यर्मिया 5:6 - लिम्बु6 खे़ल्ले़चोगुल्ले़ ताम्भुङ्ङोबा खिरिङ्बाहाॽरे़ खे़ङ्हाॽ मे़से़रुसिरो, मुरे़क् खारे़क्पोबा पराबाहाॽरे़ खे़ङ्हाॽ मे़धे़ःक्खु मे़से़रुसिरो हे़क्क्याङ् थे़रिङ्बाहाॽ खुन्छिॽ ये़क्यक् हे़ङ्गात्ति ताक्मे़गन्लो॥ कुभा लाःक्कात् मे़बेःक्ने़भग्र खे़ङ्हाॽ कुज्रिङ् कुज्रिङ् मे़बोङ्लो थेआङ्भे़ल्ले़ खे़ङ्हाॽरे़ निःत्मे़न्दे़त्ते यरिक् लायो मे़जोगुआङ् वाॽरो हे़क्क्याङ् खे़ङ्हाॽरे़ निङ्वाॽफुमाङ्ङिन् ए़त्ले़ङ् के़म्नाॽरे़आङ् वाॽरो॥ Gade chapit la |
यर्मिया 5:6
38 Referans Kwoze
खुन्छिॽ अन्हाॽ थे़रिङ्बाहाॽनुःल्ले़ हारा मे़लोःक्लो हे़क्क्याङ् युःन्छिक् के़लःम्बा पराबाहाॽनुःल्ले़ के़आःप्पा मे़जोक्लो॥ खे़ङ्हाॽरे़ खुन्छिॽ अन्गे़युक्पाहाॽ माःङ्घाबा लाजेॽलाम् मे़दारो, खे़ङ्हाॽरे़ खुन्छिॽ अन्हाॽरे़ खाम्बाङ्ङिन् मे़बागुरो मयाःल्ले़ सानाःत्तिन् लप्मारे़ लागि पेबा कुइसिक् खे़ङ्हाॽ सुबुबुना तगि मे़सुःक् मे़बेःक्लो॥
कुघाओलाम्बा लत्छा खिरिङ्बाधिक् लःन्दे़आङ् वाॽरो इक्सादिङ् खाम्बेःक्मोबा मे़न्छाम् याप्मिहाॽ के़मे़ङ्बान् लःन्दे़आङ् वाॽरो॥ यहुदाबा ये़क्यक्हाॽ खाप्पुथ्यःङ् चोःक्से़ खे़न् तार पत्लो॥ खिनिॽ ये़क्यक्हाॽ थुप्पाङ् लुःम्बेःक्लो हे़क्क्याङ् खे़प्मो आत्तिन्हाॽआङ् वाॽमा मे़न्छुक्ने़न्लो॥
थेआङ्भे़ल्ले़ आङ्गाॽ एफ्राइमरे़ कुलागि खिरिङ्बा नु यहुदाःल्ले़ कुहिम्सयङ्ङिल्ले़ लागि यम्बा खिरिङ्बा हे़क्तङ्बा पोङ्ङारो॥ आङ्गाॽए खे़ङ्हाॽ ताराक् ताराक् साःक्सुङ्सिङ्लो खम्भ्याङ् आङ्गाॽ आलाम्मो थासिङ्ङारो, आङ्गाॽ खे़ङ्हाॽ पक्खुङ् तेॽरुङ्सिङ्लो हे़क्क्याङ् खे़ङ्हाॽ के़से़ःप्पा हाःत्ताङ् मे़होप्लो॥
“खे़न् एगाङ् आङ्गाॽ ओमयाङ्, हे़क्क्याङ् आङ्गाॽ आदगि खे़प्मो वेॽसमा थक्सा थिक् ये़बे़, खे़न् थे़रिङ्बा हे़क्तङ्बा निदे़त्ते़॥ हे़क्क्याङ् खे़ल्ले़ कुएःक्थाःक्मो पुःल्ले़न् हे़क्तङ्बा लिसि कुलाप्हाॽ पत्छे़॥ खे़न् ताम्भुङ् थक्साःल्ले़ कुधे़गेःक्हाॽ लिसि पत्छे़, खम्भ्याङ् खे़न् हाङ्युक् चोःक्मा युक् मे़बिरु॥
“थिक्सिगेःक्पे़न् खिरिङ्बा हे़क्तङ्बा चोगे़, हे़क्क्याङ् खे़ल्ले़ कुलाप्हाॽ मुयाःल्ले़न् हे़क्तङ्बा पत्छे़॥ खे़ल्ले़ कुलाप्हाॽ मे़म्भुॽए थारिक् आङ्गाॽ ओमे़त्तुङ्ङाङ् पत्छाङ्, खे़ब्याङ् खे़न् मना हे़क्के कुलाङ् ने़त्छिरे़ तक्तुर खाम्बाङ्ङोलाम् पोगे़आङ् खे़न् मे़न्छाम् याप्मि निङ्वाॽ मे़बिरु॥
खे़ल्ले़ कुनिङ्मिहाॽ खुने़ॽ कुन्दाङ्बा मे़बोःक्खे़आङ् मे़वाॽरो, खे़ल्ले़ कुअत् कुबाङ्हाॽ मे़नाःम्सिङ्ङाङ् मे़वाॽरो॥ खे़ल्ले़ यरिक् कुलायोहाॽरे़ चोगुल्ले़ यहवे दाङ्बे़ल्ले़ खे़न् तुक्खेओ थासुबारो, खे़ल्ले़ अङे़ःक्वा कुस्साहाॽ निङ्मिहाॽरे़ खुन्छिॽ तगि पुङ्लाहिम्मो मे़दे़म्सु मे़देॽरुसिआङ् मे़वाॽरो॥
चाराम्मादे़न्नोबा मे़ल्लुक्हाॽ पित्चाक् पित्चाक् पित्तुसिर यर्दनबा तुम्भुङ्लाहाॽओलाम् थे़रिङ्बे़न् लःम्भे़म्बा कुइसिक् आङ्गाॽ ताआरो॥ एदोमे़न् कुलाजेॽलाम् नाःत्तुङ्लो, हे़क्क्याङ् सेगुङ्बा लाम्लोबान् युक्तिङ् चोगुङ्लो॥ थेआङ्भे़ल्ले़ आङ्गाॽ हे़क्तङ्बा हात् वाॽबे? खे़ब्याङ् हाःत्ले़ आङ्गाॽ खे़माॽ साःप्मा सुक्काबे? आत्तिन् युक्साबे़ल्ले़ आनिङ्वान् अप्मा सुक्तुबे?”
