यहवे दाङ्बे़ल्ले़ अक्खे पाःत्तुरो, “इस्राइलए, यरिक् ये़म्माङ्धो खे़ने़ॽ आङ्गाॽ आयुक्किन् के़नाॽरुरो, खे़ने़ॽ आइङ्जाङ्ङिन् इःप्मा नाःप्मा नु आङ्गाॽ माङ्से़वा मे़प्मा के़ले़राङ्लो॥ के़रे़क् केःम्बा कोःक्मा फाङ्जङ् थे़गु माङ्वाहाॽओ हे़क्क्याङ् के़रे़क् सरेःक्क्याःप्पा सिङ्बुङ् सिगाङ् खे़ने़ॽ वेॽ माङ् साम्माङ्हाॽनु के़त्निमा हे़क्के ताप्फे़ःम्बा याःम्बक् के़जोगुरो॥
यर्मिया 5:5 - लिम्बु5 खे़ल्ले़चोगुल्ले़ आङ्गाॽ लाम्लोबाहाॽरो पेःक्काआङ् खे़ङ्हाॽनु ताॽजे़ङ्ङारो॥ से़क्खासाङ् खे़ङ्हाॽलाम्बा निङ्वाॽफुमाङ्ङिल्ले़ कुभा पाःन्हाॽ चोःक्मा निङ्वाॽ के़जोगुरो खे़न् पाःन्हाॽ खे़ङ्हाॽरे़ निङ्वाॽ मे़घोसुररो॥ यहवे दाङ्बे़ल्ले़ निङ्वाॽ के़जोगुबा काक् पाःन्हाॽ कुसिङ् मे़निःत्तुरो॥” कर के़रे़क्ले़ यहवे दाङ्बे़ल्ले़ के़युक्किन् ते़न्दिङ् चोःक्मा मे़न्दे़न्दे़न्लो हे़क्क्याङ् खे़ने़ॽ के़इङ्जाङ्ङिन् इःप्मा नाःप्मा मे़नाॽरुरो॥ Gade chapit la |
यर्मिया 5:5
25 Referans Kwoze
खे़प्मोबा लाम्लोबाहाॽरे़ सुरुत् याङ्ले़ लागि खासे़न् मे़लोःन्दुरो, खे़प्मोबा निङ्वाॽफुसाम्बाहाॽरे़ नाम्याक्ले़ लागि मे़हुॽरुसिरो, हे़क्क्याङ् खे़प्मोबा माङ्निङ्वाॽपान् के़बाःप्पाहाॽरे़ याङ्ले़ लागि माङ्निङ्वाॽपान् मे़बाःत्तुरो॥ हे़क्क्याङ्साङ् खे़ङ्हाॽ यहवे दाङ्बाओ मे़घे़ःम्सिङ्लो खे़ब्याङ् खे़ङ्हाॽरे़ अक्खे मे़बाःत्तुरो, “थे़मा यहवे दाङ्बे़न् आनिॽ लुम्मो मे़वाॽने़न्नाङ्बि? आनिॽओ थे़माआङ् ताप्फे़ःम्बा पान् मे़बोङ्ने़न् मे़दाने़न्लो॥”
सामरियाबा कोःक्माओ के़वाॽमा बासानबा पिप्मासे, सिम्बोसामा मे़न्छुमासे, कन् पाःन्निन् खे़प्से़म्मे़ॽओ, खिनिॽ याङ्गे़साॽबाहाॽ ताप्फे़ःल्लिक् के़मे़त्तुम्सिम्लो, थेआङ् मे़ङ्गप्मनाबाहाॽ खिनिॽ के़युक्तुम्सिम्लो, खे़ब्याङ् खिनिॽ ये़म्बाहाॽ अक्खे के़मे़त्तुम्सिम्लो, “थुङ्मारे़लागि आनिगे कुभा थे़माइ तारे़आबिरे़ॽओ॥”
यहवे दाङ्बे़ल्ले़ अक्खे पाःत्तुरो, “तोङ् के़आप्पा मनाहाॽरे़ तोःङ्ङिन् लिओ मे़भत्छुरो हे़क्केलॽरिक्के खे़ङ्हाॽरे़ इङ्ले़क् पाःप्मारे़ लागि खुन्छिॽ ले़स्सोःप्पान् मे़लाःक्खुरो॥ से़क्खाबा पाःन्निल्ले़ मेःन् कर कुजाःत्थि के़बेःक्पाहाॽ हाङ् मे़जोक्लो॥ आङ्गाॽ आमनाहाॽरे़ चक्मे़ल्लॽए ताप्फे़ःम्बा मे़जोगुर मे़वाॽरो॥ आङ्गाॽ खुन्छिॽ निङ्वाॽफुमाङ्आ पाःप्मा खे़ङ्हाॽ मे़न्दे़न्ने़न्लो॥
खे़ने़ॽ के़युक्साबाहाॽ पिफ्युङ्बा नु खुःन्द्रिक्पाहाॽरे़ खुन्छिॽ चुम्देङ् मे़बोःक्खे़आङ् मे़वाॽरो॥ खे़ङ्हाॽ के़रे़क्ले़ स्वाःत् सुरुत्याङ् चामा खुन्छिॽ सिराॽथाङ्लो, हे़क्क्याङ् खे़ङ्हाॽ चे़सुङ् मिक्तोक् खोमा खिःम्यक् मे़जोक्लो॥ खे़ङ्हाॽरे़ ये़त्छाबा ये़त्छामाहाॽ खासे़न् मे़ल्लोःन्दुन् मे़म्बिरुसिन्लो॥ हे़क्क्याङ् कुये़म्बा के़सिमा मेमेदुमाहाॽरे़ खुन्छिॽ ये़क्पेलिन् खे़ङ्हाॽरे़ मे़ङ्घे़प्सुन् मे़म्बिरुसिन्लो॥
कन् थाःक्कोबा इस्राइलबा मनासे, यहवे दाङ्बे़ल्ले़ कन् कुइङ्घङ्ङिन् निङ्वाॽ इःत्ताम्मे़ॽओ॥ थे आङ्गाॽ खिनिॽ लागि लत्छा मुरे़क् खारे़क्पा ये़ःङ्घादे़न् पोःक्खाङ्बि? इग्र थे खागे़माक्पा लाजेॽ कुसिङ्बा पोःक्खाङ्बि? हे़क्केःल्ले़ थेआङ् खिनिॽ आनिगे आप्फेक् निङ्वाॽ तादा चोगुम्बे़ खे़ब्याङ् याम्मो खे़ने़ॽओ मे़द्ये़इगे़न् के़बाःत्तुम्बाबे?
खिनिॽ लुङ्माॽ के़दुक्पा के़रे़क्ले़ खिनिॽ निङ्वाॽ के़म्भेःत्छिरो, खे़ङ्हाॽरे़ खिनिॽ थेआङ् कम्ब्राङ् के़मे़म्मे़त्तिन्लो॥ आङ्गाॽ निङ्मिहाॽ कुइसिक् खिनिॽ तुक्खे चाःत्निङ्लो॥ खिनिॽ सम्धाङ् के़साक्पा खुम्दिङ्ङिन् चुक्ते़आङ् वाॽरो थेआङ्भे़ल्ले़ खिनिॽ लायोहाॽ यरिक् वाॽरो हे़क्क्याङ् खिनिॽ कुॽइभे़म्मे़न् साॽरिक् यम्बा चोक्लो॥
Piblisite