले़ कुले़क्वा खुम्दिङ् पिरुसिरो, खम्भ्याङ् खे़ङ्हाॽ मिस्र लाजेॽ मे़नुःङ्ङाङ् मे़बेःक्लो॥
खे़ल्ले़चोगुल्ले़ यहवे दाङ्बा इस्राइलबा निङ्वाॽफुमाङ्ङिल्ले़ कुमनाहाॽ कम्ब्राङ् के़मे़प्पा मे़ल्लुक्कम्बाहाॽरे़ खुन्छिॽ याःम्बेओ खुने़ॽ अक्खे पाःत्तुॽ, “खिनिॽ आङ्गाॽ आमनाहाॽ कम्ब्राङ् के़म्मे़त्तुम्सिम्मिन्, खिनिॽ खे़ङ्हाॽ फुत्छिङ्ज्याङ् के़जोगुम्सिम्माङ् पुबेलाप्सा के़नाःत्तुम्सिम्॥ आल्ल खिनिॽ ताप्फे़ःम्बा याःम्बक्हाॽरे़ लागि खिनिॽ खुम्दिङ् पिनिङ्ॽ॥
आङ्गाॽ खिनिॽ सम्धाङ् ते़न्धङ्हाॽ तारुङ्ॽ, हे़क्क्याङ् आङ्गाॽ चोगुङ्बा माङ्हुप्पिन् के़भेःन्दुम्बाल्ले़ कुले़क्वा नुःक्तुङ्ॽ॥ खिनिॽ आप्फेक् आप्फेक् ये़क्यक्हाॽओ के़जुप्सिॽ, आङ्गाॽ खे़प्मोआङ् खिनिॽ लुम्मो तुक्मा लाःक्मा पाङ्घुङ्ॽ, खे़ब्याङ् खिनिॽ निङ्मिहाॽरे़ खुन्छिॽ हुक्को के़ध्ये़ॽइ॥
यहवे दाङ्बाए, खे़ने़ॽ के़साक्के़न्निल्ले़ आङ्गाॽ मि हे़क्के थुक्कारो, आल्ल आङ्गाॽ खे़न् थम्माआङ् कप्मा मे़सुक्कान्लो॥” हे़क्क्याङ् यहवे दाङ्बे़ल्ले़ आङ्गाॽ अक्खे मे़त्ताङ्लो, “खे़न् आसिक् पोःक्मान् लाम्मो के़वाॽबा हिन्जाॽबित्छाॽहाॽ हे़क्क्याङ् थाङ्बे़न्हाॽ मे़जुम्बादे़न्नो थासे़ॽओ॥ ये़म्बा नु मेःत्हाॽ के़रे़क् मे़दे़म्सु मे़देॽरुसिरो, कुधे़गेक् के़भुप्पा काप्पोबाआङ् मे़ल्ले़रुन्छिन्लो॥
Piblisite