खिनिॽ लुङ्माॽ के़दुक्पा के़रे़क्ले़ खिनिॽ निङ्वाॽ के़म्भेःत्छिरो, खे़ङ्हाॽरे़ खिनिॽ थेआङ् कम्ब्राङ् के़मे़म्मे़त्तिन्लो॥ आङ्गाॽ निङ्मिहाॽ कुइसिक् खिनिॽ तुक्खे चाःत्निङ्लो॥ खिनिॽ सम्धाङ् के़साक्पा खुम्दिङ्ङिन् चुक्ते़आङ् वाॽरो थेआङ्भे़ल्ले़ खिनिॽ लायोहाॽ यरिक् वाॽरो हे़क्क्याङ् खिनिॽ कुॽइभे़म्मे़न् साॽरिक् यम्बा चोक्लो॥
आङ्गाॽ आमनाहाॽरे़ अक्खे मे़बाःत्तुर पेलिगे़न् तुवा मे़जोःक्कारो, “आनिगे लायोल्ले़ आनिगे याप्मि फोत्याबाए लेःत्तिगे़रो, हे़क्केसाङ् यहवे दाङ्बाए, आबाङे के़मिङ्ङिल्ले़ चोगुल्ले़ आभाॽरे़ॽओ॥ यरिक्ले़ङ् आनिगे खे़ने़ॽनु लाःत्लाःत् पोःक्खिगे़आङ् वयिगे़रो, खे़ने़ॽ के़दक्ले़ङ्वाओ आनिगे लायो चोगुम्बे़आङ् वयिगे़रो॥
खे़ने़ॽ आबाङे कुॽइभे़म्माल्ले़ के़सम्धाङ् खुम्दिङ् तारुरो हे़क्क्याङ् खे़ने़ॽ के़नाॽराङ्बा पाःन्निल्ले़ए कुनामे़न्छाॽ के़जोःक्लो॥ आङ्गाॽ यहवे दाङ्बा के़निङ्वाॽफुमाङ्ङिन् नाॽमा नु आङ्गाॽओ से़वा मे़न्जोःक्मा साॽरिक् ताप्फे़ःम्बा नु निङ्वाॽ मे़न्दामा पोङ्लो, खे़न् खे़ने़ॽ कुसिङ् के़निःत्तुरो॥ आङ्गाॽ पयम् यम्बा मुक्साम्दाङ्बा यहवे दाङ्बे़ल्ले़ पाःत्तुङ्ङाङ् वाॽआरो॥”
खे़ने़ॽ के़युक्साबाहाॽ पिफ्युङ्बा नु खुःन्द्रिक्पाहाॽरे़ खुन्छिॽ चुम्देङ् मे़बोःक्खे़आङ् मे़वाॽरो॥ खे़ङ्हाॽ के़रे़क्ले़ स्वाःत् सुरुत्याङ् चामा खुन्छिॽ सिराॽथाङ्लो, हे़क्क्याङ् खे़ङ्हाॽ चे़सुङ् मिक्तोक् खोमा खिःम्यक् मे़जोक्लो॥ खे़ङ्हाॽरे़ ये़त्छाबा ये़त्छामाहाॽ खासे़न् मे़ल्लोःन्दुन् मे़म्बिरुसिन्लो॥ हे़क्क्याङ् कुये़म्बा के़सिमा मेमेदुमाहाॽरे़ खुन्छिॽ ये़क्पेलिन् खे़ङ्हाॽरे़ मे़ङ्घे़प्सुन् मे़म्बिरुसिन्लो॥
कन् थाःक्कोबा इस्राइलबा मनासे, यहवे दाङ्बे़ल्ले़ कन् कुइङ्घङ्ङिन् निङ्वाॽ इःत्ताम्मे़ॽओ॥ थे आङ्गाॽ खिनिॽ लागि लत्छा मुरे़क् खारे़क्पा ये़ःङ्घादे़न् पोःक्खाङ्बि? इग्र थे खागे़माक्पा लाजेॽ कुसिङ्बा पोःक्खाङ्बि? हे़क्केःल्ले़ थेआङ् खिनिॽ आनिगे आप्फेक् निङ्वाॽ तादा चोगुम्बे़ खे़ब्याङ् याम्मो खे़ने़ॽओ मे़द्ये़इगे़न् के़बाःत्तुम्बाबे?
Piblisite